ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಬಂಜಿದ ಬಾಲೆಗ್ ಮದ್ಮೆದ ಅಬ್ಬರ..
•ಬಾಲೆದ ಬುದ್ಧಿ ಅತ್ತ್ ಗೆ, ದೈತ ಇರೆ ಲತ್ತ್ ಗೆ
•ಬಾಲೆಲೆಡ ಕಂಡರೆ ಪನ್ದ್ ಸುಬಗೆ ಆವರೆ ತೂಯಿ ಲೆಕ್ಕ . •ಹೆಚ್ಚಾಂಡಲಾ ಬಾಲೆಲೆನ್ ದಕ್ಕರೆಗಾಪುಂಡಾ?
•ಬುಲೆನ್ ಮೇಪಾವುನಾಯೆ ಬಾಲೆನ್ ಕೆರ್ಪೆಗೆ.
•ಬುಲುಪುನ ಬಾಲೆಲೆಗ್ ಬುಲೆಚ್ಚಿಲ್ ಇಜ್ಜಿ.
•ಮಿರೆ ಬುಡ್ಪಾಯಿ ಬಾಲೆಗ್ ಅಂಗ್ ಎಚ್ಚ, ಬಾಲೆದಾಂತಿನಾಲೆಗ್ ಪುಲಿ ಎಚ್ಚ
•ಸಕೊತ್ತ ಬಾಲೆ ಸೊಕೊಟಿಪ್ಪಂದ್ (ಹಟದ ಮಗು ಸುಖದಲ್ಲಿರದು)
•ಸಾದಿಡ್ ಉರ್ಚಿದ್ ಅಪ್ಪೆಮ್ಮಗ್ ಪುದ್ದರ್ರ್ ಬರ್ಪಾವೆ.
•ಮೇಪುದ ಜೋಕ್ಲೆನ್ ಪಾಸಿಗ್ ಪಾಡಿ ಗಾದೆ.
•ಮಲ್ಲಾಕುಲೆ ಜೋಕುಲು ನುಂಗುನೆ, ಬಡವೆರ್ನ ಜೋಕುಲು ಓಂಗುನೆ (ಇಣುಕುವುದು)
•ಮಿರೆತಿಂದಿ ಅಭ್ಯಸೊನು ಬಿರೆಲ್ ಜುಂಬುದು ಮದಪುವೆ.
•ಬಡಪತ್ದ ಬಾಲೆ ಬುಲಿಪುನು ಬಡವುಗು, ಮಲ್ಲಾಯೆನ ಬಾಲೆ ಬುಲಿಪುನು ಕಡವುಗು.
•ಬಾಲೆದ ಕನ್ ಕಿನ್ನಿಪ್ಪು.. ಆಂಡ ದಿಟ್ಟಿ ಕಿನ್ನಿಯತ್.
• ಅಕ್ಕಲೆ ಬಂಜಿದ ಬಾಲೆ ಮುಕ್ಕುದು ತಿನ್ನುವೆ.
• ಅಪ್ಪೆ ಪೂ-ತು ಎಂಕ್ ದೂರ್ (ಬಾಲೆ ಪಂಡಿ ಗಾದೆ)
ಇಂಚ ಕೆಲವು ಗಾದೆಲೆಡ್ “ಪಾತೆರ ಬೊಲ್ಲಿ ಮೌನ ಬಂಗಾರ” ಇಂಚ ಮನಿಪಂದೆ ಕುಲ್ಲೊಡಾಪುಂಡು. ಮುಲ್ಪ ವಿವರಣೆ ಬೊಡ್ಚಿ., ತಿಗ ನೆಕ್ಕಿಲೆಕ್ಕ ಕುಶಿ ಬುಡೊಡು. ಜನಮಾನಿನ ಬದ್ಕ್ಡ್ ಗಾದೆಗಿತ್ತಿನ ಸೊಲ್ಮೆ ಬಲ್ಮೆ ಬೇತೆ ವಾ ಸಾಹಿತ್ಯಡ್ಲ ಇಜ್ಜಿ. ಗಾದೆ ಬದ್ಕ್ ದ ಉಸಿಲ್. ಜೋಕ್ಲು ಬಾಲೆಲೆನ ಮಿತ್ತ್ ನಾಡ್ಂಡ ನನಲ ಆತ್ ಗಾದೆಲು ತಿಕ್ಕು. ಯಾನ್ ಮುಲ್ಪ ಗೊತ್ತಿತ್ತಿನೆನ್ ಕೇನ್ದ್ ತೆರಿನೆನ್ ಒಟ್ಟು ಮಲ್ಪುನ ಎಲ್ಯ ಪ್ರಯತ್ನ ಮಲ್ತ್ ದೆ. ಇಂಚ ತುಲು ಜನಪದೆರ್ ಬಾಲೆಲೆನ ಮಿತ್ತ್ ಮಲ್ತಿನ ಗಾದೆಲು ಎಲ್ಯಡ್ ಮಲ್ಲ ಅರ್ಥ ಕೊರ್ಪಿನಂಚಿನವು. ಸಾಲ್ ಎಲ್ಯ್ಂಡಲಾ ಐತ ಒಳಮೈಟ್ ಉಪ್ಪುನ ಗೂಡಾರ್ಥ ಬದ್ಕ್ ಗ್ ತಾದಿ ತೋಜಾವುನವು. ಲೋಕದ ಡೊಂಕುನ್ ತಿದ್ದುನ ಬೇಲೆ ಮಲ್ಪುನಂಚಿತ್ತಿನವು. ಐಡ್ ಪ್ರಾಸದ ಪೊರ್ಲು ಪೊದಿಕೆ ಇತ್ತಿನವು.
132
