ಪೋದು ಪತ್ತ್ ನಿಮಿಸೊಡೇ ಆರ್ ಈ ಲೋಕ ಬುಡುದು ಪೋಯರ್, ಉಂದು ಕತ ಅತ್ತೆ ನಿಜವಾದ್ ನಡತಿ ಸಂಗತಿ. ತಾನ್ ಬಟ್ಟೋ ಬರಂದೆ ಬೇತೆಕ್‌ಲೆಗ್ ಕಷ್ಟಕೊರಂದ ತಯ್ಯನವು ಮಲ್ಲ ಭಾಗ್ಯ, ಸಂಸ್ಕೃತೊಡು ಸುಭಾಷಿತಕಾರೆ ಪಂಡಿಲೆಕ, `ವಿನಾದೈತ್ಯೇನ ಜೀವನಂ ಅನಾಯಾಸೇನ ಮರಣಂ' ಪ ಪಾತೆರೊಗು ಸರಿಯಾದ್‌ ಬದ್‌ನಗಲಾ ಸೈನಗಲಾ ಆರ್ ಗೌರವೊಡ್ ಇತ್ತೆರ್. ಶ್ರೀ ಹೆಗ್ಗಡ್ ತುಳುನಾಡ್ ಭಾರತ ದೇಶೂಗು ಕೊರಿನ ಮಲ್ಲ ಕಾಣಿಕೆ, ಕನ್ನಡೊಡು ಸಂಶೋಧನೆ ಪಿ ಪುದರ್ ಉಪ್ಪುನೆಟ್ಟ ಒರಿಯುನ ಮಲ್ಲ ಪುದರ್ ಶ್ರೀ ಶ್ರೀ ನಂದೊಳ್ಳೆ ಅಮುಂಜೆಗುತ್ತು ಶೀನಪ್ಪ ಹೆಗ್ಗಡ್ ಪೊಳಲಿ. ಶತಾಬ್ದ ಆಚಾರಣೆ ಹೆಗ್ಗಡ್ ಪುಟುದು 1989 ಆಗಸ್ಟ್ ತಿಂಗೊಳುಡು 8ನೇ ತಾರೀಕ್‌ಗ್ ನೂದನೇ ವೊರ ಸುರುವಾಂಡ್, ಶತಾಬ್ದದ ನೆಂಪುಗಾತ್ರ ಒಂಜಿವೂರ ತುಳುನಾಡ್‌ದ ಬೇತೆ ಬೇತೆ ಊರುಲೆಡ್, ಸಂಘ ಸಂಸ್ಥೆಲೆಡ್ ಉಚ್ಚಯೊಲೆನ್ ನಡಪಾಯರ್, 1990 ಮಾರ್ಚ್ ತಿಂಗೊಳುದ 9-10 ತಾರೀಕ್‌ ರಡ್ಜ್ ದಿನೊ ಪುರಾಲ್‌ಡ್ ಮಲ್ಲ ವಿದ್ವಾಂಸರ ಕುಲು ಕೂಡುದು ಹೆಗ್ಗಡ್ ತುಳು-ಕನ್ನಡ ಬಾಸೆಲೆಗ್ ಮಲ್ಲಿ ಸೇವೆನ್ ಪುಗರಿಯ, ಬೆಂಗಳೂರು ಬೊಕ್ಕ ಬೊಂಬಾಯಿಲೆಡ್ ವಿಚಾರಗೋಷ್ಠಿಲೆನ್ ಏರ್ಪಾಡ್ ಮಿರ್. ತುಳುಟು ಬೇಲೆ ಮಲ್ತ ಅಯಿಕ್ ಮಿತ್ತ್ ಮಣೆ ತಿಕ್ಕರೆಗಾತ್ರ ಪುಣೆಯಿನಕ್‌ಲೆಗ್ ಸನ್ಮಾನ ಮಲ್ಲೆರ್. ಹೆಗ್ಗಡ್ ಬರೆತಿನ ನಾಲ್ ಕನ್ನಡ ಬೊಕ್ಕ ರಡ್ ತುಳು ಬೂಕುಲೆನ್ ಒಟ್ಟು ಮಲ್ತ್‌ದ್ ಶೀನಪ್ಪ ಹೆಗ್ಗಡ ಸಮಗ್ರ ಸಾಹಿತ್ಯ ಸಂಪುಟೊನು ಅಚ್ಚಿ ಮಲ್ಪಾಯ, ಅವ್ವತ್ತಂದ ಹೆಗ್ಗಡೆನ ವಿಷಯವಾದ್ ಅರೆನ್ ಜಿಂಜ ಕಯಿತಲ್‌ಡ್ ತೆರಿನಕುಲು ಬರೆಯ ಬರವುನ್‌ ಆರ ಬೂಕುಲೆದ ವಿಷಯೊಡು ವಿದ್ವಾಂಸೆರ್ ಬರೆಯಿ ಪ್ರಬಂದೊಲೆನ್‌ಲ ಒಟ್ಟು ಮಲ್ತ್‌ದ್ ತುಳುವಾಲ ಪಟ್ಟಿ ಬೂಕುನು ಅಚ್ಚಿ ಮಲ್ಲೆರ್, ಆ ಬೂಕುಲೆನ್ ಓಂ ಹೆಗ್ಗಡೆನ ವ್ಯಕ್ತಿತ್ವ ಬೊಕ್ಕ ಸಾಧನೆದ ಒಂಜೀತಾಂಡಲಾ ಗುರ ಆಪುಂಡು. ತುಳು ಸಾಹಿತ್ಯದ ಬಾನೊಡು ಧ್ರುವ ಬೊಳ್ಳಿಯಾದ್ ಬೆಳಗುನ ಹೆಗ್ಗಡೆ ಪುದರ್ ಶಾಶ್ವತ !
24
