- ೪ -
ಅಜ್ಜಿಗ್ ಪುಲ್ಲಿ ತೆಮ್ಮ ಕಲ್ಪಾಯಿ ಲೆಕ್ಕ.
ಅಜ್ಜಿಗ್ ಬಾರೆದ ಕೈಲ್ ತುಂಬಿ ಲೆಕ್ಕ.
ಅಚ್ಚಿ ತಾಂಕಿ ಮಗೆ ಬೊಜ್ಜೊಗುಲಾ ಆವಯೆ.
ಅಟ್ಟ ಮುಟ್ಟ ದೆರ್ಪೊಲಿ, ಬಾಣ ಮುಟ್ಟ ತೀರೋ?
ಅಡಿಕ್ ಬೂ‌ರ್ಂಡಲಾ ಮೀಶೆಗ್ ಮಣ್ಣ್ ತಾಗಂದ್.
ಅಡಿತ ಕರಟ್‌ ತೆಲಿ ಇಟ್ಟಿ, ಮಿತ್ತ್‌ದ ಕಲೆಟ್ ನುಪ್ಪು ಇಜ್ಜಿ.
ಆಡಿ ತೂದು ಮುಡಿ ಎತ್ತೊಡು.
ಅಡಿ ಬೊಕ್ಕ ಅಟ್ಟಿಲ್ ಅಟ್ಟೊಗು ಮಿತ್ತಾವುಂಡೋ?
ಅಪ್ಪೆ ಅಮ್ಮೆ ಪೇರ್ ನುಪ್ಪು ಆಂಡಲಾ ಬೊಡ್ಚಿ, ಕಂಡಣ್ಯ ಕಣನೀ‌ರ್
ನುಪ್ಪು ಆವು.
ಅಪ್ಪೆ ಪ್ರೀತಿ ತಾರಾಯಿ, ಮಗ ಪ್ರೀತಿ ತಿಪ್ಪಿ.
ಅಪ್ಪೆ ಮನಸ್ ಇತ್ತ್ಂಡ ಮಗಳೆನ್ ಏರೆಗಾಂಡಲಾ ಕೊರೊಲಿ.
ಅಪ್ಪೆ ಸೈತಿ ಕಾಲ ಬಡವು ಹೆಚ್ಚ, ಅಮ್ಮೆ ಸೈತಿ ಕಾಲ ದೊಂಬು ಹೆಚ್ಚ.
ಅಪ್ಪೆ ಸೈತಿ ಬಾಲೆದ ಲೆಕ್ಕ.
ಅಪ್ಪೆ ಸೈತಿ ಬೊಕ್ಕ ಅಮ್ಮ ಕೈತಳ್ ಉಂತಿಯೆರೆ ಅವಂದ್; ಬರ್ಸ
ಪೋಯಿ ಜೊಕ್ಕ ಮರತ ಮುದೆಲ್‌ಡ್ ಉಂತಿಯೆರೆ ಆವಂದ್.
ಅಮಸರದಾಕುಳೆಗೆ ನೆಲೊಟು ಪಾಡೊಲಿ, ಎಂಕ್ ಇರೆಟ್ ಪಾಡ್‌ಲೆ!
ಅಮಸಣಿ ಮಳ್ತ್ಂಡ ಇಯ್ಯವೋ?
ಅರಸು ಪಾತೆರ್ಂಡ ಊರು ನಡುಗುಂಡು, ಬಡವೆ ಪಾತೆರ್ಂಡ
ಗಡ್ಡ ಪಂದುಂಡು.
ಅರಸು ಪೋದು ಪೊಡಸ್ ಆಪೆ, ಪೊಡಸ್ ಪೋದು ಅರಸು ಆವೋ?
ಅರಸು ಮಗಳ್ ತಿಕ್ಕಳ್ ಅಂದ್‌ದ್ ತನ ಬೊಡೆದಿನ್ ಗಿಡಿಯಾಯೆ.
