ತುಳು ತಿರ್ಪಣಿ
(ತುಳು ವ್ಯಾಕರಣ ದೀಪಿಕಾ)
ಪೀಠಿಕೆ
ವಂದಿಪೆ ವಾಗ್ರೂಪಿ ಬ್ರಾಹ್ಮ ಆದಿ ಸಪ್ತ ಮಾತೃಕೆರೆಗ್
ವಂದಿಪೆ ಅಕ್ಷರ ಪ್ರತಿಮಾ ಗಣಪಾಲನ ಪಂಚಾನನಗ್ ॥೧॥
ತುಳುವ ಪಾತೆರ್ಗೊಂಜಿ ಆಯಿತದ 'ನೂಲ್ತಿರ್ಪಣಿ ಕೊರ್ದ್
ತುಳುವ ಸವುದ ಸಿರಿಸಂಪೊತ್ತ್ ಎಚ್ಚಾವರೆ ಕೇಣ್ವೆ ಕೈಮುಗಿದ್ ॥೨॥
ಪುಗರಿಕೆದ ಕಾಶಿಗೊಂಬುನ ಶಿವಳಿ ಜನಿತ ಬುಕಾಶಿ ನಿಗರ್ವದೆ
ನಿಗರ್ತೆದ ತುಳು ಪಾತೆರೊ ಗೊಂತುನು ಸರಿಕೆಡ್ಪಿನ್ಪಾವೆ ॥೩॥
ಪೂರ್ವಜೆರ್ಪಾಣಿನೀ ಪವನಂದಿರೆನ್ಲ ಮನಸಾರನೆ
ಸಾರ್ವಭೌಮೆ ಉತ್ತುಂಗೆ ನಾಗವರ್ಮರೆನ್ಲ ನೆನೆತುಡುವೆ॥೪॥
ಪದಿನೊರುಂಬನೂತ್ತೆಣ್ಪತ್ತೊಂಜಿ ಟಿಪ್ಪುನಂಚಿನ ತುಳುವದೆ
ವಿಧಿತ ರಚನೆ ಪಿನೊಡು ಆವೊಡಯಿಟ್ ಸರಸ ಸಾಹಿತ್ಯದೇಳ್ಗೆ ॥೫॥
ಪರ್ತಿದ ತಿರ್ಪಣಿಡ್ ತಿರಿ ಎಣ್ಣೆಡ್ ಬೊಳ್ಪ್ ಕೊರ್ಪಿನಂಚನೆ
ಬರ್ತೆಡ್ ಒಂಜಾದ್ ಮಾತ ತುಳುವೆರ್ ಬೆಳಗಡ್ ಪಾತೆರೊನಂಚನೆ ॥೬॥
ಭಾವೈಕ್ಯತೆಡ್ ಶಾಂತಿಗಭಾವ ದಾಂತೆ ನಮ್ಮ ಭಾರತ ದೇಶೊಡ್
ಭಾವ ಶಿಲ್ಪಿಗೆರಾದ್ ನಮ ತುಳುನುಡಿ ವಾಙ್ಮಯವಾವಡ್ ॥೭॥
ತಿರ್ಪಣಿದೀ ಕೃತಿಟಿಪ್ಪುನಿ ಪದ್ಯ ಛಂದಸ್ಸ್ದರ್ಧಮಾತ್ರೆಲು
ಇರ್ಪಡಿಪ್ಪುನಡ್ಡ ಗೀಟ್ಲೇ ಅರ್ಧಮಾತ್ರೆದ ಗದ್ಯಸೂತ್ರಲು-॥೮॥
ಈ ನೂಲ್ದ ಅರ್ಥ ವಿಸ್ತರಣೆಡ್ ಸಂದೇಹವಿಜ್ಜಿ, ಕಲ್ಪ ಇಜ್ಜಿ
ಕೇಣರೆಗಿಜ್ಜಿ. ಏರ್ಲಾ ಓದ್ದ್ ತೆರಿವೊಣೊರೆ ಕಟ್ಟ ಇಜ್ಜಿ ॥೯॥
ಇಂಚಾದ್ ಇಂದೆಕ್ ಕೊರ್ತುಜಿ ಬೇತೆನೇ ವೃತ್ತಿಪಾಠ
ಎಂಚ ಓದಂಡ್ಲ ಅರ್ಥಪಿನೊಅ, ಬೊಡ್ಚಿ ಕಂಠಪಾಠ ॥೧೦।।
ಗೊಂತುದ ತುಳುವೆರೀ ಕೃತಿತ ದೋಷಲೆನಪಹಾಸ್ಯದಾಲ
ದಾಂತೆ ಪೇರಂಜಿ ಇನ್ಪಿ ನ್ಯಾಯೊಡ್ ಸ್ವೀಕರಿಪೆರೆ ಕೇಣ್ಪೆ ॥೧೧॥}}
**********
೧ಅಯಿತ=ಪೊರ್ಲ್ದ, ೨ನೂಲ=ವ್ಯಾಕರಣ, ೩ತಿರ್ಪಣಿ=ದೀಪಿಕಾ, ೪ನಿಗರ್ತೆ=ಪ್ರಖ್ಯಾತಿ, ೫ಕಟ್ಟ=ಕಷ್ಟ, ೬ಪೇರಂಜಿ= ಪೇರ್ಲಾ ಹಂಸಲಾ
- ಬಿ.ಕೆ.ಶಿವಳ್ಳಿ
13
ಬುಧಾನಂದ ಶಿವಳ್ಳಿ
