ಬಾಹ್ಯ ಕಾರಣವಿತ್ತಂಡಲಾ, ಈ ಪದ ಉಚ್ಚಾರಣೆಡ್ ಸುಲಭತೆ ಇಪ್ಪುನ
ಅಭಿಪ್ರಾಯ. ಅಭಿವ್ಯಕ್ತವಾಪಿನಂಚಿನ ರೀತಿ ತೋಜುಂಡು. ತುಳುಟು
ಮುದೆಲ್ ಆರಂಭ ಇನ್ಪಿ ಅರ್ಥದ ಮಿತ್ತ್ ಸುರು ಇನ್ಪಿ ಪದ ಪ್ರಯೋಗವಾಪುಂಡು.
ಇಂದೆತ ಸರಳ ಉಚ್ಚಾರಣೆನೇ ಈ ಪದತ
ಉಪಯೋಗೊಗು ಕಾರಣ.
1.47 ಬಾಹ್ಯ ಕಾರಣಲೆಡ್ ಮೂಜಿವಿಧ. (೧) ಪ್ರಾದೇಶಿಕ (geographical):
ಮಲೆ, ಸುದೆ, ಮಲ್ಲ ಕಣಿವೆ ಇತ್ಯಾದಿ ನೈಸರ್ಗಿಕ ಪ್ರದೇಶಲು ಗಡುವಾದ್
ಜನಮಾನಿನ ಪಾತೆರೊ ಆ ಗಡುದಾಂಟ್‌ದ್ ಪೋಪಿನವು ಸಾಮಾನ್ಯ
ಇತ್ತ್‌ಜಿ. ತುಳುವ ಜನಮಾನಿ ಘಟ್ಟದ ಕಾಫಿ ತೋಟೊಲೆಡ್ ಬೆನ್ನೊಂದು
ಇತ್ತೆರ್. ಅವುಲು ಅಕುಳು ಆ ಪ್ರದೇಶದ ಭಾಷೆನೇ ಕೆಲಸ ಕಾರ್ಯಲೆಗ್
ಉಪಯೋಗ ಮಳ್ಪುನವಾಂಡ್. ತುಳುತ ವಸತಿ ಭಾಷಾ ವಿಸ್ತರಣೆ ಅವುಲು
ತೊಜುನಾತ್ ಮಟ್ಟ್‌ಗ್ ಆಯಿಜಿ. ಉಡುಪಿ ಕರಿದ್ ಕಲ್ಯಾಣಪುರ ಸುದೆತ
ಆಯೆರೊಡು ತುಳುಮಾಯವಾದುಂಡು. ಚಂದ್ರಗಿರಿ ಸುದೆತ ದಕ್ಷಿಣ
ಭಾಗೊಡು ತುಳು ತಿಕ್ಕಂದ್ ಇನ್ಪಿನ ಲೆಕ್ಕೊಡು ಒರಿದುಂಡು. ಈ ನೈಸರ್ಗಿಕ
ಗಡು ಜನಮಾನಿಗ್ ಜೀವನೊಗು ಮಲ್ಲ ವಿಷಯ ಅತ್ತಾಂಡಲಾ, ಭಾಷೆಲೆಗ್
ಸುದೆಲು ಗಡುವಾಪಿನ ಕ್ರಮ ಉಂಡು. ಉದಾ:-"ಕಾವೇರಿಯಿಂದಮಾ
ಗೋದಾವರಿವರ ಮಿಪ್ಪ ನಾಡದು ಕನ್ನಡದೊಳ್" ಇಂದ್‌ದ್ ಪಂತೆರ್
ಕವಿರಾಜಮಾರ್ಗಕಾರೆ. ಕಾಲ ಮಾರೊಂದುಂಡು, ಸುದೆಲೆಗ್ ಸೇತುವೆಲು
ರಚನೆ ಆತಾ. ಆಂಡಲಾ ಈ ಕಾರಣೋಡು ಭಾಷೆ ತನ ಪರಿಮಿತಿನ್ ಮೀರುನ
ಸಂಭವ ಕಮ್ಮಿ. ತುಳುವೊಡು ಈ ಸುದೆಲು ಇನ್ನಗ ಮಲ್ಲತಾರುಲು ಬರ್ಸ
ಬನ್ನಗ ಬೊಳ್ಳ-ಬರ್ಸ ಉಂತುನಗ ತೊಡುಲು, ಅರೆಗಾಲೊಡು ಚೀಂಟ್ಂದ್
ನೀ‌ರ್ ತಿಕ್ಕಂದಿನ ಪೊಯ್ಯದ ಸಾದಿಲು, ಆಂಡಲಾ ಈ ಎಳ್ಯ ಸುದೆಲು
ಗಡುವಾದ್ ತುಳುವ ಪಾತೆರೊ ಒರಿದುಂಡು ಇತ್ತೆಲಾ.
1.48 ಅಧಿಪತ್ಯದ ಕಾರಣ ರಡ್ಡನೆದವು. ತುಳುವನಾಡ್ ಪಿರಾಕ್‌ಡ್
ಸುಮಾರಾದ್ ೧೨೦೦ ವರ್ಷ ಅರಸ್ತಾನ ಮಾಡೊಂದು ಇತ್ತಿನ ಅಲೂಪೆರೆನ
ಕಾಲೊಡು, ಮಂಗಳೂರು-ಬಾರ್ಕೂರು ಇನ್ಪಿ ರಡ್ಡ್ ಮಲ್ಲ ಹೋಬಳಿಲು,
ಘಟ್ಟದ ಮಿತ್ತ್‌ದ ಪೊಂಬುಚ್ಚ- ಹುಂಚಾ- ಸೇರ್ದ್, ಮಲ್ಲ ಪ್ರದೇಶದ
ಆಳ್ವಖೇಡ ಇನ್ಪಿ ನಾಡಾದ್ ಇತ್ತ್ಂಡ್. ಪದ್ರಾಡ್ ಶತಮಾನದ ರಾಜ್ಯಭಾರ
ಚರಿತ್ರೆಡ್ ಮಲ್ಲ ದಾಖಲೆ ಈ ಆಲೂಪೆರೆ ಶಾಸನೊಲೆಡ್ ಕನ್ನಡ ಭಾಷೆನೇ
ತೋಜಾಯೆ‌ರ್. ತುಳು ಅಪಗ ಜೀವಂತವಾದ್ ಇತ್ತಿನೇ ಇಷ್ಟಾಂಡಾ, ಅವು
ನಂತ್ರದ ಕಾಲೊಡು ಪುಟ್ಟ್‌ದ್ ಬರ್ಪಿನವು ಅಸಂಭವವಾದಿತ್ತಂಡ್.
ದಾಯೆಗಿನ್ನಗ ಈ ಆಳ್ವಖೇಡ ಕನ್ನಡದ ಹೊಯಿಸಳೆರೆನ ಕೈಸೇರ್ದ್, ಅಕುಳೆಡ್ದ್
ಕೈಪಗರ್‌ದ್ ವಿಜಯನಗರ ಸಾಮ್ರಾಜ್ಯೋಡು ಲೀನವಾಂಡ್.
| ತುಳು ಪಾತೆರೂ | 38 |
