ಆರ ಪೂರ ಸಮಯೊನು ತುಳು-ಕನ್ನಡೊಡು ಬರೆಯೆರೆ, ಇತಿಹಾಸ, ಜನಜೀವನ, ತುಳುವೆರೆನ ಸಂಸ್ಕಾರೊಲು ಇಂಚ ಬೇತೆ ಬೇತೆ ಸಂಗತಿಲೆನ್ ಒಟ್ಟು ಮಲ್ತ್ದ್, ಪೆಜಿದ್ ಜನೊಕ್ಷೆಗ್ ತೆರಿಪಾಯರ ವಿನಿಯೋಗ ತುಳು ಸಾಹಿತ್ಯ ಚಳವಳಿದ ಕಾಲೊಡು ಪುರಾಲ್‌ಡ್ ಆರ ಗುರು ಬಡಕಬಯಿಲ್ ಪಸ್ರಾಯರ ದುಂಬಾಳುತನೊಟ್ಟು ಕುಡ್ಡದ ವಕೀಲೆ ಆನಂದ ತಳವಾರರ ಗುರಾರೆಡ್ ತುಳು ಸಮ್ಮೇಳನ ಏರ್ಪಾಡ್ ಮಲೆರ್, ತುಳುನಾಡ್ ಪಟ್ಟಿ ಕೈ ಬರವುದ ಪತ್ರಿಕೆನ್ ಪ್ರಕಟ ಮಲ್ಲೆರ್ ಪತ್ರಿಕೆದ ಪ್ರತಿ ತಿಂಗೊಳು ಸಂಚಿಕೆಡ್‌ಲಾ ಮೆರೆನ ಮುತ್ತುದ ಲೆಕಂತಿ ಪೊಗ್ಗು ಕಂಟ್‌ ಅಕ್ಷರ. ಬಡಕಬಯಿಲ್ ಪಸ್ರಾಯರ ಬೇತೆ ಬೇತೆ ಲೇಖನೊಲು, ಕಬಿತೊಲು, ನೀತಿ ಪದೊಕುಲು, ಹೆಗ್ಗಡೆ `ತೆಲಿಪುಲೆ' ಸಂಗ್ರಹೊನು ಕಿಲ್ಲೆರ ಪದಕ್ಕೆನ್ ನೆಟ್ ಸೇರಾದಿತ್ತೆರ್. ಆ ಕಾಲೊಡು ಕುಡಲಡ್ ಎರಾಡಾಯಿನ ಜಿಲ್ಲಾ ಮಟ್ಟದ ಶೈಕ್ಷಣಿಕ ಪ್ರದರ್ಶನೊಡು ಈ ಹಸ್ತ ಪತ್ರಿಕೆಗ್ ಸುರುತ್ತ ಇನಾಮುತಿಕ್‌ಂಡ್, `ನವಯುಗ' ಪಣ್ಣಿನ ವಾರ ಪತ್ರಿಕೆಡ್ ತಿಂಗೊಳುಗೊಂಜಿ ತುಳುಪುರವಣಿ ಪ್ರಕಟ ಮಲ್ಲೊಂದಿತ್ತೆರ್, `ತುಳುನಾಡ್ ಕೈ ಬರವುದ ಪತ್ರಿಕೆಡ್ ಬತ್ತಿ ಬರವುಲೆನ್ ಈ ಪುರವಣಿಡ್ ಅಚ್ಚಿ ಮಲ್ಸ್‌ದಿತ್ತೆರ್. ಉಂದೆಕ್ಟ್ ಹೆಗ್ಗಡ್ ದೆತೊಂದಿನ ಉಮೇದ್, ಪತ್ರಿಕೆದ ಸಂಪಾದಕೆ ಹೊನ್ನಯ್ಯ ಶೆಟ್ಟಿ ತುಳು ಬಾಸೆದ ಮಿತ್ತ್ ತೋಜಾಯಿ ಮೋಕನೇ ಕಾರಣ. 1956 ನವಂಬರ ೧ ಕ್ ಕರ್ನಾಟಕ ರಾಜ್ಯ ಮಹಾ ಮೈಸೂರು ಪಣ್ಣಿ ಪುದರ್‌ಡ್‌ ಅಸ್ತಿತ್ವಗು ಬತ್ತ್ಂಡ್. ತುಳುನಾಡ್ ಒಂಜಿಮೆಯಿ ಆದಿತ್ತಿನ ಕಾಸರಗೋಡು ಕರ್ನಾಟಕದ ಕೈ ತತ್ಪದ್ ಕೇರಳೊಗು ಸೇರ್‌ಂಡ್, ತುಳುನಾಡ್ ಚಳವಳಿ ಬಿರ ಬುದ್ಯಂತೆ ಬೆರಿ ಸಹಾಯ ಕೊರುವೆರ್‌ಡ ಕಾಸರಗೋಡು ತುಳುನಾಡ್ ಒರಿದು. ಹೆಗ್ಗಡ್ರಾ ಪಣಿಯಾಡಿದಾರ್‌ಲಾ ಪಂಡಿ ಪಾತೆರೊಗು ಕೆಬಿಕೊರಂದಿನೆಡ್ಡಾ ತ್ರ ಇನಿಲಾ ಕಾಸರಗೋಡು ಕೇರಳೊಡೇ ಒರಿಂಡ್‌. ೧೯೬೪ ತನ್ನ ೭೪ನೇ ಒರದ ಪ್ರಾಯೊಡು ಕಾಸರಗೋಡು ಕರ್ನಾಟಕಕೂಗು ಸೇರೊಡುಂದು ಒತ್ತಾಯ ಮರೆಗಾತ್ರ ನಿರಶನ ಮಲ್ಪುವೆಂದ್ ಹೆಗ್ಗಡ್, ಸರಕಾರೊಗು ತೆರಿಪಾಯರ್, ಆಂಡ ಕಾಸರಗೋಡುದ ಧುರೀಣೆರ್ ಮಖ್ಯವಾದ್ ಕಳ್ಳಿಗೆ ಮಹಾಬಲ ಭಂಡಾರಿಲು ಆರ ಮನಸ್ ಒಲಿಸಾದ್‌ ಉಪವಾಸೊನು ಬುಡ್ಡಾಯೆರ್. ಸಮಾಜ ಸೇವೆ. ಬೇತೆಕ್‌ ಬಟ್ಟೋನು ತೂಂಡ ಕರವುನ ಉಡಲಿತ್ತಿನಾರ್ ಹೆಗ್ಗಡ್, ನಾಲ್‌ಜನೊತ್ತ ಎಡ್ಡೆಗಾದ್ ಬೆನ್ನಿನವು ಅರೆನ ಜಮ್ಮೊಡೇ ಬಯಿದಿ ಗುಣ, ಜಾತಿಮತ ಯೆತ್ಯಾಸೊನು ಆರ್ ಒತ್ತೊಂದಿತ್ತಿಜೆರ್, ಹರಿಜನ ಗಿರಿಜನ, ಮುಸ್ಲಿಂ-ಕ್ರೈಸ್ತ ಪಣ್ ಯೆತ್ಯಾಸೊಲು ಅರೆ ಹರದಾರಿ ದೂರ, ಬಾರಿ ಇಂಚಪ್ಪ 8
