ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ನೈ ತಿಂದಿನ ಬಾಲೆ ಅಮ್ಮಗ್ ನೆರಿಯೆ, ಉಪ್ಪು ತಿಂದಿನ ಬಾಲೆ ಅಮ್ಮನ್ ತಾಂಕ್ಯೆ.
•ಬಾಲೆಲೆನ್ ಲೆತೊಂದು ಸಂತೆಗ್ ಪೋವರೆ ಬಲ್ಲಿ, ಬುಡೆದಿನ್ ಲೆತೊಂದು ಪೇಟೆಗ್ ಪೋವರೆ ಬಲ್ಲಿ.
•ಬಾಲೆಲೆನ್ ಪೆದ್ದಿನಾತ್ ಭಂಜ ಎಚ್ಚ, ಉಪ್ಪು ತಿಂದಿನಾತ್ ಬಾಜೆಲ್ ಎಚ್ಚ.
•ಜೋಕುಲೆ ಪರ್ಬೊಗು ಎಣ್ಣೆ, ಕೃಷ್ಣನ ಪರ್ಬೊಗು ಬೆಣ್ಣೆ.
•ಬಾಲೆಲೆನ ಮನಸ್ಸೇ ಎಡ್ಡೆ . ಪುಲ್ಯಕಾಂಡೆದ ದೊಂಬು ಎಡ್ಡೆ.
•ಬಾಲೆಲು ಮಲ್ತಿನನೆ ಆಟ, ಅರಿಟ್ ಮಲ್ತ್ ನನೆ ಅಡ್ಡೆ.
•ಬಾಲೆಲುದಾಂತಿ ಇಲ್ಲಿ ಸುಡುಗಾಡ್ದ ಲೆಕ್ಕ .
•ಬಾಲೆಲೆಗ್ ಅಪ್ಪೆಡ ಸಲಿಗೆ ಎಚ್ಚ.
•ನಾಲ್ವರ್ಸದ ಬಾಲೆಗ್ ನಾಯ್ ದ ಬುದ್ದಿ,
•ಕೈಲ್ ಪಾಡ್ಡಿನ ಬಾರೆ ಪೊರ್ಲು, ಬಾಲೆ ಪತ್ತಿನ ಪೊಂಜೋವು ಪೊರ್ಲು,
•ಅಪ್ಪೆ ಅಮ್ಮನ ಲಡಾಯಿಡ್ ಬಾಲೆ ಪಡ್ಚ.
•ಪತ್ತಪ್ಪೆ ಬಾಲೆಲು ಒಂಜಪ್ಪೆ ಬಾಲೆಲಲೆಕ್ಕ ಉಪ್ಪೋಡು.
•ತನ್ನ ಬಾಲೆಲು ಪೊರ್ಲು ಬೇತೆಕ್ಲೆನ ಬುಡೆದಿ ಪೊರ್ಲು.
•ಪತ್ ಬಾಲೆಲೆನ್ ಪೆದ್ದಿನಾಲ್ ಮದಿಮಾಲಾಪಿನ ಎಂಚಂದ್ ಕೇಂಡಲ್ಗೆ.
•ಜೋಕು ಬಾಲೆಲೆನ ಲಡಾಯಿಗ್ ಮಲ್ಲಾಕುಲು ಕೆಬಿ ಕೊರಿಲೆಕ್ಕಾಂಡ್.
•ತೀಪೆ ಕುಕ್ಕುದ ಮರದಡಿಟ್ ಜೋಕ್ಲೆನ ಕಾಟ, ಮುಗುಡು ಮುಗುಡು ಮಿರೆ ಬನ್ನಗ ಮಿಂಡೇರ ಕಾಟ,
•ಬಾಲೆಲೆನ ಜೊಲ್ಲು ಮಡಿ ಅತ್ತ್
•ಬಾಲೆಲೆಗ್ ಮೈಲಿಗೆ ಇಜ್ಜಿ.
•ಮದಿಮೆ ಆವಂದೆ ಬಾಲೆಲು ಆವಯೊ, ಬಾಲೆ ಆವಂದೆ ಸ್ವರ್ಗ ತಿಕ್ಕಂದ್.
•ಇಲ್ಲ್ ನಿಲ್ಕೆ ಜೊಕ್ಲು ಇತ್ತ್ಂಡಲಾ ಹಪ್ಪಲ ಕಾಪೆರೆ ಜನ ಇಜ್ಜಿ.
•ಪತ್ತ್ ಆನ್ ಬಾಲೆಲು ಒಟ್ಟುಗಿತ್ತಂಡಲಾ ರಡ್ಡ್ ಪೊನ್ನು ಬಾಲೆಲು ಒಟ್ಟುಗಾವಯ.
•ಪತ್ತ್ ಬಾಲೆಲೆನ ಅಪ್ಪೆ ಉನರೆದಾಂತೆ ತೈತಲ್.
•ಪತ್ತ್ ಪೆದ್ದಿನಾಲೆಗ್ ನನೊಂಜಿ ಪೆದ್ದರೆಗಾವಂದ?
130
