ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
•ಗೊಡ್ಡುಗು ದಾನೆ ತೆರಿವು ಬಾಲೆ ಪೆದ್ದುನ ಭಂಜ .
•ಗೋಲಿ ಗೊಬ್ಬುನಗ ಸುರುವಾಯಿನ ಜೋಕ್ಲ್ ಲಡಾಯಿ ಊರ್ನ್ ಪೊತ್ತಾಂಡ್.
•ಜೋಕ್ಲು ಎಡ್ಡೆ ಆಂಡ ಊರು ಎಡ್ಡೆ.
•ಗೊಬ್ಬುನ ಜೋಕ್ಲು ಗೊಬ್ಬೊಡು, ನಟ್ಟುನ ಜೋಕ್ಲು ನಟ್ಟೊಡು.
•ಕೋಮಾಟಿಕೆದ ಪಾತೆರನ್ ಬಾಲೆಡ್ ಕಲ್ಪೋಡು.
•ಬಾಲೆ ಪೊನ್ನಾಂಡಲಾ ಆನಾಂಡಲಾ ತಾಂಕುನ ತಾಂಕೊಡೆ.
•ಪೇರ್ ಪರ್ನ ಜೋಕ್ಲೆ ಬದುಕುಜ್ಯ ನನ ವಿಷ ಪರ್ನ ಜೋಕ್ಲು ಬದ್ಕುವೆರಾ?
•ಬಾಲೆ ಪೇರ್ ಪರ್ಪಿ ಪೊರ್ತುಗು ಅಪ್ಪೆನ ಸಾವ್, ನುಪ್ಪು ತಿನ್ಪಿ ಪೊರ್ತುಗು ಅಮ್ಮೆನ ಸಾವ್.
•ಬಡವನ ಬಾಲೆನ್ ಗುವೆಲ್ಗ್ ನೂಕ್ ದು ಗುಂಡಿ ತೂಯರ್ಗೆ.
•ಬಡವನ ಬುಡೆದಿಗ್ ಬಾಲೆಲೆನ್ ಪೆದ್ದಿನಾತ್ ಸಂತೇಸ.
•ಬಾಲೆ ಪುಟ್ಟುನ ದುಂಬೆ ಅಂಗಿ ಪೊಲ್ಲಾಯೆರ್
•ಮದ್ಮೆ ಆಯಿಬೊಕ್ಕ ಬಾಲೆಲೆನ ಚಿಂತೆ.
•ಬಂಜಿನಾಲ್ ಬತ್ತ್ಂಡ ಉಜ್ಜೆರ್ ಕೊರು, ಪದಿಮೆದಿ ಬತ್ತ್ಂಡ ಮಣೆ ಕೊರು.
•ಪೆದಂದಿನಾಲ್ ಪೆದ್ದ್ಂಡ ಊರೊರ್ಮೆ ಸುದ್ದಿ.
•ಜೋಕ್ಲಾಟಿಕೆದಾಯೆ ಬಾಲೆನ್ ಮಲ್ತೆ
•ಜೋಕ್ಲುದಾಂತಿ ಇಲ್ಲ್ ಇಲ್ಲತ್ತ್, ಪಕ್ಕಿಲುದಾಂತಿ ಕಾಡ್ ಕಾಡತ್ತ್
•ಅಮ್ಮಗ್ ಮಗೆ ಬೊಡ್ಚಿ ಅಜ್ಜಿಗ್ ಪುಲ್ಲಿ ಬೋಡಾ?
•ಬಾಲೆದಾಂತೆ ಇಲ್ಲಡ್ ಅಜ್ಜೆರ್ ಡೊಂಗಲ್ ಪಾಡ್ಯೆರ್,
•ಅಜ್ಜಗ್ ಸಾವುದ ಚಿಂತೆ ಪುಲ್ಲಿಗ್ ಆಟದೊ ಚಿಂತೆ.
•ಬಾಲೆಗ್ ಅಪ್ಪೆನ ಮಿರೆ ಪೇರ್ ಎನ್ನಿಲೆಕ್ಕ.
•ಬಾಲೆ ಕಪ್ಪಾಂಡಲಾ ಬಾಲೆದ ಗುಣ ಎಡ್ಡೆ ಬೋಡು.
•ಬಾಲೆ ಪೊರ್ಲು ಬುದ್ದಿ ಮರ್ಲ್,
•ಒಂಜಪ್ಪೆನ ಬಾಲೆಲಾಂಡಲಾ ಬುದ್ದಿ ಬೇತೆ ಬೇತೆ.
•ಆನ್ ಬಾಲೆದ ಕೈಟ್ ಪಾತ್ರೆ ಒರಿಯಂದ್, ಪೊನ್ನು ಬಾಲೆದ ಬಾಯಿಡ್ ಗುಟ್ಟು ಒರಿಯಂದ್.
129
