ಬಯಕೆಡ್ ಕೋರಿಬುಡ್ಪುನೆ
ಬಯಕೆದ ಕ್ರಮ ಪಂಡ
ಬಂಜಿನ ಪೊಣ್ಣಗ್ ಬಯಕೆ ಬಳಸುನಂಚಿನ ಕ್ರಮ
ಈ ಬಯಕೆದಾನಿ ಬೊಲ್ಪುಗು ಬಂಜಿನ ಪೊಣ್ಣನ್
ಒಂಜಿ ದೇವೆರೆ ಕೋಣೆದ ದೇವೆರೆನ ಫೊಟೊತ ಎದುರು ಉಂತಾದ್
ದೇವೆರೆಗೊಂಜಿ ತುಡರ್ ಪೊತ್ತಾದ್
ದೇವೆರೆನ ಎದುರುಡು ಗಣಪತಿಗ್ ಸುತ್ಯೆದೀದ್
ನಮ ನಂಬಿನ ದೈವೊದೇವೆರೆನ್
ಗ್ರಾಮ ದೇವೆರೆನ್ ಪೂರಾ ನೆನೆತೊಂದು
ಪ್ರಾರ್ಥನೆ ಮಲ್ತ್‌ದ್
ಇನಿ ಮಲ್ಪಿನಂಚಿನ ಕಾರ್ಯೊಡು ಒವ್ವೆ
ವಿಘ್ನ ಬರಂದಿಲೆಕ್ಕ ಕಾಪುಲ ದೇವೆರೆಂದ್
ಒಂಜಿ ಪ್ರಾರ್ಥನೆ ಮಲ್ಪುನ ಕ್ರಮ ಅವೆಡ್ದ್ ಬೊಕ್ಕ
ಕಂಡನಿ ಇಲ್ಲದಕುಲು ಕೊರ್ಪಿನಂಚಿನ
ಪೂ ಸೀರೆ ಬಂಗಾರ್ ಪಿಂಗಾರ
ಉಂದೆನ್ ಪೂರಾ ಪತ್ತೊಂದು ತುಳಸಿ ಕಟ್ಟೆದಾಡೆ ಬತ್ತ್‌ದ್
ತುಳಸಿ ಕಟ್ಟೆಗ್ ಪ್ರದಕ್ಷಿಣೆ ಪಾಡ್ಡ್
ತುಳಸಿ ಕಟ್ಟೆದ ಎದುರುಡು ದೀಪೊ ಪೊತ್ತಾದ್ ದೀದ್
ಅವೆಡ್ದ್ ಬೊಕ್ಕ ಕಂಡನಿ ಇಲ್ಲಡೆಡ್ದ್ ಕೊರ್ಪಿನಂಚಿನ
ಪೂ,ಸೀರೆ ಬಂಗಾರ್‌ನ್ ಪೂರಾ
ಬಂಜಿನ ಪೊಣ್ಣಗ್ ಕೊರ್ಪುನ ಕ್ರಮ
ಪಂಡ ದುಂಬುದ ಕಾಲೊಡು
ಪೊಣ್ಣು ಮದಿಮೆ ಆದ್ ಬತ್ತಿನೆಡ್ದ್ ಬೊಕ್ಕ
ಸುರುಕು ಸೀರೆ ದೆಪ್ಪುನೆ ಪಂಡ ಬಯಕೆಗ್‌ಗೆ
ಅಂಚ ಒಂಜಿ ಕ್ರಮ ಇತ್ತ್ಂಡ್
ಅಂಚ ಬಂಜಿನ ಪೊಣ್ಣಗ್ ಸುರುಕು ಪೊಸ ಸೀರೆನ್
ಕಂಡನಿ ಇಲ್ಲದಕ್ಲು ದೆಪ್ಪುನೆ ಬಯಕೆದಾನಿ
ಅಂಚನೆ ಈ ದೆತ್ತ್‌ನ ಪೂ ಸೀರೆ ಬಂಗಾರ್ ಪಿಂಗಾರ
ಆಳೆಗ್ ಕೊರ್ಪೆರ್ ಅವೆನ್ ಆಳ್ ದೆತ್ತೊಂದು
ಅವೆಡ್ದ್ ಬೊಕ್ಕ ಅಕುಲೆನ ಕಾರ್ ಪತ್ತ್‌ದ್
ಅಲ್ಪ ಇತ್ತಿನ ಹಿರಿಯಕ್ಲುನೆ ಪೂರಾ ಕಾರ್ ಪತ್ತುವಳ್
ಅವೆಡ್ದ್ ಬೊಕ್ಕ ರಡ್ಡನೆ ಕ್ರಮ ಪಂಡ
ಕೋರಿ ಬುಡ್ಪುನ .ಒಂಜಿ ಪೆರಡೆ ಲಾಕಿನ್
ಅಪ್ಪೆ ಇಲ್ಲದಕುಲು ಪತೊಂದು ಬತ್ತ್‌ದ್ ಉಪ್ಪೊಡು
ಆ ಪೆರೆಡೆ ಲಾಕಿನ್ ಮುಲ್ಪ ಕಂಡನಿ ಇಲ್ಲಲ್
ಅರಿ ನೀರ್ ಪೂರಾ ಕೊರ್ದು ಬಂಜಿನ ಪೊಣ್ಣು ಬುಡ್ಪುನ ಕ್ರಮ ಉಂಡು
ಆ ಕೋರಿಗ್ ಒವ್ವೆರೀತಿದ ತೊಂದರೆ ಅವಂದಿಲೆಕ್ಕ
ಕಂಡನಿ ಇಲ್ಲದಕುಲು ಅಯಿನ್ ಭಾರಿ ಪೊರ್ಲುಡು ಸಂರಕ್ಷಣೆ ಮಲ್ಪೊಡು
.ಈ ಬಂಜಿನ ಪೊಣ್ಣು ಪೆದ್ದಿನ ಮುಟ್ಟ
ಅಂಚನೆ ಆ ಪೆರೆಡೆ ತೆತ್ತಿ ದೀದ್ ಕಿನ್ನ್ ಮಲ್ಪುನೆ ಮುಟ್ಟ
ಭಾರಿ ಸೋಕುಡು ಅವೆನ್ ತೂವೊಂದುಪ್ಪೊಡು
ಸಂರಕ್ಷಣೆ ಮಲ್ಪೊಡುಂದು ಪನ್ಪುನ ದುಂಬುದ ವಾಡಿಕೆ.
ಈ ಕೋರಿ ಬುಡ್ಪುನೆ ಎಂಚ ಪಂಡ
ಅಪ್ಪೆ ಇಲ್ಲಡೇಡ್ದ್ ಕೊನತಿನಂಚಿನ ಪೆರಡೆಲಾಕಿದ ಕಾರ್‌ನ್
ಕುರ್ದಿ ನೀರ್‌ಡ್ ದೆಕ್ಕೊಡು ಅವೆಡ್ದ್
ಬೊಕ್ಕ ಬಂಜಿನ ಪೊಣ್ಣು ಅರಿನ್
ಒಂಜಿ ರಡ್ಡ್ ಮೂಜಿ ಅರಿನ್ ಕೈಟ್ ಪತ್ತೊಂದು
ತರೆಕ್ ತೊರತ್‌ದ್ ಕೋರಿದ
ಬಾಯಿಗ್ ಪಾಡೊಡು
ಅಂಚನೆ ರಡ್ಡ್ ಮೂಜಿ ಸರ್ತಿ ಪಾಡ್ನೆಡ್ದ್
ಬೊಕ್ಕ ಅಯಿಕ್ ಒಂಜಿ ಚೂರು ಬಾಯಿಗ್ ನೀರ್ ಕೊರ್ದು
ಆ ಕೋರಿನ್ ಇಂಚ ಇರೆಟ್
ಒಂಜಿ ಚೂರು ಅರಿ ದೀದ್ ಉಪ್ಪುವೆರ್
ಅವೆನ್ ಕೊಡಪಾದ್ ಬುಡೊಡು
ಬುಡ್ಪುನೆಡ್ದ್ ದುಂಬು ಅಯಿತ ಒಂಜಿ ಮುಲ್ಲೆಡ್ದ್ ಒಂಜಿ ಸುಯಿನ್
ಒಯಿತ್‌ದ್ ಬಂಜಿನ ಪೊಣ್ಣು ತರೆಕ್ ಮುಡಿತೊನೊಡು
ಪನ್ಪಿನ ನಂಬಿಕೆ
ಅಂಚ ಕೋರಿ ಬುಡ್ದಾದ್ ತನ್ನ ಕಂಡಿನಿ ಇಲ್ಲಡೆಡ್ದ್
ಕೊರ್ನನಂಚಿನ ಸೀರೆನ್ ಪೂರಾ ಉಲಯಿ ಪತೊಂದು
ತುಳಸಿ ಕಟ್ಟೆಗ್ ಕುಡೊಂಜಿ ಪ್ರದಕ್ಷಿಣೆ ಪಾಡ್ದ್
ಉಲಯಿ ಪತೊಂದು ಬತ್ತ್‌ದ್ ಐತ ಆದ್
ರಡ್ಡನೆ ಹಂತವಾದ್ ಬಳಸುನ ಕ್ರಮ
ಆಳೆಗ್ ಬೋಡಾಪಿನಂಚಿನ ತೆನಸ್ಸ್‌ನ್ ಪೂರಾ ಬಳಸುನಂಚಿನ ಕ್ರಮ ರಡ್ಡನೆ ಹಂತ.
ಉಂದು ಈತ್ ಸುರುತ ಕ್ರಮ ಆಂಡ ಐಯಿಡ್ದ್ ಬೊಕ್ಕ
ಆಳ್ ಐತ ಆದ್ ಸಿಂಗಾರ್ ಆದ್ ರಡ್ಡನೆ ಕ್ರಮ ನಡಪುಂಡು
ಬಳಸುನ ಕ್ರಮ ಆಳೆಗ್ ಇಷ್ಟ ಆಯಿನ ತಿಂಡಿ ತೆನಸ್ಸ್‌ನ್
ಪೂರಾ ಆನಿ ಆಳೆಗ್ ಬಳಸುವೆರ್
ಉಂದು ಈತ್ ಬಯಕೆದ ಸುರುತ ಹಂತದ ಕ್ರಮ
ರಡ್ದನೆದವು ಬಳಸುನ ಕ್ರಮ