ಈ ಪುಟೊನು ಪ್ರಕಟಿಸದ್ ಆಂಡ್
- ೧೨ -
ಕಲ್ಲ್ ಕಾರ್ದ ಬೇನೆ ಪಿನಂದ್.
ಕಲ್ಲ್ಗ್ ಹಾಕ್ಂಡ ಬೇನೆ ಆಪುಂಡಾ?
ಕಳ್ವನ್ ನಂಬೊಲಿ, ಕುಳ್ಳನ್ ನಂಬೆರೆ ಬಲ್ಲಿ.
ಕಳುವ ಕೈ ಊರುಗು ಬೋಳ್ಪು.
ಕಳುವಗ್ ಬಾಯಿ ಮೇಲ್.
ಕಳುವ ತರೆಟ್ ಕಜವು ಅಂದ್ದ್ ಪಂಣಗೆ ಕಳುವೆ ತರೆ ಪರಡುವೆಗೆ.
ಕಾಟ್ ಭೂತೊಗು ಕಾವೇರಿ ಸಂಕ್ರಾಂತಿ.
ಕಾಡ್ಡ್ ಪಿಲಿ ಕೊರೆಪುಂಡು ಅಂದ್ದ್ ಊರುಡು ಒಕ್ಕೆಲ್ ದೆತ್ತೆರ್ಗೆ.
ಕಾಡ್ ಸೊರ್ಕ್ಂಡ ಏಡ್ ಬುಡೊಡು, ಊರು ಸೊರ್ಕ್ಂಡ ಕೋಂಕಣನ್ ಬುಡೊಡು.
ಕಾರ್ಗ್ ವೊಯಿತ್ಂಡ ತರಕ್ ಬರ್ಪುಜಿ, ತರೆಕ್ ವೊಯಿತ್ಂಡ ಕಾರ್ಗ್ ಬರ್ಪುಜಿ.
ಕಾಲ ಬನ್ನಗ ಆಪುಂಡು.
ಕಾಲೊಗು ತಕ್ಕ ಕೋಲ.
ಕಾಶಿಗ್ ಪೋಂಡಲಾ ದೋಷ ತಪ್ಪುಜಿ.
ಕಾಶಿಗ್ ಪೋನಗ ಭಾಗೀರತಿ ಎದ್ರ್ ಆಯಿ ಲೆಕ್ಕ.
ಕಾಶಿಗ್ ಬೊಗ್ರೆ ಪೋಯಿ ಲೆಕ್ಕ.
ಕಾಸ್ಗ್ ರಡ್ಡ್ ಕಡಲೆ, ಮೋಣೆಗೆ ರಡ್ಡ್ ಕುಟ್ಟಲೆ.
ಕಾಸ್ ಕೊರ್ದು ತುದೆ ನೀಂದಿ ಲೆಕ್ಕ.
ಕಾಸ್ಗ್ ವೊಂಜಿ ಕುದ್ರೆ.
ಕಾಸ್ ದಾಂತಿನಾಯೆ ದುಂಬು ದಾಂಟೊಡು.
ಕಿಂಕನ ಬಿರೆಳ್ ಬಾತ್ಂಡ ವೊರಿಯಗ್ ತುಂಬಿರೆ ಪುದೆ ಆವೋ?
