ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ನಮ ತುಳುವೆರ್
ಪೆರ್ಮೆದ-ಗೆಲ್ಮೆದ ತುಳ್ ನಾಡ್ ಕಡಲ್ದ ಬರಿತ ಪ್ರದೇಶ. ಅಂಚಾಂದ್ ಪ್ರಾದೇಶಿಕವಾದ್ ಮುಲ್ಪ ವಿಭಿನ್ನವಾಯಿನ ಹವಾಮಾನ ಉಂಡು. ಉಪ್ಪುದ ಉಷ್ಣ ಪ್ರದೇಶ ಆಯಿನೆಡ್ದ್ ಮುಲ್ಪದ ಸಂಸ್ಕೃತಿದ ರೀತಿ-ರಿವಾಜುಲೆಗ್ ಪ್ರತ್ಯೇಕವಾಯಿನ ಗುನಕುಲುಂಡು. ತುಳು ಮಣ್ಣ್ ದ ಕಮ್ಮೆನ ಉಂಡು. ಸಾರ-ಸಾರ ವರ್ಸೊ ಚರಿತ್ರೆ ಉಂಡು.
ಪಾಡ್ಡನಡು ತುಳುನಾಡ ಚಿತ್ರಣ : ಪಾಡ್ಡನಡ್ ಬರ್ಪುನಂಚಿನ ತುಳುನಾಡ್ದ ಚಿತ್ರಣ ಇಂಚ ಉಂಡು.
ಸತ್ತಿಗೆದಾತ್ ಮಲ್ಲೆ, ಹರಿವಾಣದಾತ್ ಉರುಂಟು-ಪಣವುದಾತ್ ಪೊರ್ಲು. ತಿರ್ತ್ ತುಳುರಾಜ್ಯ ಬಾರಿ ಪೊರ್ಲು ತೋಜುಂಡು-ಇಂಚ ಪಾಡ್ಡನೊಡು ಪುಗರ್ದಿನ ತುಳುನಾಡ್ಡ ಭಾಷೆಗ್ ಸಂಸ್ಕೃತಿಗ್ ಅಯ್ತನೇ ಆಯಿನ ದಿನ್ನ -ಬನ್ನ ಉಂಡು. ತುಳುವ ಸಂಸ್ಕೃತಿ, ಕರ್ನಾಟಕ ಸಂಸ್ಕೃತಿದ ಒಂಜಿ ಭಾಗ ಆದಿತ್ತಂಡಲಾ ದ್ರಾವಿಡ ಭಾಸೆಡ್ ಒಂಜಾಯಿನ ತುಳುಭಾಸೆಗ್ ಒಂಜಿ ಪ್ರತ್ಯೇಕವಾಯಿನ ಸ್ಥಾನಮಾನದ ಮಲ್ಲಾದಿಗೆ ಉಂಡು. ಅಂಚನೇ ಎಡ್ಡೆ - ಪಡ್ಕೆ ಕಾರ್ಯಲೆಡ್ ಐತನೇ ಕೆಲವು ವಿಶಿಷ್ಟವಾಯಿನ ಸಂಪ್ರದಾಯ ಉಂಡು. ತೆನ್ಕಾಯಿ, ಚಂದ್ರಗಿರಿಡ್ದ್ ಬಡಕಾಯಿ ಭದ್ರಗಿರಿಮುಟ್ಟಿ, ಮುಡಾಯಿ ಘಟ್ಟಡ್ದ್, ಪಡ್ಡಾಯಿ ಕಡಲ್ ಮುಟ್ಟ ಪರಡ್ದಿತ್ತಿನ ತುಳುನಾಡ್ಡ್ ನೆಲೆಂದ್ ಪನ್ಪಿನೆಡ್ಡಾವರ ತುಳುವೆರೆಗ್ ಲೋಕಡ್ ಎಡ್ಡೆ ಮದಿಪುಂಡು. ತುಳುನಾಡ್ ನಾಗದೇವೆರೆನ ನೆಲೆಪನ್ಪುನೈಕ್ಕ್ ನಾಗರ ಖಂಡಂಗ್ಲ ಪುದಾರುಂಡು. ಅತ್ತಾಂದೆ ಈ ಭಾಗನ್ ಪರಶುರಾಮ ಸೃಷ್ಟಿಂದ್ಲಾ ಪನ್ಪೆರ್.
ಪ್ರಪಂಚದ ವಾ ಜಾತಿ-ಧರ್ಮದಾಕ್ಲೆಗ್ಲಾ ಬಾಲೆ ಪಂಡ ಅವ್ ವಂಶದ ತೆಗಲೆ. ಬಾಲೆದಾಂತಿನ ಇಲ್ಲ್ ಇಲ್ಲತ್ತ್. ಬಾಲೆದಾಂತಿನ ಅಪ್ಪೆ ಪುನಕ್ ಸಮ. ಬಾಲೆ ದಾಂತಿನ ಗೊಡ್ಡುಗ್ ದುಂಬು ಮೂಜಿಕಾಸ್ ಬಿಲೆ ಇತ್ತಜ್ಜಿ. ಸಂತಾನಗಾದ್ರ ಪೂಜೆ - ಪುನಸ್ಕಾರ, ಪಟ್ಟ ಪರಕೆ ಪುನಂಚಿನೆನ್ ನಮ ಪಾಡ್ಡನಡ್, ಕತೆಕ್ಲಡ್, ಗಾದೆಲೆಡ್ ಕೇನ್ವ ಜನಮಾನಿ, ಪ್ರಾಣಿವರ್ಗಗ್ ಸೇರ್ದಿನಾಂಡಲ ಪ್ರಾಣಿದ ಕಿನ್ನಿದಲೆಕ್ಕ, ಬಾಲೆ ಪುಟ್ಟಲಕ್ಕನೆ ಬಲಿಪುಜ್ಜಿ. ಬಾಲೆಗ್ ಸಮ ಬುದ್ದಿ ತೆರಿಯರೆಗ್ ಮೂಜಿ ನಾಲ್ ವರ್ಸ ಬೋಡೇ ಬೋಡು. ಆತಿನಂಗೆ ಬಾಲೆಲೆನ ತಮೆರಿ-ತಾಂಕನೆ, ಗೊಬ್ಬಾವುನ, ಮಾನಾವುನ, ಜೋಯಿಪದತ ಸಾಹಿತ್ಯಗಾದ್ರ ತುಳು ಜನಪದರ್ ಪುರುಕುಂದಿಲೆನ್ ತಾಂಕುನೈಟ್ ಅಕುಲೆನ ಸಂಸ್ಕೃತಿ ದಾದ? ಬಾಲೆನ್ ಗಬ್ಬಡ ತುಂಬುದಿನ ತುಳುವೆದಿನ್ ಎಂಚ ತಾಂಕ್ವೆ? ಬಯಕೆದ
11
