ಮಾನವವರ್ಗ ಸೂಚಕವಾದ್, ಈ ಕುಳು ಪ್ರತ್ಯಯ ಪತ್ತುನ ರೀತಿ ಸಹಜ.
ಯಾನ್-ಎಂಕುಳು, ಈ-ನಿಕುಳು, ಆಯೆ,ಅಳ್-ಅಕುಳು, ಜೋವು-
ಜೋಕುಳ್ ಇತ್ಯಾದಿ ಮಾನವ ವರ್ಗ(ಬುದ್ಧಿ ಇಪ್ಪನ) ಸೂಚಕ ಪದಲೆಗ್
ಕುಳು ಪ್ರತ್ಯಯ ರೂಢಿಡೆ ಇತ್ತಿನವು. ಅಂಡ ಈ ಕುಳು ಪ್ರತ್ಯಯೊನು
ನಪುಂಸಕ ನಾಮಪದಲೆಗ್ ಉದಾಹರಣೆಗಾದ್. ಮರ, ಪೆತ್ತೊ ಇತ್ಯಾದಿಲೆಗ್
ಪತ್ತವುನ ರೀತಿಡ್ ತುಳುಭಾಷೆದ ಬಹುವಚನಲು ಕುಳು ಮಯವಾಪಿನ
ಸಂಭವವುಂಡು. ಕನ್ನಡ ರೀತಿನ ಅನುಕರಣೆ ಮಾಳ್ತ್ದ್ ಮರಗಳು,
ಹಸುಗಳು ಇನ್ಪಿನ ಶಬ್ದಲು ಮರಕ್ಕುಳ್, ಪೆತ್ತಕ್ಕುಳ್, ಅಪಿನಯಿಟ್, ಕ್ಲಿಕ್-
ಧ್ವನಿ ಭಾಷೆದ ರೂಪೊನ್ ಕೆಡಿಸಾವುಂಡು. ಗ್ರಾಮ್ಯ ಪಾತೆರೊಡು ಈ ಕ್ಲಿಕ್-
ಧ್ವನಿ ಇಪ್ಪೋಲಿ. ಅಂಡ ಗ್ರಂಥ ಭಾಷೆಡ್, ಸಾಹಿತ್ಯ ಭಾಷೆಡ್ ಕ್ಲಿಕ್-ಧ್ವನಿ
ಇತ್ತ್ಂಡ ಓದುನವು ಪ್ರಯಾಸದಾಯಕ. ಕನ್ನಡೊನ್ ಅನುಕರಣೆ
ಮಲ್ಪೊಡು ಇನ್ಪಿ ನಿಯಮ ತುಳುಭಾಷೆಗಿಜ್ಜಿ.
ತೆಲುಗು ಭಾಷೆಡ್ ಈ ಕ್ಲಿಕ್-ಧ್ವನಿ ಇಜ್ಜಿ. ಪಂಡುಲು (=ಪರಂದುಲು),
ಗುರುಮುಲು (=ಕುದುರೆಲು) ಇತ್ಯಾದಿ ತೆಲುಗು ಬಹುವಚನ ಪ್ರತ್ಯಯ ಲು
ತುಳು ಪಾತೆರೊಗ್ ಹೊಂದೊಂದು ಬರ್ಪುಂಡು. ಅಂಚ ತುಳುತ
ಮರೊಲು, ಪೆತ್ತೊಲು, ಬಹುವಚನ ರೂಪವಾಪಿನಯಿಟ್ ಪಾತೆರೊದ ಕ್ಲಿಷ್ಟತೆ
ತಪ್ಪಾವರೆ ಸಾಧ್ಯ.
(೪) ವಿಭಕ್ತಿ ಪ್ರತ್ಯಯಲು ಪತ್ತುನಯಿಟ್ ಸಂದೇಹ, ವ್ಯಾಕುಲ ಇತ್ತಿನವೇ. ದ್ರಾವಿಡಭಾಷೆಡ್ ಪ್ರಥಮ ವಿಭಕ್ತಿಗ್ (nominative case) ಪ್ರತ್ಯಯ ಪತ್ತುಜಿ. ಆಂಡ ಈ ಪ್ರತ್ಯಯ ಒಂಜಿ ಧ್ವನಿಮೆ ಆದುಪ್ಪೆರೆ ಸಾಧ್ಯ. ಉದಾ:- ನಪುಂಸಕ ಲಿಂಗದ ಮರ, ಪೆತ್ತ ಪದಲೆಗ್ ಉ ಪ್ರತ್ಯಯ ಪತ್ತದ್ ಮರ+ಉ=ಮರೊ, ಪೆತ್ತ+ಉ=ಪೆತ್ತೊ ಆಪಿನ ಸಂಧಿ ನಿಯಮ ತುಳು ಭಾಷೆದ (ಪಾತೆರೊದ ಮಟ್ಟೊಡು) ವೈಶಿಷ್ಟ್ಯ. ಹಳೆಗನ್ನಡೊಡು ಮರಂ, ಹಸುಂ ಇನ್ಪಿನವುಲು ಅಂ ಪ್ರತ್ಯಯ ಅಂಗ ಪ್ರತ್ಯಯನೇ ಇಂದ್ದ್ ಪಣೆರೆಗಾಪುಜಿ. ದಾಯೆಗಿನ್ನಗ, ಕೇಶಿರಾಜನ "ಅರಸಂ, ಮೂರ್ಖಂ ಸಚಿವರ ಸರಸ್ವತೀ ದ್ರೋಹರ” ಇನ್ಪಿನವುಲು ಅರಸ, ಮೂರ್ಖ ಪದಲು ನಪುಂಸಕ ಲಿಂಗವತ್ತ್. ಅಂ ಇನ್ಪಿನವು ಪ್ರಥಮಾ ವಿಭಕ್ತಿ ಅಥವಾ ಪ್ರಥಮಾ ಪುರುಷ ಪ್ರತ್ಯಯ ಇಂದದೇ ತೊಜುಂಡು. ಲಿಂಗ, ಪುರುಷ ವಿಭಕ್ತಿ ಪ್ರತ್ಯಯಲು ಏಕಕಾಲೊಡು ಸೇರುಮ ಸಂದರ್ಬೊಡು ಪ್ರತ್ಯಯ ನ್ಯೂನವಾಪಿನವು (zero morpheme) ಭಾಷೆದ ಸರಳತೆಗಾವಡ್, ಅರ್ಥ ಪಿನ್ಪಾವುನ ಮುಖ್ಯ ಉದ್ದೇಶಗಾವಡ್ ದೋಷ ಇಜ್ಜಾಂತಿನವು.
(೫) ನನ, ವರ್ತಮಾನ ಭವಿಷತ್ಕಾಲದ ಅಖ್ಯಾತ ಪ್ರತ್ಯಯಲು ತುಳು ಭಾಷೆಡ್ ದಿಂಜ ಗಲಿಬಿಲಿ ಮಾಳ್ತ್ದಿನೆನ್ ರೆವೆರೆಂಡ್।ಬ್ರಿಜೆಲೆರೆನ ವ್ಯಾಕರಣ ತೂವೊಲಿ. ಉದಾ:-
ತುಳು ಪಾತೆರೊ
