ಪುಟ:Tulu Patero 2017bmr.pdf/345

7 ತುಳುವರೆ ಆರಾಧನಾ ಪದ್ಧತಿಲು
ಮನುಷ್ಯೆ ಜೀವನದ ಏತೋ ಸಂದಿ ಸಂದರ್ಭೊಲೆಡ್ ತಾದಿ ತೋಜಂದೆ, ಗಾಬಾನಗ ಪ್ರಕೃತಿಡ್ ಮಾನವಡ್ದ್ ಮಿತ್ತದ ಶಕ್ತಿ ಒಂಜಿ ಉಂಡೇ ಉಂಡು ಇನ್ಪಿನ ಸಿದ್ಧಾಂತೊಗು, ತೀರ್ಮಾನೊಗು ಬರ್ಪಿನ ಇನಿ ಕೊಡೆ ಅತ್ತ್ ಮಾನವ ವಿಕಾಸದ ಆದಿಕಾಲೊಡ್ದಿ೦ಚಿ ನಡತೊಂದು ಬೈದಿಂಡ್. ಅವೆನ್ ಭೂತ-ದೈವ-ದೇವೆ‌ರ್ ಇಂದ್‌ ವಿಭಿನ್ನ ರೂಪೊಲೆಡ್ ಆರಾಧನೆ ಮಲ್ತೊಂದು ಬೈದೆ. ಋಗ್ವದದ ಕಾಲೊಡು (ಕ್ರಿ.ಪೂ 1700-1200) ಆ‌‌ ಗಾಳಿ, ಬೊಲ್ಲು (ಅಗ್ನಿ), ನೀರ್(ವರುಣಿ), ಸೂರೈ, ಇಂದ್ರೆ ಇಂಚಿನ ಪ್ರಕೃತಿದ ದೇವೆರಕಲೆನ್ ಮಾತ್ರಾ ನಂಬೊಂದಿತ್ತೆರ್, ಬಾಲಮಿನ ಕಾಲೊಡು ಅಕಲೆಗ್ ಗೊತ್ತಿತ್ತಿನಿ ಸೂರೈ (ಅವಿದ್ಯೆ),ಬುಧೆ, ಶುಕ್ರ, ಗುರು ಬೊಕ ಶನಿ ಗ್ರಹಕುಲು ಮಾತ್ರಾ, ಬಾಲಮಿನ ಕಾಲೊಡು ಸೂರ್ಯ ಭೂಮಿದ ಸುತ್ತ ತಿರುಗು, ಭೂಮಿಯೆ ನಮ್ಮ ವಿಶ್ವದ ಕೇಂದ್ರ ಇನ್ನಿನ ಕಲ್ಪನೆ ಇತ್ತಂಡ್. ತುಳುನಾಡ್‌ಗ್ ವಲಸೆ ಬರ್ಪಿನೆಡ್ ಪಿರಾಕ್‌ಡ್ ನೆಲೆ ಇಪ್ಪುನಗ ತುಳುವೆರೆಗ್ ಆರೆನ ನಿಸರ್ಗಶಕ್ತಿಲೆನ, ಗ್ರಹಕುಲೆನ ಪೂಜೆದ ಪ್ರಭಾವ ಬತ್ತಿದಿಪ್ರೊಡು. ಅಬದ ತುಳುನಾಡ್‌ಡ್ ಈ ಗ್ರಹೊಕುಲೆನ ಪೂಜಿಸಾವುನ, ಗೌರವಿಸಾವನ ಪದ್ಧತಿ ಇತ್ತ್ಂಡ್, ತುಳುವೆರೆನ ಪಿರಾಕ್‌ದ ಪುದರ್‌ನ್ ತಲೆ: ಐತೆ, ಐತಪ್ಪ (<ಆದಿತ್ಯ), ಚೋಮೆ(ಸೋಮ), ಅಂಗಾರ(ಅಂಗಾರಕ), ಬರೆ(<ಬುಧ), ಗುರುವೆ(ಗುರು), ತುಕ್ರೆ ಶುಕ್ರ) ಬೊಕ ತನಿಯೆ ಶನಿ), ಸುಮರ್‌ದ ನಾಗರೀಕತೆಡ್‌ಲಾ ಗ್ರಹಾರಾಧನ ಬಿಫಿಲು ಇತ್ತ್ಂಡ್.
7.1 ಭೂತಾರಾಧನೆ, ನಾಗಾರಾಧನೆ
ತುಳುವೆರೆನ ಭೂತಾರಾಧನೆ ಕ್ರಮೊಲು ಇತ್ತೆ ಇತ್ತಿನ ಸ್ಥಿತಿಕ್ ಸುಮಾರ್ ವಿಜಯನಗರ ಕಾಲೊಡು, ಕ್ರಿಶ ೧೪-೧೬ನೇ ಶತಮಾನೊಡು, ಅಸ್ಥಿತ್ತೊಗು ಬಡ್ಕೊಂಡ್ ಇಂದ್ ಚಿನ್ನಪ್ಪ ಗೌಡೆರ್ ಪರ್. ಆಂಡ ತುಳುವೆರೆನ ಭೂತಾರಾಧನೆದ ಮೂಲಕಲ್ಪನೆ ಮಸ್ತ್ ಪಿರಾಕ್‌ದ ಕಾಲೊಡ್ ಅಸ್ತಿತ್ತೊಗು ಬೈವಿಲೆಕ್ಕ ತೋಜುಂಡು ವೇದ-ಪುರಾಣಕಾಲದ ದೇವೆರ್‌ನಕುಲೆನ ಕಲ್ಪನೆ ಇಡೆಗ್ ಬಸ್ಪಿನೆಡ್ ಮುಬು ಭೂತಾರಾಧನೆ (spirit worship), ನಾಗಾರಾಧನೆ ಕರಾವಆಡ್ ಇತ್ತ್ಂಡ್. ಈ ಆರಾಧನೆ ಪದ್ಧತಿಲು ಅತ್ಯಂತ ಪ್ರಾಚೀನ ಇಂದ್‌ ತೋಜುಂಡು, ಪಿರಾಕ್‌ದ ಅನೇಕ ನಾಗರಿಕತೆಕೆಲೆಡ್ ಪ್ರಾಣಿಪೂಜೆ ಸೈತ್ತಿನಕೆಲೆನ ಪೂಜೆ ಮಲ್ವುನ ಕ್ರಮ ಇತ್ತಿನ ತೆರಿದ್ ಬರ್ಪುಂಡು. ಆವಿದ ತುಳುವೆರೆಡ ದೈವಾರಾಧನೆ, ಮುಖ್ಯವಾದ್ ಪಂರ್ಜುನ ನಂಬಿಕೆ, ಶುರುವಾದುಪ್ಪು, ಉತ್ತರ ಭಾರತೊದ ಕೆಲವು ನಾಗರೀಕತೆಲು ಪಂಜನ್ ಆರಾಧನೆ ಮತ್ತೊಂದಿತ್ತಿನ ಒಂಜಿ ಚಾರಿತ್ರಿಕ ಮಜಲು ಇತ್ತೇ, ಅಂತ ಪ್ರಭಾವೊಡು ದಶಾವತಾರೊಲೆಡ್ ಬರ್ಪಿನ ವರಹಾವತಾರದ ಕಲ್ಪನೆ ಬುಳೆಐಪೊಡು. ವಾಮನ ನಂದಾವರೆರ್(2001) ತುಳುವರ ಆರಾಧನಾ ಕ್ರಮೊಲೆನ್ ವರ್ಗೀಕರಣ ಮನೆನ್ ಅನುಸರಿಸಾವೊಂದು ನಮ ಭೂತಾರಾಧನೆನ್ ಮೂಜಿ ವರ್ಗೊಲಾ‌ ಅಧ್ಯಯನ ಮಲ್ಲೊ. (೧) ಪ್ರಾಣಿಮೂಲದ ಭೂತೊಲು (೨) ಬೀರ ಮೂಲದ ಭೂತೊಲು ಬೊಕ ದೇವಮೂಲದ ಭೂತೊಲು

344

ತುಳು ಪಾತೆರೊ