ಈ ಪುಟೊನು ಪ್ರಕಟಿಸದ್ ಆಂಡ್
- ೨೨ -
ಪತ್ತ್ ಜನ ಕಕ್ಕೆ ತಿಂದ್ದ್ ತಿನಂದಿನಾಯನ್ ಜಾತಿ ಗೆತ್ತೆರ್ಗೆ.
ಪತ್ತ್ ಜನ ಪತ್ತ್ ಕಡ್ಡಿ ಪೊಟ್ಟು ಪಾಡ್ಂಡ ವೊಂಜಿ ಕಟ್ಟ ಆಪುಂಡು.
ಪತ್ತ್ ಬಾಲೆಳೆ ಅಪ್ಪೆ ಕಾಡ್ಡ್ ಬೂರಿ ಲೆಕ್ಕ.
ಪತ್ತಿ ಗೆಲ್ಲ್ ಮುಳ್ಳು ಅಂಡ್, ಉಂತಿ ಗೆಲ್ಲ್ ಪಗಿದ್ ಪೋಂಡು.
ಪತ್ತೆಡ್ ಪತ್ತೊಂಜಿ ಆಯಿ ಲೆಕ್ಕ.
ಪತ್ತೆಗ್ ತಕ್ಕ ಪಾತೆರ.
ಪತ್ತೆರೆ ಪೋಂಡ ತುಚ್ಚೆರೆ ಬರ್ಪುಂಡು.
ಪಾದೆಗ್ ನೀರ್ ಮೈತಿ ಲೆಕ್ಕ.
ಪಾಡೆ ಪಂರ್ಕಿ ಲೆಕ್ಕ.
ಪಾಪಿ ಪೋಪಿನವುಳು ಪಾತಾಳ.
ಪಾಪಿ ಪೋಯಿನವುಳು ಮೊರಂಪು ನೀರ್ ಕೆಕ್ಕಿಲ್ಗ್ ಬರ್ಪುಂಡು.
ಪಾಪಿ ಬದ್ಕ್ ಊರಿಯಾಕುಳೆಗ್.
ಪಾರು ತೌಡುಗು ಬಾಯಿ ಅಂಗಾಯಿ ಲೆಕ್ಕ.
ಪಾರುನಾಯಗ್ಲಾ ಗಿಡಿಯಾವುನಾಯಗ್ಲಾ ವೊಂಜೇ.
ಪಿಜಿನ್ಗ್ ಕರ್ಬದ ಬೇಲೆ ದಾಯೆಗ್?
ಪಿದಾಯಿದ ಪಗೆ ತಡೆವೊಲಿ, ಉಳಾಯಿದ ಪಗೆ(ಪುಗೆ) ತಡೆವೆರೆ ಬಲ್ಲಿ.
ಪಿಲಿ ಕಿದೆಕ್ ಪೊಗ್ಗಿ ಲೆಕ್ಕ.
ಪಿಲಿನ್ ತೂದು ಕುದಿಕೆ ಸುಡೊಂಡಿ ಲೆಕ್ಕ.
ಪಿಲಿ ಬಾಯಿಗ್ ತಿಕ್ಕಿಯೆ.
ಪಿಲಿ ಪತ್ತಿ ಲೆಕ್ಕ.
ಪುಚ್ಚೆದ ಆಟ ಎಲಿಕ್ ಪ್ರಾಣಸಂಕಟ.
ಪುಚ್ಚೆದ ಮಂಡೆಡ್ ತುಡರ್ ಇತ್ತಿ ಲೆಕ್ಕ.
