ವಂದನೆ
ಧನ್ಯಯೀನರಜನ್ಮ ಜಯಜೀವೊ ಪದಿನೆನ್ಮ
ಪುಣ್ಯೊದಾ ಸಿರಿಪ್ರಾಯೊ ಪಡೆವೊಂದು ನಡತೊಂದು
ಕಣ್ಣ್ ಕಟ್ಟುನ ಕಪ್ಪು ಕತ್ತಲೆನ್ ಕಳೆವೊಂದು
ಬಲತೊಂದಿ ನಿಲೆ ನೆನೆತ್ದ್ ;
ಎನ್ನವಂದನೆ ನಿತ್ಯ ಮದವೂರ ಗಣಪತಿಗ್
ಸನ್ನುತಿದಡೂರು ಕಣ್ಯರ ಕಾವು ದೇಬೆರೆಗ್
ಮಣ್ಣ್ ಡೀ ಮೆರೆವೊಂದಿ ರಾಜೊಂದದೈವೊಲೆಗ್
ತೋಜೊಂದಿ ಜಿಡೆದಾರಿಗ್.
2
ಮನಸ್ಡೆನ್ನಿದ್ ದೈವೊ ಪೂಜ್ಯ ಗುರುಹಿರಿಯರೆನ್
ನೆನೆತೊಂದು ಸಿರಿಪಾದೊ ನಂಬೊಂದು ತುಂಬೊಂದು
ಬನತ ಲೆಕ್ಕೇಸಿರಿನ್ ದೂಮಾವತೀ ಕೊರತಿ
ತೊಡಕಿನಾರ್ ಬೊಬ್ಬರ್ಯನ್;
ನನಮಾತ ಗಂಡಗಣ ಸಿರಿನಾಗ ಬೆರ್ಮೆರೆನ್
ಘನದೇವಿದಾಸ ಜಯಭೂತಾಳಪಾಂಡ್ಯರೆನ್
ಮುನಿಮಧ್ವ ಗುಮಡೆರೆನ್ ಕಪಿಲವಿಕ್ರಮ ಭೋಜ
ಕೀರ್ತಿಪಾರ್ತಿಸುಬ್ಬನ್
3
ಹರಗಿರಿಜೆ, ಹರಿಲಕ್ಷ್ಮಿ, ವಾಗ್ದೇವಿಬ್ರಹ್ಮೆರೆನ್
ಭರಿತಭಕ್ತಿಡೆ ಮೂಜಿ ಮಾಮಲ್ಲ ಮೂರ್ತಿಲೆನ್
ಸುರಲೋಕ ಸ್ವಾತಂತ್ರ್ಯ ಸತ್ಯಶಾಂತಿದ ನಾಡ್
ಪಡೆವೊಂದಿ ದೇವಗಣೊನ್;
ತರೆಮಿತ್ತ ಸೊರ್ಗೊದಾ ಮಾತ ಮಾದೇಬೆರೆಗ್
ಸರಿರೊನೇ ತಗ್ಗಾದ್ ಭೂಮಿಗೇ ಬಗ್ಗಾದ್
ನರಕಬಿತೆ ಪಂಡೊನುವೆ ನರಮಾನಿ ರೀತಿಡೇ
ನರಜನ್ಮೊಗೀ ವಂದನೆ.
4
ಪುರಲಪ್ಪೆ ಪೊರ್ಲುದಾ ಪಾದೊದಡಿ ಪುರೆಲೊಂದು
ಬರೆದೊಪ್ಪಿತ್ದೆ ತುಳುವ ತಿರ್ಲ್ನೇ ಮರ್ಲೊಂದು
ಕಯ್ಯಾರೆರ್ನ ಕಬಿತೆಲು / 3
