ಇಂದೆಕ್ ತೀವ್ರ ಅಸಮಧಾನ ತೋಜಾವುನ ಉಂಡು. ಇನ್ನಗ ಭಾಷಾಶಾಸ್ತ್ರದ
ಜ್ಞಾನ ಕಲ್ಪುನ ಮಟ್ಟೊಡು ಭಾರತ ಪಿರ ಒರಿದುಂಡು, ಶಾಲೆ ಕಾಲೇಜು
ಮಟ್ಟೊಡು ಭಾಷೆದ ವಿಷಯ ಸಂಪೂರ್ಣ ವಿತರಣೆ ಆತಿನವು ಇಜ್ಜಿ, ಭಾಷೆ
ಭಾಷೆಲೆಡ್ ವೈಷಮ್ಯಪೂರ್ಣ ಚರ್ಚೆ ಗೊಂದಲ ಇಪ್ಪರೆ ಮುಖ್ಯ ಕಾರಣ
ಭಾಷಾ ವ್ಯಾಮೋಹ. ಜಗತ್ತ್ ದ ಕಾರ್ಯಕಲಾಪಲು ಸುಗಮವಾದ್
ನಡಪುಡುನ ಮಾತಾಭಾಷೆಲು, ಜನಮಾನಿ ಪಾತೆರೊಲು ಸಂಪರ್ಕ ನೀತಿಗ್
ಅನುಗುಣವಾದುಪ್ಪುನ, ಸರಳ ನೀತಿದ ವ್ಯಾಕರಣದ ಪಾತೆರೊಲು ಮಾತಾಲಾ
ಯೆಡ್ಡೆಂತಿನಯಿಕುಳು.
ನಂಮ ತುಳುವ, ಗ್ರಂಥಲು ದಾಂತೆ ಇತ್ತ್ಂಡಲಾ ವ್ಯಾಕರಣ ಬದ್ಧವಾದ್
ಇಪ್ಪುನ ಸರಳ ಭಾಷೆ, ಜನಮಾನಿಗ್ ಯೆಡ್ಡೆ ರೀತಿಡ್ ಸಹಾಯವಾದುಪ್ಪುನ
ಭಾಷೆ. ಅಯಿತಮಿತ್ತ್ ಅನಾದರವಾವಡ್ ಸಂಸ್ಕೃತ ಕನ್ನಡ ಭಾಷೆಲು
ಗ್ರಂಥವಿತ್ತಿನವಾದ್ ಅಯಿಕುಳೇ ಉತ್ತಮಭಾಷೆಲು ಇನ್ಪಿ ಅನಗತ್ಯ
ಆದರವಾವಡ್ ಇಪ್ಪರೆ ಆವಂದ್. ಸಂಸ್ಕೃತಪದ ಪ್ರಯೋಗೊಡು
ಅರ್ಥವಿಸ್ತಾರಣೆ ಇತ್ತಂಡ ಮಾತ್ರ ಅವೆನ್ ಪ್ರಯೋಗ ಮಾಳ್ಪೊಲಿ . ಇಜ್ಜಿಡ
ರೂಢಿಡ್ ಇಪ್ಪುನ ಮಲ್ಲ ಸಮುದಾಯೊಗು ಸುಲಭವಾದ್ ತೆರಿಪಿನ ಶಬ್ದಲೆನೆ
ಉಪಯೋಗ ಮಾಳ್ಪೊಡು, ಉದಾ: ಪೊಲೀಸ್, ಸ್ಟೇಷನ್, ರೈಲ್ವೇ ಇತ್ಯಾದಿ
ಹಳ್ಳಿ ಹಳ್ಳಿಲೆಡ್ ತೆರಿದುಪ್ಪುನ ಶಬ್ದಲು. ಇಂಚಿನಯಿಕ್ ಆರಕ್ಷಕ ದಳ,
ದೂಮ್ರಶಕಟ ನಿಲ್ದಾಣ ಪುದರ್‌ನ್ ದೀಯರ್‌ಡ. ಅವೆನ್ ತೆರಿಯೊನಂಚಿನಕುಳು ಏರ್? ಏರೆನ ಪ್ರಯೋಜನಗಾದ್, ಭಾಷೆ ಸಂಸ್ಕೃತ ಇಂದ್‌ ದ್ ಅವೆನ್ ಉಪಯೋಗ ಮಳ್ಪುನಿ? ಆಂಡ Hydrogen ಇನ್ಪಿ ವಿಜ್ಞಾನದ ಶಬ್ದೋಗು ದೇಶಿ ಪಾತೆರೊಡು ಸಮಪರ್ಕ ಅರ್ಥಕೊರ್ಪಿನ ಪದ
ತಿಕ್ಕುಜಿ; ಕಲ್ಪುನ ವಿದ್ಯಾರ್ಥಿಲೆಗ್ ನಿಪ್ಪತ್ತಿ ಸಮೇತ ಅರ್ಥವಾಪಿನಂಚ
"ಜಲಜನಕ" ಇನ್ಪಿ ಸಂಸ್ಕೃತ ಶಬ್ಧ ದಿಂಜ ಪ್ರಯೋಜನ. ಇಂಚಾದ್ ಭಾಷೆದ
ಪಾತೆರೊಲು ಮೂಲಭಾಷೆದ ನಿಷ್ಪತ್ತಿ ಗುಣ ತೆರಿಯುಲೆಕ್ಕ ಅರ್ಥ ಪಿನ್ಪಾವುನ
ಅಗತ್ಯನೇ ಮುಖ್ಯ. ಅಯಿಟತ್ರ, ಭಾಷಶಾಸ್ತ್ರದ ನಿಯಮದ ಮಿತ್ತ್ ವಿವಿಧ
ಭಾಷೆಲು ಇಪ್ಪುನ ಭಾರತೊಡು ಅನ್ಯಭಾಷಾ ಪದನ್ ಉಪಯೋಗ
ಮಳ್ಪೊಡು. ಅವು ಇಂಗ್ಲಿಷ್ ಭಾಷೆದವು ಇಂದ್ದ್
ತ್ಯಾಜ್ಯಲಾ ಅತ್ತ್
ಸಂಸ್ಕೃತ ಇಂದ್ದ್ ಅನಗತ್ಯ ಆದರವು ಇಂದ್ದ್ ಲಾ ಅತ್ತ್ . ಭಾಷಾಶಾಸ್ತ್ರ
ಜನಮಾನಿನ ಹಿತದೃಷ್ಟಿಡ್ ಶಾಲಾಕಾಲೇಜಿಡ್ ಪಠ್ಯವಾಪಿನ ವಿಹಿತ.
1.91 ಈತ್ ದಾಯೆ ಪಣೋಡಾಂಡ್ ಇನ್ನಗ, ಕೆಲವು ಸಂದರ್ಭೋಡು
ಮುಖ್ಯವಾದ್ ಗ್ರಂಥರಚನೆಡ್ ದೇಶಿ ಪಾತೆರೊನು ಮದಪುನ ಉಂಡು.
ಪಾತೆರೊಡು ಈ ದೇಶಿ ಶಬ್ದಲು ಏತೇ ಕಷ್ಟ ತರದ ಉಚ್ಚಾರದವು ಆದುಪ್ಪಡ್,
ಅಯಿಕುಳೆಗ್ ವಿಶೇಷ ಮಹತ್ವವುಂಡು. ಆಂಡ, ಬೇತೆ ಭಾಷೆದ ಒತ್ತಡದ
ಬುಧಾನಂದ ಶಿವಳ್ಳಿ
