ಕಯ್ಯಾರೆರ್ನ ತುಳು ಕಬಿತೆಲು
ಕಯ್ಯಾರ ಕಿಞ್ಞಣ್ಣ ರೈಕುಲು ನಮ್ಮ ತುಳುನಾಡ್ದ ಮಲ್ಲ ಕವಿ ಬೊಕ್ಕ ಹೋರಾಟಗಾರೆರ್. ತುಳುನಾಡ್ಡ್ ಪುಟ್ಟುದು-ಬಳತ್-ಬಾಳಿನ ಆರ್ “ನರಮಾನಿ ನೂದು ವರ್ಸೊದ ಸಾರ್ಥಕ ಬಾಳ್ವೆ ಮಲ್ಲೊಡು” ಪನ್ಪಿ ತನ್ನ ದಿಟ್ಟಿದಂಚನೆ ನೂದು ವರ್ಸೊದ ಸಾರ್ಥಕ ಬಾಳ್ವೆ ಮಲ್ತಿನ ಮಲ್ಲ ವ್ಯಕ್ತಿತ್ವೊದಾರ್. ತನ್ನ ಆದರ್ಶ ನೀತಿ-ರೀತಿ, ನಡಾವಳಿಲೆನ್ ತನ್ನ ಬದ್ ಕ್ ದುದ್ದೊಗು ನಿರಂತರ ದೀವೊಂದು ಒರಿ ನರಮಾನಿ ಎಂಚ ಎಡ್ಡೆಪ್ಪುದ ಬದ್ ಕ್ ಕಟ್ಟೊಡು-ಬದ್ ಕ್ ಮಲ್ಪೊಡು ಪನ್ಪಿನೆಕ್ ಆರ್ ಮಲ್ಲ ಒಂಜಿ ನಿದರ್ಶನ ಆದುಲ್ಲೆರ್. ಆರ್ ಮುಲ್ಪದ ಗಾಳಿ-ನೀರ್-ಮಣ್ಣ್ ಗಾದ್ ಪೊರ್ಂಬಾಟ ಮಲ್ತ್ ದ್ ಬದ್ ಕ್ ಕಟ್ಟಿಯೆರ್. ಅಪ್ಪೆ ಬಾಸೆ ತುಳುಕ್ಲಾ ತಾಂಗ್- ತರ್ಕ್ ದ್ ಬಳತೆರ್. ಒಟ್ಟಿಗೆ ಕನ್ನಡ ಸಾಹಿತ್ಯೊ ಲೋಕೊಡ್ಲಾ ಮಲ್ಲ ಪುದಾರ್ದ ಕಬಿಯಾದ್ ಮೆರೆಯೆರ್. ಕಯ್ಯಾರೆರ್ ಪಂಡ ಕಯ್ಯಾರೆರೆ. ಆರೆಗ್ ಸರಿಗಟ್ಟುನ ವ್ಯಕ್ತಿತ್ವೊ ನಮಕ್ ಬೇತೆ ತಿಕ್ಕೆರೆನೇ ಸಾಧ್ಯ ಇಜ್ಜಿ. ಇಂಚಿ ವ್ಯಕ್ತಿತ್ವದ ಕಯ್ಯಾರೆರ್ ತುಳುಟು ದಾದ ಮಲ್ತ್ ದೆರ್ ಪನ್ಪಿನೆನ್ ತೆರಿಪಾವೊಡು ಪನ್ಪಿ ಉದ್ದೇಶೊಡೇ 'ಕಯ್ಯಾರೆರ್ನ ಕಬಿತೆಲೆನ್' ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಕಟ ಮಲ್ತೊಂದುಂಡು. ಕಯ್ಯಾರೆರ್ ತುಳು ಬಾಸೆಡ್ ಬರೆಯಿನವು ಕಡಿಮೆನೆ. ಆಂಡ ಆರೆಗ್ ತುಳುಬಾಸೆ, ತುಳುನಾಡ್, ಮುಲ್ಪದ ನೆಲ, ನೀರ್, ಮಣ್ಣ್, ಗಾಳಿದ ಬಗೆಟ್ ಅಪಾರ ಅಭಿಮಾನ ಇತ್ತ್ಂಡ್. ಆರ್ ಮುಖ್ಯವಾದ್ ಕನ್ನಡ ಮಾಸ್ಟ್ರ್ ಆದ್ ಇತ್ತ್ ದ್, 1956ಟ್ಟ್ ಭಾಷಾವಾರು ಪ್ರಾಂತ್ಯ ರಚನೆ ಆನಗ ಅರೆನ ಪುಟ್ಟು ನೆಲ ಕಾಸರಗೋಡು ಕರ್ನಾಟಕೊಡ್ಡು ಕೇರಳಗ್ ಜಾರ್ನಗ, ತನ್ನ ಪುಟ್ಟು ನೆಲನ್ ಕರ್ನಾಟಕೊಗೇ ಸೇರಾವೊಡು ಪನ್ಪಿ ಹಟ ಪುಟ್ಟುನಗ ಅರೆಗ್ ಕನ್ನಡೊನು ಬುಡ್ಡು ಉಂತೆರೆ ಆಯಿಜಿ. ಕರ್ನಾಟಕೊದ ಆಡಳಿತ ಬಾಸೆ, ಶಿಕ್ಷಣದ ಬಾಸೆ ಕನ್ನಡನೇ ಆಯಿನೆಡ್ದಾವರ ಆರ್ ಕನ್ನಡೊಡೇ ಬರೆವೊಡಾದ್ ಬತ್ತ್ಂಡ್, ಆಂಡ
vii
