ಈ ಪುಟೊನು ಪ್ರಕಟಿಸದ್ ಆಂಡ್
"ಅಯ್ಯೋ ಬಾಲೆಲೇ! ಅಕ್ಕಾಸೊಗು ಪುಗೆ. ಭೂಮಿಗ್ ದಾನ ಆಯರ ಮಗಾ? ಪತ್ತ್ ತಿಂಗೊಲು ತುಂಬುದು ತೂಕಿದ್ ಕಣ್ಣ್ ಡ್ ತೂಯ. ಕೈಟ್ ಪತ್ತರೆ ದಾಂತೆ ಪೋಂಡು. ದೇವರೇ ಅಯ್ಯೋ ಅಯ್ಯೋ ಬೆಮ್ಮರೆ!
ಕಣ್ಣ್ ಗ್ ತೋಜಾಯೆರೇ. ಕೈಡ್ ದ್ ಒಯ್ತ್ ಕೊನೊಯರ್. ಆವಡ್ ಸ್ವರ್ಗೊಗು ಸಂದ್ಲೆ ಮಗಾ"
ಸೊನ್ನೆ ಮಾರ್ಲೆರ್ ಅರ್ ಮುರೊಡೊಂದೇ ಸುಡ್ಕಲದ ಕಂಡ ಬುಡಿಯರ್.
ಕಾಟೊಗು ತೂಪತ್ನಗ ಕಾಟೊಡುದು ರಡ್ಡ್ ತುಂಬಿಲು, ಕೆಬಿ ಕೀಳುನ ಶಬ್ದ ಮಲ್ತೊಂದು ಮಿತ್ತ್ ಮೇಲ್ ಲೋಕೊಗು ಪೋಪಿನ ಕೂಡ್ದಿ ಜನ ಕಣ್ ನಿಲ್ಕೆ ತೂಯೆರ್.
ಪುನ ಜೆಪುಡಾದಿನ ಅಡಿ ಅಡ್ತಿನ ಪಟಿಕೆದಡಿನ್ ಕನತ್ತ್ ದ್ ಕಾಟೊಗು ಪಾಡುನ ಪೊರ್ತುಡು ಸೊನ್ನೆ ಮಾಯ ಆತೋಲು.
ಉಂದೆನ್ ತೂಯಿ ಜನ ಮೂಂಕುಗು ಕೈ ದೀತೆರ್. ಅಲ್ಕ್ ಬೂರುದು ಬಾಯಿ ಅಂಗಾದೆರ್.
ಮಾತಲಾ ಬ್ರಹ್ಮನ ಲೀಲೆ, ಮಾತೆರೆ ಬಾಯಿಲಾ ಅವು ಅವ್ವೆನೇ ಪಾತೆರೊಂದು, ಸಾವುದ ಗಂಜಿ ಉಂಡೆರ್. ಅಕಲಕಲೆ ಇಲ್ಲ ತಾದಿ ಪತಿಯೆರ್!
35
