ಈ ಪುಟೊನು ಪ್ರಕಟಿಸದ್ ಆಂಡ್
ಪನ್ಲೆ ಒಂಜಿ ಸೊರೊಟು
ಕೆಸರೆ ಗಂಗೆದ ತೀರ್ತೊ, ಬೆಗರೇ
ಪಂಚಗವ್ಯದ ಪುಣ್ಯನೀರ್,
ಕಾಡ್ಮುಳ್ಳೇ ಪಾವಡೆದ ನಡೆ
ದೊಂಬು ಬರ್ಸೊನೆ ಅಪ್ಪೆಪೇರ್.
2
ಕಲ್ಲ್ ದರ್ತ್ದ್ ಮಣ್ಣಗರ್ತ್ದ್
ಏರ್ತಿಗಲೆದ ಗಟ್ಟಿಡ್,
ಬಾರ್ಬಂಗಾರ್ ಕುರಲ್ ಬೆಂದೆರೊ
ನೆತ್ತೆರುರ್ಕುನ ರಟ್ಟೆಡ್.
3
ತಾರೆತಾರಿದ ಅಮೃತಧಾರೆಡ್
ಬಂಜ ಬಾಜೆಲ್ ತೀರ್ಂಡ್,
ಗಂಧಸಾಲೆದ ನುಪ್ಪು ಉಂಡ್ದ್
ಸಕ್ತಿ ಜೀವೊಗು ಸೇರ್oಡ್
4
ತೆರೆತರೆನ್ ತೊರಿತೊಂದು ಒಚ್ಚಿದ್
ಓಡೊ ನೀರ್ಡೆ ನೀಂದ್ಯೆರ್ ,
ಕಡಲಕಂಡೊದ ಬೆನ್ನಿ ಮೆಚ್ಚಿದ್
ಬಲೆಬುಲೆನ್ ಸಮೋ ಬೆಂದೆರ್
5
ಬಕುತಿ ಬೊಳ್ನೆಯ್ ತುಲಿತ್ದುರ್ಕುಂಡು
ಮಂತುಕಿಟ್ಣನ ಒಡಿಪುಡು;
ಸಾರೊಕಮ್ಮೊದ ಬಸದಿ, ಗೊಮ್ಮಟ
ರೂಪು ಶಿಲ್ಪೊದ ಪೊರ್ಲುಡು.
6
ಕಡಲಕಳುವೆರ್ ಪೊರ್ಚುಗೀಸೆರ್
ಕುಡಲದೂರುಗು ಜತ್ತೆರ್
ಕಯ್ಯಾರೆರ್ನ ಕಬಿತೆಲು / 32
