"ಅಯ್ಯಾ ಮಗಾ ಅಬ್ಬಗಾ - ನಿನ್ನ ತಂಗಡಿ ಸುರುತ್ತ ಆಟೊಡೇ ನಿನನ್ ಗೆಲ್ತಲ್. ಮಲ್ಲೆಜ್ಜಿ - ನನ ಒಂಜಾಟ ಗೊಬ್ಬಿ ಮಗಾ- ಐಟಾಂಡಲಾ ಈ ಗೆಲ್ಪೋಡು"
ಬೇದ ಪುಟ್ಟಾದ್ - ಪೇರ್ದಂಚಿನ ಅಕಲೆ ನಿರ್ಮಲ ಮನಸ್ಸ್ ಗ್ ಪುಳಿ ಪುಂಟಿಯೆರ್ ಬೆರಣೆ.
ಆತ್ ಕೇಂಡಿನ ಅಬ್ಬಗ - ಚೆನ್ನೆದ ಮಣೆ ತಿರ್ಗಾದ್ ದೀಯಲ್. ಕಾಯಿನ್ ಪಟ್ಟ್ ಪಾಡಿಯಲ್. ಗೊಬ್ಬುಗು ಕೈ ಪಾಡಿಯೆರ್.
ರಡ್ಡ್ ನೇ ಗೊಬ್ಬುಡುಲಾ ತಂಗಡಿ ದಾರಗ - ಅಕ್ಕೆ ಅಬ್ಬಗನ್ ಸೋಲ್ಪಾಯೊಲು.
"ಅಕ್ಕಾ - ರಡ್ಡಾಟ ಗೊಬ್ಬಿಯ. ರಡ್ಡೆನ್ಲಾ ಯಾನೇ ಗೆಲ್ತೆ. ರಡ್ಡ್ ಪೊರಿ ಯಾನೇ ಕೊರಿಯೆ. ಉಪ್ಪಡ್ ಸದ್ಯ ಮದಿಮೆ ಆದ್ ಕೈ ಪತ್ತು ಕಂಡನೆಗ್ ಬದಿ ಕೊರಿಯರೆಗಾಂಡ್ ಒಂಜಿ ಪೊರಿ. ನನೊಂಜಿ ಪೊರಿ - ಸಮ್ಮಾನದ ಒಣಸ್ಗ್ ಬನ್ನಗ ಉಡಿಗಿರ ಕೊರಿಯರೆಗಾಂಡ್" ಪಂಡಿನ ದಾರದ ಅಕ್ಕೆಗ್ ಕೊಂಗಿ ಕಟ್ಟಿಯಲ್.
ಉಂದೆನ್ ಕೇಂಡಿನ ಬೆರಣೆ
'ದಾದ ಮಗಾ ಅಬ್ಬಗಾ? ತಂಗಡಿಡ ಸೊಲ್ತಿನ ನಿಕ್ ನಾಚಿಕೆಲಾ ಆವಂದಾ?' ಪಂಡ್ದ್ ಅಬ್ಬಗನ್ ಕುಜೆತ್ತೆರ್.
ಬೆರಣ ಪಾತೆರ ಕೇಂಡಿನಂಚೆನೇ ಅಬ್ಬಗನ ಕೈನಡ್ಗ್ಂಡ್. ಕೋಪೊಡು ಕೆಂಪಾಯೊಲು. ಕೂಲಿನ್ ತುಚ್ಚಿಯೊಲು. ಅವ್ವೇ ಬಂಗಾರದ ಮಣೆ ದೆರ್ತ್ದ್ ತಂಗಡಿ ದಾರಗನ ನಡು ನೆತ್ತಿಗೆ ಬೀಸ್ದ್ ಹಾಕಿಯಲ್!
ಬೂರಿ ಪೆಟ್ಟ್ ಗೆ ದಾರಗನ ನೆತ್ತಿ ಉಡೆದ್ ಪೋತುಂಡು. ನೆತ್ತೆರ್ ಮಿತ್ತ್ ರಟ್ಟ್ಂಡ್! ಥಟಾಲನೆ ನೆಲಕ್ಕ್ ಬೂರಿಯಲ್.
ದಾರಗ ಜೀವ ಬುಡುದು ಕೈಲಾಸೊಗು ಸೇರ್ದಲ್. ಆತಾಂಡಲಾ ಬೆರಣೆ ಉಂತಿನಲ್ಪಡ್ದ್ ಪಂದಂದೆ ಪಂಡೆರ್ -
"ಅಯ್ಯಾ ಮಗಾ ಅಬ್ಬಗಾ? ಅಂಚಿಂಚಿ ತೂವಂದೆ ತಂಗಡಿನ್ ಕೆರಿಯನಾ? ನಿನ್ನ ಅಪ್ಪೆಮ್ಮೆ ಮದಿಮೆ ಲೆಪ್ಪೆರೆ ಪೋತಿನಕುಲು ಪಿರ ಬತ್ತ್ ದ್ ಕೇನ್ನಗ ದಾನೆ ಪನುವಾ? ತೂಯಿನಕುಲು ದಾನೆ ಪನುವೆರ್? ಕೇಂಡಿನಕುಲು ದಾನೆ ತೆರಿವೆರ್? ಊರು ಇಲ್ಲದ ಕುರು ಕುಚ್ಚನೊಡು
30
