1.51 ಭಾರತ-ಯುರೋಪ್ ಭಾಷಾವರ್ಗದ ಭಾಷೆಲು ಸುಮಾರಾದ್ ೧೩೨ ಆದುಳ್ಳ. ಈ ಭಾಷೆಲೆನ್ ಪಾತೆರ್ಪಿನಕುಳೆನ ಸಂಖ್ಯೆ ಜಗತ್ತ್‌ದ ಅರ್ಧದಾಂಟುಂಡು. ಇಂದೆಟ್‌ ಪ್ರಮುಖ ಭಾಷೆ ಇಂಗ್ಲೀಷ್. ಈ ಭಾಷೆ ಜನಮಾನಿನ ಮುಖ್ಯ ಸಂಪರ್ಕ ಭಾಷೆ. ಈ ಭಾಷೆದ ಉಗಮ ಇಂಗ್ಲೀಷ್ ದ್ವೀಪಲು ಅಂಡಲಾ, ಈ ಅಮೇರಿಕದ ಸಂಯುಕ್ತ ಸಂಸ್ಥಾನ,ಕೆನಡಾ,ದಕ್ಷಿಣ ಆಫ್ರಿಕಾ, ಆಸ್ಟ್ರೇಲಿಯಾ,ಭಾರತ, ಶ್ರೀಲಂಕಾ ಇತ್ಯಾದಿ ದೇಶೊಲೆಡ್. ಕೆಲವು ಸಮಾಜ ಸಮುದಾಯೊಲೆಗ್, ಮಾತೃ ಭಾಷೆದ ಸ್ಥಾನ ಪಡೆತ್ತಿದ್ ಉಂಡು. ಈ ಭಾಷೆದ ಸಾಹಿತ್ಯದ ವಿಸ್ತರಣೆ ದಿಂಜ: ವಿಜ್ಞಾನದ ಗ್ರಂಥಲು ಅಪಾರ. ಜೀವಂತ ಭಾಷೆಲೆಡ್ ಅಯಿತ ವಿಸ್ತಾರ ಪರಂಪರೆಡ್ ಅವು ಶ್ರೇಷ್ಠ ಭಾಷೆ ಇನ್ಪಿ ಮದಿಪು ಪಡೆತ್ತುದುಂಡು. ಭಾರತೊಡು ಇಂದೆನ್ ಅಂಗ್ಲೋ ಇಂಡಿಯನೆ‌ರ್, ಕ್ರಿಶ್ಚಿಯನ್ ಮತೀಯೆರೆಡ್ ಕೆಲವೆರ್ ಮಾತ್ರ ಭಾಷೆ ಆದ್ ಉಪಯೋಗ ಮಳ್ಪುವೆರ್. ಭಾರತದ ಮಲ್ಲ ಭಾಷೆಲು: ಹಿಂದೀ - ಹಿಂದೂಸ್ಥಾನಿ ಉರ್ದು. ಉತ್ತರ ಭಾರತೊಡು ಪ್ರಾದೇಶಿಕ ಭಾಷೆಲು: ಬಂಗಾಲಿ, ಗುಜರಾತಿ, ಮರಾಠಿ, ಸಿಂಧಿ, ಪಂಜಾಬಿ, ಬಿಹಾರಿ, ದಕ್ಷಿಣ ಭಾರತೊಡು ತಮಿಳು, ಮಲೆಯಾಳಂ, ಕನ್ನಡ, ತೆಲುಗು ಭಾಷೆಲು ಗ್ರಂಥಸ್ತ ಭಾಷೆಲಾಂಡ, ತುಳು, ಗೊಂಡ, ಕೊಡಗು ಇತ್ಯಾದಿ ಕೈತಲ್ದ ಪಾತೆರೊಲು- ಪ್ರಾದೇಶಿಕ ಮದಿಪು ಇಪ್ಪುನವು. ಉತ್ತರದ ಭಾಷೆಲು ಸಂಸ್ಕೃತ ಜನ್ಯ ಇಂದ್ದ್ಲಾ, ದಕ್ಷಿಣದವು ದ್ರಾವಿಡ ವರ್ಗದವು ಇಂದ್ದ್ಲಾ ಸ್ಥೂಲ ವರ್ಗೀಕರಣವಾಪಾ.
1.52 ಭಾರತ-ಯುರೋಪ್ ಭಾಷೆದ ನಂತ್ರ ಆಸ್ಟೋ-ಏಷಿಯಾಟಿಕ್ (Austro-Asiatic) ಸಿನೋ-ಟಿಬೇಟನ್ (Sino-Tibetan) ಮಲ್ಲ ಪ್ರದೇಶೂಡು ನೆಲೆಯಾದುಪ್ಪುನ ಭಾಷಾವರ್ಗೊಲು. ಉತ್ತರ ಯುರೋಪ್‌ಡ್ ಫಿನೊ-ಉಗ್ರಿಕ್ ಅಥವಾ ಉರಲ್ ಭಾಷೆಲು ಪಶ್ಚಿಮ ಮಧ್ಯ ಏಶಿಯೊಡು ತುರ್ಕಿ-ಮಂಗೋಲಿಯನ್ ಅಥವಾ ಅಲ್ತೈ ಇನ್ಪಿ ಭಾಷೆದವರ್ಗಲು ಉಳ್ಳ. ದೂರದ ಆಫ್ರಿಕಾ ಖಂಡೊಡ್ ಪಾಕ ಭಾಷೆಲು ಇಪ್ಪುನವಾಂಡಲಾ, ಭಾರತದ ಸಂಪರ್ಕವಿಪ್ಪುನವು ದುಂಬುಡು ಇಂಚಿ ಈಜಿಪ್ಟ್ ದೇಶದ ಒಟ್ಟುಗ್. ಈಜಿಪ್ಟ್ ಅಥವಾ ಉತ್ತರ ಆಫ್ರಿಕದ ಇಥಿಯೋಪಿಯಾ, ಟ್ಯೂನಿಶಿಯ, ಅಲ್ಜೀರಿಯಾ ಇತ್ಯಾದಿ ದೇಶೋಲು ಸೆಮೆಟಿಕ್ ಇನ್ಪಿ ಪಾತೆರೊದ ವರ್ಗದವು. ಈ ವರ್ಗ ಪಾತೆರೊಲೆಡ್ ಪಾಂಡಿತ್ಯ ಪೂರ್ಣವಾದಿಪ್ಪುನವು ಅರಬ್ಬೀ ಭಾಷೆ. ಈ ಭಾಷೆದ ಸಂಪರ್ಕ ಭಾರತದ ಪಶ್ಚಿಮ ತೀರಪ್ರದೆಶೋಡಪ್ಪ ಇತ್ತಿನವು ಪ್ರಾಕ್‌ಡಿಂಚಿ. ಭಾರತೊಗು ನಮ ತುಳುವ ಭಾಷೆಗ್ ಸಂಬಂಧ, ಸಂಪರ್ಕ, ಸಹಚರ್ಯೆ ಇಪ್ಪುನ ಕೆಲವು ಭಾಷೆಲೆನ ವಿಷಯ ನಮ ತೆರಿಯೊಡು:-
42
ತುಳು ಪಾತೆರೊ
