ಈ ಪುಟೊನು ಪ್ರಕಟಿಸದ್ ಆಂಡ್
- ೩೬ -
ಬೀಸು ಮುಂಡೆಗ್ ಮುಕ್ಕಿನವೇ ಲಾಭ.
ಬುದ್ದಿ ದಾಂತಿ ಕಥೆ.
ಬೂರು ಸಣ್ಣ ಅಂಡಲಾ ತನ್ನ ಕಾಯಿ ತುಂಬೆರೆ ದಿಣ್ಣ ಅತ್ತ್.
ಬೆಂಞಣ ದಾಂತಿನಾಯಗ್ ಅಳೆ ಒಳ್ತು?
ಬೆಚ್ಚ ಅರಪುಂಡು.
ಬೆಚ್ಚ ಮುಟ್ಟಂದೆ ಬೆಣ್ಣೆ ಕರಗುಜಿ.
ಬೆತ್ತೊಣುನಗ ಬಂಜಿ, ಕುತ್ತೊಣುನಗ ಕಣ್ಣ್.
ಬೆಯಿನೆಂಗೆ ಕುಳ್ಳುದು ಬೆಚ್ಚ ಅರಪುನಗ ಪೋಯೆಗೆ.
ಬೆಲ್ಲ ಕೊರಿಜಾಂಡಲಾ ಬೆಲ್ಲದಂಚಿತ್ತಿ ಪಾತೆರ ಉಪ್ಪೊಡು.
ಬೆಲ್ಲ ಪಾಡಿನಾತ್ ತೀಪೆ.
ಬೇಲೆಕಳುವೆ ಸೂರ್ಯಗ್ ಕಲ್ಲ್ ದಕ್ಕುವೆಗೆ.
ಬೇಲೆಗ್ ಪಿರವು, ಉಣಸ್ಗ್ ದುಂಬ.
ಬೈಕ್ ತೂ ದೀಲ ಅಂದ್ದ್ ಪಣ್ಣಗ ಬೈತ ಮುಟ್ಟೆಗ್ ತೂ ದೀಯೆ.
ಬೈದೆ ಪೋದು ಬಿರ್ವೆ ಬತ್ತೆಗೆ.
ಬೈಯ್ಯಗ್ ಬತ್ತಿ ಬರ್ಸಲ ಫೋವಂದ್, ಬೈಯ್ಯಗ್ ಬತ್ತಿ ಬಿನ್ನೆಲಾ ಪೋವಯೆ.
ಬೊಂಡ ತೀಪೆ ಅಂದ್ದ್ ತಿಪ್ಪಿ ಮುಟ್ಟಲಾ ಗರ್ತ್ದೆಗೆ.
ಬೊಣ್ಯೊಡ್ ಜೆಪ್ಪು ಬೊಗ್ರಗ್ ಅರಮನೆದ ಕನ ಕಟ್ಟ್ಂಡ್.
ಜೊಡೆದಿಡ ಗುಟ್ಟು ಪಣದ, ಆರಸುಡ ಸುಳ್ಳು ಪಣಡ!
ಬೊಡೆದಿಡ ಮನಸ್ ದಾಂತಿನಾಯಗ್ ಬೆಂಞನೊಡು ಕಲ್ಲ್ ತಿಕ್ಕುಂಡುಗೆ.
ಬೆಳ್ಳಿ ತಿಂದ್ ಬಂಗಾರ್ ದಕ್ಕುವೆರ್ಗೆ.
