ದಿನಚರಿ - ಪುರಾಲ್‌ಡ್‌ ಉಪ್ಪುನ ದಿನೊಕ್ತಡ್ ಆತ್ಮ ದಿನಚರಿ ಸಾಮಾನ್ಯವಾದ್ ಯಿಂಚ ಯಿತ್ತ್ಂಡ್ ಕಾಂಡೆಲಕ್‌ ಚೌಳಿನೀರ್‌ಡ್ ಮೀವೊಡು, ಅರೆಗಾಲ ಮರಿಯಾಲ ಪಂಡ್‌ದ್ದೆ. ಏಪಲಾ ಚೌಳಿನೀರೇ. ಕಚ್ಚ ತತ್ತುದು ಅಂಗಿ ಪಾಡ್‌ದ್ ದೇವಸ್ತಾನದಡೆ ಪೋವೊಡು, ಆ ಮಟ್ಸ್‌ಡ್ ಆರ್ ನಿತ್ಯ ಮದಿಮಾಯೆಂದ್ ಆರ ಬೊಡೆದಿ ಪನೊಂದಿತ್ತೆರ್, ಪಿರಬತ್ತಿ ಬೊಕ್ಕ ಒಂಜಾ ಕೊಟ್ಟು ಪಿಕ್ಕಾಸ ಪತ್‌ದ್ ಬೇಲೆ. ಇಜಿಂಡ ಬರಪಿನ ಬೇಲೆ. ದಿನೊಲಾ ಬರೊಂದಿತ್ತಿ ಕಾಕಜಿನ್ ಓದುದು ಉತ್ತರ ಬರೆಪಿನ ಶಿಸ್ತ್. ಪೊರ್ಲುದ ಕನ್ನಡ ಇಂಗ್ಲೀಷ್ ಕೈ ಬರವು. ಇಲ್ಲಡ್ ನಾಲಾಜಿ ಕಪಾಟ್‌ಡ್ ಸಾರೊಡ್ಡುಲಾ ಯಚ್ಚ ಬೂಕುಲು, ಕನ್ನಡದ ಹೆಚ್ಚಿನ ಮಾತ ಪೇಪರ್‌ನ್ನಾ ತಪ್ಪಾದ್ ಓದೊಂದಿತ್ತೆರ್. ಇಲ್ಲಡ್ ಇಜ್ಜಂದಿನ ಸಮಯ ಪೂರಾತಿರ್‌ಾಟನೇ, ಪ್ರತಿ ಊರುಡುಲಾ ಒಂಜಿ ರಡ್ ಇಷ್ಟೆರಕುಲು ಇತ್ತೆರ್, ಪುರಾ ಚೆಂಡ್‌ ಉಚ್ಚಯದಪಗ ಅಕುಲುಲಾ ಬರೊಂದಿತ್ತೆರ್, ಬತ್ತಿನ ಬಿನ್ನೆ ಪಂಡ ಪೊದ್ದರಾತ್ ಪಿರಿತಿ, ಮೋಕೆ, ಪಿದಾಡ್‌ನಗ ಒಂಜಿ ನಮುನೆದ ಬೇಜಾರ್‌ಡೇ ಪೋವೊಂದಿತ್ತ, ಅಕೇರಿದ ದಿನ 1966, ಸಪ್ಟೆಂಬರ ತಿಂಗೊಳು ಮೂಜನೇ ತಾರೀಕ್, ಕಾಂಡೆಲಕ್‌ 3 ಕಂಕನಾಡಿ ಗರೋಡಿದಲ್ಪ ಇತ್ತಿನ ಅಕ್ಷರದ ಮೊಳ ತಯಾರ್ ಮಲ್ಲುನಾರ ಇಲ್ಲಡೆ ಪೋಯೆರ್, ಶ್ರೀನಿವಾಸ ಲಿಪಿ ಬೂಕುಗಾತ್ರ ಪೊಸಮೊಳೆಕ್ಟ್ ಲೆನ್ ಅವುಲು ಮಲ್ಲೊಂದಿತ್ತಿನೆನ್ ತೂಯೆರ್, ಅಡ್ಜ್ ಸರವು ಗಣಪತಿ ದೇವಸ್ತಾನೊದ ಕಯಿತಲ್ ಯಿತ್ತಿನ ಕೆ. ಎಸ್. ಉಪಾಧ್ಯಾಯೆರೆನ್ ತೂಯೆರ್, ಕೆನರಾಪ್ರೆಸ್‌ಗ್ ಪೋಯೆರ್, ಶ್ರೀನಿವಾಸ ಲಿಪಿ ಬೂಕುದ ಅಚ್ಚಿಗ್ ಬೋಡಾಯಿನ ಏರ್ಪಾಡ್ ಮಲ್ಲೆರ್. ಅಲ್‌ಡ್ ಪೆಂಟ್‌ಲೆಂಡ್ ಪೇಟೆಡಿತ್ತಿನ ಐ. ಕೆ. ಪಿ. ಶರ್ಮರನಡೆ ಪೋಯೆರ್, ತೂವಂದೆ ಜಿಂಜ ಸಮಯ ಆಂಡ್‌ಂದ್ ಬತ್ತೆ. ಒಂಜಿ ಲೋಟೆ ನೀರ್ ಕೊರಂದ್ ಕೇಂಡ್‌ದ್ ಪರಿಯೆರ್. ಅಲ್ ಪಿದಾಡ್‌ದ್ ಆರ ಪುಲ್ಲಿ ಬಾಲಕೃಷ್ಣನ್ ನಾಡೊಂದು ಮಾರ್ನೆಮಿ ಕಟ್ಟೆದ ಕಯಿತಲ್ ಮಹಾಕಾಳಿ ಪಡುದ ಇಲ್ಲಡೆ ಪೋಯರ್, ರಡ್ ಉಂಡರ್. ಶ್ರೀನಿವಾಸ ಲಿಪಿ ಬೂಕುದ ಅಚ್ಚಿಗ್ ತಯಾರಾತ್‌ಂಡ್. ನನ ಎಂಕ್‌ರುಜಿ. ಎಲ್ಲೆದ್ದಂಚಿ ಈಯೇ ಅಯಿತ ಕೆಲಸ ತೂವೊಡುಂದರ್, ಆತನೆಟ್ಟ ಅಯಿತ ಸಂಗತಿಯೇ ಆಯಗ್ ಗೊತ್ತಿದ್ದೆ. ಆಂಡಲಾ ಹಾಂ ಹೂಂ ಪಂಡೆ. ಅಲ್ ಮದ್ಯಾನ ದೊಂಬುಗೇ ಲಕ್‌ದ್ ಪೋಯರ್, ಬಯ್ಯ ಆಯಿಬೊಕ್ಕ ದೊಂಬು ಮಾಯಿಬೊಕ್ಕ ಪೋಲೆಂದ್ ಪಂಡಲಾ ಕೇಂಡ್‌ಜೆ, ಬತ್ತಿ ಕೆಲಸ ಆಂಡ್. ಪೋಪಂದರ್, ಲಕ್‌ದ್ ಪೋಯ ಅಂಚ 23
