ಕುದುರೋಳಿಡ್ದ್ ದುಂಬುಪೋಂಡ ಉರ್ವಾದ (ಉರುವಾ=ತೊಡಮೆ,
ಊರುದುಲಾಯಿ ಪ್ರವೇಶೊಗು (ಚಿಣಜ ಇತ್ತಿನ ಪ್ರದೇಶ) ಕೈತಲ್ "ಬೊಕ್ಕಪಟ್ಣ
ಇಂದ್ ಊರು ಉಂಡು. ವಿಜಯನಗರ ಸಾಮ್ರಾಜ್ಯದ ಕಾಲೊಡು ಅರಸೆ ಬುಕ್ಕನ
ನೆನೆಪುಗು ಪುದರ್ ದೀತಿನ ಈ ಪಟ್ಟಣ, ಆ ಕಾಲೊಡು ಸುದೆ ಕಡಲ್ ಸೇರುನಲ್ಪ
ಇತ್ತಿನ ವಿಜಯನಗರದ ಮುಖ್ಯ ಬಂದರು ಪ್ರದೇಶ ಆದುಪ್ಪು. ಬೊಕ್ಕಪಟ್ಣದ ಅರ್ಧ
ಭಾಗ ಇತ್ತೆ ಉಪ್ಪುನ ಸುದೆತ್ತ ಅಂಚಿದ ತಣ್ಣೀರ್ಬಾವಿದ ಬೆಂಗರೆಡ್ ಉಂಡು:
ಅಡೆಗ್ "ಬೊಕ್ಕಪಟ್ಟ ಬೆಂದರೆ" ಇನ್ಪೆರ್, ಗುರುಪುರ ಸುದೆ ಪರಪುನ ದಿಕ್ಕ್ ಬೊಕ
ಅಳಿವೆದ ಸ್ಥಾನ ಪಗರುನ ದುಂಬು ಬೊಕ್ಕಪಟ್ಣದ ರಡ್ಡ್ ಭಾಗೊಲು ಒಂಜೇ
ಭೂಭಾಗವಾದಿತ್ತಾ, ಸುದೆತ ಪರಪುನಾ ದಿಕ್ಕು ಬದಲಾನಗ, ಬೊಕ್ಕಪಟ್ಣದ ನಡುಟು
ಪರತ್ದ್, ಆ ಪ್ರದೇಶೊನು ರಡ್ಡ್ ಭಾಗೊಲಾದ್ ಪಾಲ್ ಮಲ್ತ್ಂಡ್ ಇಂದ್
ಭೂವೈಜ್ಞಾನಿಕ ಪುರಾವೆಲು ತೋಜಾವಾ.
ಈ ಮಾತಾ ಸಾಲೆನ ಆಧಾರೊಡು, ಕ್ರಿ.ಶ. ೧೩-೧೪ನೆ ಶತಮಾನೊದ ಮುಟ್ಟ
ಈ ಬೋಳೂರು (ಕದ್ರಿ-ಕೊಡಿಯಾಲ), ಬೋಳಾರ (ಅತ್ತಾವರ-ಮಂಗಳಾದೇವಿ)
ಸುದೆಕುಲು ಇತ್ತೆದ ಕುಡಲ ಪೇಂಟೆದುಲಾಯಿ ಪರತ್ತೊಂದಿತ್ತಿನ ಚಾರಿತ್ರಿಕ
ಸಂಗತಿನ್ ಸಾಬೀತ್ ಮಲ್ಪೊಲಿ.
(ಈ ಸಂಗತಿಗೆ ಪೂರಕವಾದ್ ಬೇತೆ ಪುರಾವೆ ದಾಖಲೆಲು ಲಭ್ಯವಿತ್ತಿನಕುಲು
ಸಂಶೋಧನೆಗ್, ತತ್ಸಂಬಂಧ ಚರ್ಚೆಗ್ ಸಾಮಾಗ್ರಿ ಒದಗಿಸಾವೊಡು ಇಂದ್ ಎನ್ನ
ಕೋಲಿಕೆ.)
5.4 ತುಳು ಮೂಲನಿವಾಸಿಲು
ದಕ್ಷಿಣ ಕನ್ನಡದ ನಿಲಟ್ಟ್ ಮಾನವನ ವಿಕಾಸದ ಆರಂಭಕಾಲದ ಪರ
ಶಿಲಾಯುಗತ್ತ ಕಲ್ಲ್ದ ಆಯುಧೊಲು ಡಾ| ಟಿ.ವಿ.ಶಿವರುದ್ರಪ್ಪೆರೆಗ್ ನಾರಾವಿ
ಗ್ರಾಮದ ಸುದೆತ್ತ ಬರಿಟ್(ಅಂದಾಜಿ ೧೨ ಸಾವಿರ ವರ್ಷ ಪಿರಾಕ್ದ), ಅಂಚನೆ
ಉಪ್ಪಿನಂಗಡಿತ ನೇತ್ರಾವತಿ ಸುದೆತ ಬರಿಟ್ ಪಿ.ರಾಜೇಂದ್ರನ್ ಇನ್ಪಿನರೆಗ್
ತಿಕ್ದಿನೆನ್ ಅನಂತರಾಮು(೧೯೯೭) ಉಲ್ಲೇಖ ಮಲ್ತ್ದೆರ್. ಕರ್ಬೊದ ಯುಗತ್ತ,
ಪೆರಿಯಕಲ್ಲ್ದ ಯುಗ ಸಂಸ್ಕೃತಿ ಕಾಲದ -iron age, megalithic culture-
(ಅಂದಾಜಿ ಕ್ರಿಸ್ತಪೂರ್ವ ೧೦೦೦-೩೦೦) ಅವಶೇಷೊಲು, ಪಾಂಡವೆರಕಲ್ಲು (ಬಂಟ್ವಾಳ
ತಾಲೂಕು)ಮೂಡನಿಡಂಬೂರು, ವಡ್ಡರ್ಸೆ (ಉಡುಪಿ ತಾಲೂಕು) ಇಂಚಿನ
ಸುಮಾರು ಕಡೆಟ್ ತಿಕ್ದಿನ ದಾಖಲೆಲೆನ್ ಡಾ| ಪಿ.ಗುರುರಾಜಭಟ್ಟೆರ್ (೧೯೭೫) ತೆರಿಪಾದೆರ್.
ಜಕಾರಿಯಸ್ ತುಂಡಿ ಕೇರಳದ ಸಂದರ್ಭೊಡು ಪಂಡಿನಂಚ,
ತುಳುನಾಡುಡು ಮುಂಡಾಲದಕುಲು, ಕೊರೆಗೆರ್, ಮುಗೇರೆರ್ ಇತ್ಯಾದಿ ಆದಿವಾಸಿ
ಜನಾಂಗೊಲು ಈ ಪ್ರದೇಶದ ಮೂಲನಿವಾಸಿಲು ಆದುಪ್ಪುನ ಸಹಜ. ನಾಗರೀಕೆರ್
ಇನ್ಪಿ ಜನಾಂಗೊಲು ಊರುಲೆಡ್ ಬತ್ತ್ ನೆಲೆಯಾಯಿನಂಚನೇ, ಕಾಡ್ಲೆನ ನಾಶ
ಆವೊಂದು ಬತ್ತಿಲೆಕ್ಕನೇ, ಕಾಡ್ನೇ ನಂಬ್ದ್ ಬದ್ಕ್ದಿನ
ಜನಾಂಗೊಲು ಕಾಡ್ಡ್ದ್ ಪಿದಾಯಿ ಬತ್ತ್ದ್, ಆಂಡ ಆಧುನಿಕ ಜೀವನದ ಊರ
ಜನಕುಲೊಟ್ಟುಗ್ ಸೇರರಾವಂದೇ ಅತಂತ್ರ ಸ್ಥಿತಿಕ್ ಬತ್ತ್ದೆರ್ ಇಂದ್ ತುಂಡಿ
ವಿಷಾದೊಡು ಪಣ್ತೆರ್.
ತುಳು ಪಾತೆರೊ
330
