ಮೂಲಕುಟುಂಬೊದ "ತರವಾಡ" ಇನ್ಪಿ ಶಬ್ಧ ಒಕ್ಕಲಕಲೆಡ್ ಮೂಲದಿಲ್ಲ್ ಇನ್ಪಿ ಅರ್ಥೊಡು ಒರಿದಿನೆನ್ ತೂವೊಲಿ.
ಅಂಚನೆ ಬಂಟ-ಜೈನ ಮತಾಂತರೊಲು ವ್ಯಾಪಕವಾದಿತ್ತಿನ ಸೂಚನೆಲು ತಿಕ್ಕುಂಡು. "ಶೆಟ್ಟಿ" ಉಪನಾಮ 'ಶ್ರೇಷ್ಟಿ'ದ (ಜೈನ ವ್ಯಾಪಾರಿ) ತದ್ಭವರೂಪ. ತುಳುನಾಡ್‌ಡ್ ಜೈನಧರ್ಮ ಕ್ರಿಪೂ ೩೦೦ ಡ್ದಿಂಚಿ ಇತ್ತ್ಂಡ್ ಇನ್ಪಿ ಅಭಿಪ್ರಾಯವುಂಡು. ಕೇರಳೊಡುಲಾ ಚಂದ್ರಗುಪ್ತ ಮೌಯ್ಯನ ಕಾಲೊಡು (ಕ್ರಿಪೂ ೩೨೧-೨೯೭) ಜೈನಧರ್ಮ ಕರಾವಳಿಡ್ ಪ್ರಸಾರವಾಂಡ್ ಇನ್ಪಿ ಅಭಿಪ್ರಾಯವುಂಡು. ಉಡುಪಿದ ಅನಂತೇಶ್ವರ ದೇವಸ್ಥಾನ ಪೂರ್ವೊಡು ಒಂಜಿ ಜೈನ ದೇಗುಲವಾವಿಂಡ್ ಇನ್ಸಿ ಸೂಚನೆಲು ಬೈದಾ. ಮಧುರೆನ್ ಆಳೊಂದಿತ್ತಿನ ಪಾಂಡ್ಯೆರ್‌ಲಾ ಆರಂಭೊಡು ಜೈನರಾದಿತ್ತ್‌ದ್ ತರುವಾಯ ಶೈವಧರ್ಮೊಗು ಪಗರಿಯೆರ್ ಇನ್ಪಿ ವಾದವುಂಡು. ಶೀಲಪ್ಪದಿಕಾರಂ ಇನ್ಪಿ ಸಂಗಂ ಸಾಹಿತ್ಯವರ್ಗದ ಕಾವ್ಯೊನು ಬರೆತಿನ ರಾಜೆ ಈಳಂಗೊ ಅಡಿಗಳ್ ಇನ್ಪಿನಾಯೆ ಜೈನೆಯಾದಿತ್ತೆ ಇನ್ಪಿ ಸೂಚನೆ ಉಂಡು. ಆಳುಪರ್ ಜೈನರಾದಿತ್ತೆರ್ ಇನ್ವೆರ್. ತುಳುನಾಡ್‌ಡ್ ಜೈನ, ಶೈವ, ಶಾಕ್ತಧರ್ಮೊಲು ಸಮರಸೊಡು ಇತ್ತಿನ ತೆರಿಯುಂಡು.
6. ಪರತುಳು ಕಾಲ
ಅಂದಾಜು ಕಾಲ: ಕ್ರಿಸ್ತಪೂರ್ವ 500-ಕ್ರಿಸ್ತಶಕ 500. ಕನ್ನಡದ ಸಂದರ್ಭೋಡು ಪರಕನ್ನಡ(ಹಳೆಗನ್ನಡ) ಕಾಲ ಇಂದ್ ಅಧ್ಯಯನಕಾರೆರ್ ಸೂಚಿಸಾದಿನಂಚನೇ ನಂಮ ತುಳು ಭಾಷೆದ ವಿಕಾಸೊಡುಲಾ ಪರತುಳುತ ಈ ಒಂಜಿ ಹಂತ ಇಪ್ಪೊಡು. ಗ್ರಂಥೊಲು ದಾಂತಿನ ಕಾರಣ, ಇತ್ತೆ ಪರತುಳುತ್ತ ಸ್ಪಷ್ಟ ರೂಪರೇಷೆದ ಕಲ್ಪನೆ ಬಂಗ ಅಂಡಲಾ, ದುಂಬಗ್ ಬೇತೆ ಪರ್ಯಾಯ ಅಧ್ಯಯನ ಮಾರ್ಗೊಲೆನ ಸಾಯೊಡು ಪರತುಳುತ ಗುಣಲಕ್ಷಣ ವರ್ಣನೆ ಅಧ್ಯಯನ ಸಾಧ್ಯವಾವು.
6.1 ಪ್ರಾಕೃತದ ಪ್ರಭಾವ
ಭಾರತೊಡು ವೆದೊಲೆಡ್ ಬೊಕ ನಂಕ್ ತಿಕ್ಕುನ ಸಾಹಿತ್ಯಲು, ಬೌದ್ಧ ಪಾಲಿಭಾಷೆಡ್‌ ಬರೆತಿನವು. ಮಹಾಭಾರತ ರಾಮಾಯಣೋಲುಲಾ ಸುರುಟು ಪ್ರಾಕೃತ ಭಾಷೆಲೆಡ್ ಬರೆತಿನವು. ಪ್ರಾಕೃತ ಭಾಷೆಡ್ ಸುಮಾರ್ ೩೮ ಬಗೆ ಉಂಡು ಇಂದ್ ಪಟ್ಟಿ ಮಲ್‌ತ್‌ದೆರ್. (Woolner,1928)
ಪಿರಾಕ್ ಪ್ರದೇಶೊಡು ತುಳುಜನ ನೆಲೆಯುಪ್ಪುನಗ ಅಲ್ಪ ಪ್ರಾಕೃತ ಭಾಷೆಲಾ ಚಾಲ್ತಿಡ್ ಇತ್ತ್ಂಡ್. ಪ್ರಾಕೃತ ಶಬ್ದಲಾ "ಪ್ರಾಕ್" ಇನ್ನಗ ಪಿರಾಕ್ ಇನ್ಪಿ ಮೂಲ ಶಬ್ದೊಡ್ದ್ ಬೈದಿನೆನ್ ಗಮನಿಸಾಲೆ. ತುಳು ಪ್ರಾಕ್ ಭಾಷೆಲೆನ ಪರಸ್ಪರ ಕೊರ್‌ದೆತೊಣುನ ಸಂಬಂಧವಿತ್ತಿನ ದ್ಯೋತಕವಾದ್ ಅನೇಕ ಪ್ರಾಕೃತ ಸಮಾನ ಶಬ್ದಲೆನ್ ತುಳುಟ್ ತೂವೊಲಿ. ಉದಾಹರಣೆಗ್, ತೋರ(ಪ್ರಾಕೃತೊಡು ಸೊರೊ), ಮೈಲೆ(ಪ್ರಾ: ಮೈಲಂ), ದುಟ್ಟ(ಪ್ರಾ:ದುಟ್ಟ=ಸಂಸ್ಕೃತ:ದುಷ್ಟು, ನಿಚ್ಚ(ಪ್ರಾನಿಚ್ಚ ಸಂ:ನಿತ್ಯ), ಸಾಂಚಾ(ಪ್ರಾ:ಸಟ್,ಸಂ:ಸತ್ಯ), ಸೊಸಾನ (ಪ್ರಾ:ಸಸಾನ,ಸಂ:ಸ್ಮಶಾನ), ಸಡ್ಡೆ(ಪ್ರಾ.ಸಾ.ಸಂ:ಶ್ರದ್ಧಾ), ಮಜ್ಜನ, ಮದ್ದೆನ (ಪ್ರಾ:ಮಜ್ಜನ, ಸಂ:ಮಧ್ಯಾನ} ಇತ್ಯಾದಿ ಶಬ್ದಲೆನ್ ತೂವೊಲಿ.
ಈ ವಿಚಾರೊಲೆನ್ ಬಿ.ಕೆ ಶಿವಳ್ಳಿ ಅರೆನ ಅಪ್ರಕಟಿತ A script for Tulu ಲೇಖನೋಡ್ ಚರ್ಚೆ ಮಲ್ಪೆದೆರ್. ಅಂಚನೇ ಶಿವಳ್ಳಿಯ ನಾಡ್‌ಪತಿದಿನ ವಿಶೇಷ
333
ಬುಧಾನಂದ ಶಿವಳ್ಳಿ
