ಪಣ್ತಿನವುಂಡು. ಅಯಿಡ್ದ್ ನಂತರ ಗೋದಾವರಿ ತೀರದ ಹೈಮಾಬಾದ್ ಉತ್ಖನನದ ನಂತ್ರ ಅಲ್ಪದ ನಾಗರೀಕತೆ ಹರಪ್ಪದ ನಂತ್ರದ ಇನ್ನಗ ಕ್ರಿ.ಪೂ. ೧೮೦೦-೧೬೦೦ ನಾಗರೀಕತೆ ಇತ್ತಿನವು ಇಂದ್ದ್ ಪಣ್ಣಗ, ಈ ಮಧ್ಯ ಭಾರತದ ಜಾಗನೇ ಒಂಜಿ ಕಾಲೊಡು ಪ್ರಾಕೃತದ ಪ್ರದೇಶವಾದಿತ್ತಿನಯಿಕ್ ಹೋಲಿಕೆ ತಿಕ್ಕುಂಡು. ವೇದಕಾಲದ ದುಂಬುದ ಪಾತೆರೊ ದ್ರಾವಿಡ ಭಾಷೆನೊ ಅಥವಾ ಇಂಡೋ-ಯುರೋಪಿಯನ್ (ಸಂಸ್ಕೃತದ ಮೂಲ)ಭಾಷೆನೇ ಇನ್ಪಿನಯಿಕ್ ಸಮಪರ್ಕ ಉತ್ತರ ತಿಕ್ಕುನ ಇಜ್ಜಿಡಲಾ, ಬರ್ರೊ ಪಣ್ತಿನ ಈ ತಿ‌ರ್ತ್ ಕೊರ್ತಿನ ಪಾತೆರೊ ಗಮನೀಯ:
"This being the case, one would be inclined to believe that in the northen India areas occupied by Indo-Aryan, the dravidian had formed a more prominent part of the population than Mundas*."
٭[ಮುಂಡ ಭಾಷೆ ಇತ್ತೆಲಾ ಒಂಜಿ ಜನಾಂಗಿಕ ಭಾಷೆ ಆದ್ ಉತ್ತರ ಭಾರತದ ಎಳ್ಯ ಭಾಗೊಡುಂಡು.]
ಇಂದ್ ದ್ರಾವಿಡ ವರ್ಗದವಾಂಡಲಾ, ದುಂಬತ್ತ ಪಣ್ತಿನ ಕುರುಖ್, ಮಾಲ್ಲೊ, ಬಲೂಚಿ, ಬ್ರಾಹ್ಮ ಭಾಷೆಲು ಉತ್ತರ ಭಾರತೊಡು ಇಪ್ಪುನ ದ್ರಾವಿಡ ಸಂಬಂಧದ ಮಲ್ಲ ಭಾಷೆಲು. ಈ ಭಾಷೆಲೆಗ್‌ಲಾ ಪ್ರಾಕೃತ ಭಾಷೆಗ್‌ಲಾ ಸಂಬಂಧವಿಪ್ಪೊಡು. ಪ್ರಾಕೃತ ಬ್ರಾಹ್ಮಿ ಅಪಿಟ್ ಅಶೋಕನ ಶಾಸನಲೆಡ್ ತೋಜುನ ರೀತಿಡ್, ಉತ್ತರ ಭಾರತೊಡು ದ್ರಾವಿಡದಂಚಿನ ಭಾಷೆಲು ಪ್ರಾಕೃತದ ಸಂಬಂಧ ಪಡೆತ್ತೊಂದು, ಜನಮಾನಿ ಪಾತೆರೊಂದಿತ್ತಿನ ಭಾಷೆಲಾದಿತ್ತಿನ ವಿಷಯ ಸಂಶಯದಾಂತಿನವೇ ಆದುಂಡು. ಆಂಡಲಾ ದೀರ್ಘ ಶೋಧನೆದ ಮಿತ್ತ್ ನಿರ್ಧಾರೊಗು ಬರೋಡಾಪುಂಡು.
೧.೭೧ ನನ ಪ್ರಾಕೃತ ಭಾಷೆದ ಮಿತ್ತ್ ಕೆಲವು ಮಹತ್ವದ ಸಂಗತಿಲೆನ್ ತೆರಿಯೊಂಬಿನ ವಿಹಿತ. ಈ ಪ್ರಾಕೃತ-ಪಾಲಿ ಭಾಷೆಲು ಉತ್ತರ ಮಧ್ಯ ಭಾರತೊಡು ಪ್ರಬಲವಾದಿತ್ತಿನ ಪಾತೆರೊಲು. ಪಾತೆರೊಲು ಇನ್ನಗ ಬರವು ಕಲ್ಪಂದೆ, ವ್ಯಾಕರಣ ತೆರಿಯಂದೆ, ಅಮ್ಮ ಅಪ್ಪೆ ಪಾತೆರಿನವೇ ಜೋಕುಳು ಕಲ್ತೊಂದು (ಇನ್ನಗ ನಮ ತುಳುವದ ಲೆಕ್ಕೊ) ಬೈದಿನ ಭಾಷೆಲು. ಈ ಪ್ರಾಕೃತ-ಪಾಲಿ ಭಾಷೆಲೆನ್ ಕೆಲವು ವಿದ್ವಾಂಸೆರ್ ಭಾರತದ ಆರ್ಯ ಭಾಷೆಲು (middle Indo-Aryan) ಇಂದ್ದ್ ಪಣ್ತಿನ ವುಂಡು. ಅತ್ತಾವಂದೆ ಪ್ರಾಕೃತ ಪಾಲ ಉಚ್ಚಾರದ ಮಿತ್ತ್ ಅಯಿಕುಳು ಗ್ರಂಥಸ್ತವಾಪಿನ ಕಾಲೊಡು ಅಯಿಕುಳೆನ್ ಸಂಸ್ಕೃತ ಇಂದ್‌‍ದೆ ತೆರಿಯಿನಕುಳು ಕೂಡಾ ಇತ್ತೆರ್. ಅಂತೂ ದಿಂಜಿ ಕಾಲೊಡು ಈ ಪ್ರಾಕೃತ-ಪಾಲಿ ಭಾಷೆಲು ಜನಮಾನಿ ಪಾತೆರೊಂದ ಮಟ್ಟೊಡು ಇತ್ತಿನ ವಿಷಯ ತೆರಿಯೊಣಿಂ, ದಾಯೆಗಿನ್ನಗ, ಸಂಸ್ಕೃತ ಭಾಷೆ
54
