ದೇಶಪಾಂಡೆ ಅಧ್ಯಕ್ಷರಾದಿತ್ತೆರ್. ಮಹಾತ್ಮಾ ಗಾಂಧೀಜಿ 1927ನೆ ಇಸ್ಟಿಡ್ ಅಕ್ಟೋಬರ್ 27ಡ್ದ್ - 31ಮುಟ್ಟ ನೀಲೇಶ್ವರ, ಕಾಸರಗೋಡು, ಬಂಟವಾಳ, ಕಾರ್ಕಳ, ಉಡುಪಿ, ಕುಂದಾಪುರೊಟ್ಟು ಭಾಷಣ ಮಲ್ತೆರ್. ಕೆ.ಎಫ್. ನರಿಮನ್ರೆನ ಅಧ್ಯಕ್ಷತೆಟ್ ಕುಡೊಂಜಿ ರಾಜಕೀಯ ಸಮ್ಮೇಳನ 1928 ಕುಡ್ಲಡ್ ನಡತ್ತ್ಂಡ್. 1930ನೆ ಇಸ್ವಿದ ಉಪ್ಪುದ ಸತ್ಯಾಗ್ರಹೊಟ್ಟು ಉಡುಪಿದ ಎಸ್.ಯು. ಪಣಿಯಾಡಿ, ಹಿರಿಯಡ್ಕ ರಾಮರಾಯ ಮಲ್ಯ, ಕುಡ್ಲದ ಕಾರ್ನಾಡ್ ಸದಾಶಿವ ರಾಯರ್, ಎಂ. ಉಮೇಶ ರಾಯರ್, ಆರ್.ಕೆ. ಪ್ರಭು, ಶೇಕ್ ಯೂಸುಫ್ ಸಾಹೇಬ, ಕುಂದಾಪುರತ ಕೃಷ್ಣರಾವ್ ಕೊಡ್ಗಿ, ಅಣ್ಣಪ್ಪ ಕಾರಂತ ಮೊಗುಲು ಮಾತೆರ್ಲಾ ಜೈಲ್ ಸೇರ್ಯೆರ್. ಕುಡ್ಲ ತಾಲೂಕುದ ರಾಜಕೀಯ ಪರಿಷತ್ ಅಧ್ಯಕ್ಷೆರಾಯಿನ ಪೊಳಲಿ ಶೀನಪ್ಪ ಹೆಗ್ಗಡೆಲಾ ಜೈಲ್ಗ್ ಪೋಯೆರ್.
ಪಣಿಯಾಡಿದಾರೆನ್ ಸುರುಟ್ಟು ಒಂತದಿನ ತಿರುಚಿನಾಪಳ್ಳಿದ ಜೈಲ್ಡ್ ದೀದ್ ಬೊಕ್ಕ ವೆಲ್ಲೂರ್ಗ್ ಲೆತೊಂದು ಬತ್ತೆರ್. ಪಣಿಯಾಡಿ, ಪೊಳಲಿ ಶೀನಪ್ಪ ಹೆಗ್ಡೆ ಬೊಕ್ಕ ಎನ್.ಎಸ್. ಕಿಲ್ಲೆ ಈ ಜವನ ವೆಲ್ಲೂರ್ ಜೈಲ್ಡಿತ್ತೆರ್. ಜೈಲ್ ದಿನಕ್ಕೊಲು ಕನತ್ತಲಕ್ಕೆ ಕರಿದ್ ಪೋಯಂದ್ ಪಣಿಯಾಡಿದಾರ್ ಪನೊಂದಿತ್ತೆರ್ಗೆ. 1931ಟ್ಟ್ ಕುಡ್ಲಡ್ ಸೇನಗುಪ್ತೆರೆನ ಅಧ್ಯಕ್ಷತೆಟ್ಟ್ ರಾಜಕೀಯ ಪರಿಷತ್ ನಡತ್ತ್ಂಡ್.
ಗಾಂಧೀಜಿ 1934ನೆ ಇಸ್ವಿ ಫೆಬ್ರವರಿ ತಿಂಗೊಲುಡು (24,25,26ಈ ಮೂಜಿ ದಿನ) ದಲಿತೆರೆನ ಸಮಸ್ಯೆದ ಮಿತ್ತ್ ಪ್ರಚಾರ ಮಲ್ಪೆರೆ ದಕ್ಷಿಣ ಕನ್ನಡ ಜಿಲ್ಲೆಗ್ ಬತ್ತೆರ್. ಉಡ್ಪಿಡ್ಲಾ ಭಾಷಣ ಮಲ್ತೆರ್. ಪಣಿಯಾಡಿದಾರೆನ ಬುಡೆದಿ ಭಾರತಿ ಬಾಯಿ ತನ್ನ ಮೈಟಿತ್ತಿನ ಬಂಗಾರ್ದ ಪಡ್ಡೆಯಿನ್ ಗಾಂಧೀಜಿಗ್ ದಾನ ಮಲ್ತೆರ್. ಮಗೆ ವಾದಿರಾಜೆ ಕೈಟ್ ಬಂಗಾರ್ ದೀದ್ ಗಾಂಧೀಜಿಗ್ ಕೊರ್ಪಾಯೆರ್. 1935ನೆಟ್ಟ್ ಶ್ರೀ ಪ್ರಕಾಶರೆನ ಅಧ್ಯಕ್ಷತೆಟ್ ಕುಡ್ಲಡ್ ಕರ್ನಾಟಕದ ಎಣ್ಮನೆ ರಾಜಕೀಯ ಪರಿಷತ್ ನಡತ್ಂಡ್.
1937ನೇ ಇಸ್ವಿಡ್ ಜವಾಹರಲಾಲ್ ನೆಹ್ರೂ ದಕ್ಷಿಣ ಕನ್ನಡ ಜಿಲ್ಲೆಡ್ ಪ್ರವಾಸ ಮಲ್ತೆರ್. ನೆಹರೂನ ಕಾರ್ಯದರ್ಶಿಯಾದ್ ಕೆಲಸಮಲ್ಪೆರೆ ಬರ್ಪರಾಂದ್ ಪಣಿಯಾಡಿದಾರೆಗ್ ಕಾಕಜಿ ಬತ್ತಿತ್ತ್ಂಡ್ಗೆ. ಆರ್ ತನ ಒರಿ ಮಗಕ್ ಜವಾಹರ್ ಪನ್ದ್ ಪುದರ್ ದೀಯೆರ್.
೩
ತುಳುಚಳವಳ
ಬಾಸೆಲ್ ಮಿಶನ್ದಗುಲು ತುಳುಟ್ಟು ಮಲ್ತಿನ ಬೆನ್ನಿ ತೂದು ಪಣಿಯಾಡಿದಾರೆಗ್ ತನ ಅಪ್ಪೆ
4
