13
9. ಕಲ್ಕುಡೆ.
ನೀರ್ ಪೆತ್ತ್ ನಿವ್ವಾಳ್ಳ ಪೇರ್ ಪತ್ತ್ ಜಜಾಲ್ಲ(ಬಬಿಪುಲ) ನಲ್ಲೆರೆ ಕಲ್ಲಾಣ (ಮೆಲ್ಲಾಳ್), ಮಳ್ಪಿಂಚಿತ್ತಿ ಪಾಳಿ ಕೇಣ್ಲ, ಮಂಗ್ಳೂರ್ ಸಾರಾಳ್ ಪಣ್ಪಿ ಪಾರಿ ಕೇಣ್ಲ, ಮೂಲ್ಕೆ ವೊರ್ಂಬ ಮಾಗಣೆ ಪಣ್ಪಿ ಪಾರಿ ಕೇಣ್ಲ, ಬಂಟೆರ್ ಸಾರ ಸೀಮೆ ಪಣ್ಪಿ ಪಾರಿ ಕೇಣ್ಲ, ಮಣೆಲ್ ಹೊಬಲಿ ಪಣ್ಪಿ ಪಾರಿ ಕೇಣ್ಲ ಜೇವಾದೇ, ಮುಗೆರ್ ಮುನ್ನೂದಾಳ್ ಪಣ್ಪಿ ಪಾರಿ ಕೇಣ್ಲ, ಯೇ, ಅಪಗನೆ ಯಾನ್ ಪುಟ್ಟನಾಡುಂಡು ಕಲ್ಲ ಪುಚ್ಚೆ ಮಾಂಟ್ರಾಡಿ, ಅಪ್ಪ ಉಳ್ಳೊಳು ಕಾಳಬೈರಿ, ಅಮ್ಮೆ ಉಳ್ಳನೋ ಸೂವ ಕಲ್ಕುಡೆ, ಆಕುಳೆಗ್ ಪುಟ್ಟ ಮಗಳುಳ್ಳೊಳು ದುರ್ಗಮ್ಮ, ಆತೆನ ಸಮಯೊಗು ಐಯ್ಯರೆಗೆ ವೊರ್ತಿ ಸಂಗಡಿ, ವೊರಿ ಕಲ್ಕುಡೆ ಚೆಂಬೆಟ್ಟಲ್ದ ಬೇಲೆ ಬೆನ್ಪನೊ, ನನ ವೊರಿ ಯಲ್ಲೂರ ಕಲ್ಕುಡೆ ಕಂಚಿ ಕಡುಮುಟ್ಟದ ಬೇಲೆ ಬೆನ್ಪನೊ, ನನ ವೊರಿ ಉಳ್ಳೆನೊ ಮರತೆ ಬೇಲೆ ಬೆನ್ಪನೊ, ನಾರ್ನ ಕಲ್ಕುಡೆ, ಆಯೆ ಚಿತ್ರೊದ ಬೇಲೆ ಬೆನ್ಪೆಂದೆನೋ, ಯೇನ್ ಪೋಪೆ ಬೆಳ್ಗುಳ್ಗು, ಬೆಳ್ಗುಳ್ಗುಡ್ ಗುಮ್ಮಡ ಸಾಮಿ ಬೇಲೆ ಬೆನ್ಪನೊ, ಅಮ್ಮೆ ಬೇಲೆ ಬೆನ್ತರೋ ಕುಲ್ಕುಡಾ ಮುಳ್ಳಾತ್ ವೊನೆ ಬಾರ್ದಾತ್ ಕೋರೆದಾಂತೆ ಬೇಲೆ ಬೆನೊಡು ಅಂದ್ದ್ ಅಮ್ಮಗ್ ಪಂಡೆ. ಬಲತ ಬಾಗೊಡು ಗುಮ್ಮಡಡ್ ವಂಜಿ ಕಪ್ಪೆ ವಂಜಿ ನಿರೆ ನೀರ್ ಉಂಡು ಅಂದ್ ದ್ ಪಂಡೆ ಮಗೆ, ಯೇನ್ ಬೆಂದಿ ಬೇಲೆಗ್ ವೊರಿ ಊನ ಪಣ್ತಿಜಿ, ಬೊಳ್ಳಿ ಕಟ್ಟ ಬೀಸತ್ತ ದೆತ್ತೊಂಡೆ, ತನ ಜೀವೊಗು ತಾನ್ ಊಂದೊಂಡೆನಾ ಸೂವ ಕಲ್ಕುಡೆ, ಅಯ್ಯಯ್ಯಾ ಅಮ್ಮೆರೆ ಬೇಲೆ ಮಗೆ ಹೂವೆರೆ ಬತ್ತೆನೇ ನಿನ ಜೀವ ಈ ಕಳೆವೊಂಡನೇ ಅಂದ್ಸಂ ದ್ಬು ಪಣ್ಪೆ ಸೆಂಬು ಕುಲ್ಕುಡೆ, ಅಮ್ಮನ್ ನಿಲೆಟ್ ಪಾಡ್ದೆನೇ (ಕೌಂತೆ), ಮಗ್ತ ಬೇಲೆ ಬೆನ್ಪೆ ಸಂಬು ಕಲ್ಕುಡೆ. ಕಾರ್ಲಡ್ ಸಾರಾಳ್ ಬರ್ಪೆರ್ ಗುಮ್ಮಡನ್ ತೂಯೆರ್, ಯೆಂಕುಳೆಗ್ ಬೇಲೆ ಬೆನ್ಪಾವೊಡುಂದು ಪಂಡೆರ್, ಬೆಳ್ಳುಳ್ ಡ್ ಮಾಯಾಯೆ ಸಂಬು ಕಲ್ಕುಡೆ, ಕಾರ್ಲಡ್ ಜೋಗಾಯೆನೋ, ಕಾರ್ಲಡ್ ವಂಜಿ ಬಿಲ್ಲುದ್ದೊ (ವಂಜಿ ಕೋಲು) ಹೆಚ್ಚ ಬೆಂದೆನೋ ಕಲ್ಕುಡೆಯೇ, ಯೇಣೂರ ನೂದಾಳ್ ಬರುವೆರ್ ಕಾರ್ಲಗ್, ತಂಕುಳೆಗ್ ಲಾ ಆಂಚನೆ ನಾಟಾವೊಡುಂದು ಆಕುಳು ಬರ್ಪಿನೆನ್ ತೂಯೆ ನಾಡಾದೆ (ಸರೂತ ಮಳ್ತೆ ಗುಮ್ಮಡನ್, ಮಾಯಕಾಯೆ ಅಪಗನೆಯೇ ಆತೆನೆ ಸಮಯೊಡು ಯೇಣೂರುಡು ಜೋಗ ಬೆಂದೆ; ಯೇಣೂರುಡು ಯೇಳೇಳ್ವೊ ವೊಟ್ಟು ಪದಿನಾಲ್ ಬಿಲ್ಲುದ್ದೊ ಬೇಲೆ ಹೆಚ್ಚ ಬೆಂದೆ, ಐನ್ ಸೂಯೆರ್ ಬೈರನ ಸೂಡೆರ್, ಕೈವೊಂಜಿ ಕಾರೊಂಜಿ ದೆಪ್ಪಾದೆರ್ ಯೇ(ಸಂಬು ಕಲ್ಕುಡನವು). ಪಣವುಡು ಮೇಲ್, ಜಾತಿಡ್ ಹೀನ ಬೈರನೆ ಸೂಡರ್ಯೇ, ನನ ತೂಲ ದುಂಬುದ ಚರ್ಯೊಂದೆ ಸಂಬುಕಲ್ಕುಡೆ. ವಂಜಿ ಕೈಟ್ ಗುಮ್ಮಡನ್ ನಿಲುಪುಡ್ಯೆನಾ, ಮಾಯೆ ಆಯೆನೊ, ಮಾಯಾಯಿ ದೇವದೇ ಕಾರಿಂಜಡ್ ಬೇಲೆ ಬೆನ್ಪೆಂದೆ. ಕಾರಿಂಜಡ್ ಬೇಲೆ ಬೆನ್ನಗ ಹಿರ್ತ ಅಡ್ಯಂದರ್ ಮಿತ್ತ ಅಡ್ಯಂದರ್ ಹೊವೆರೆ ಬತ್ತೆರ್, ವೊಂಜಿ ಕಾರ್ಡಾ ವೊಂಜೆ ಕೈಟಾ ದೇವಸ್ಥಾನೊ ರಡ್ಡ್ ಕಟ್ಟ್ ದ್ ಪುಲ್ಲೆಕ್ಕೊ ಲುಗು ಬಲಿ ಜಪುಡನೋ ಅಂದ್ ದ್ ಕೇಂಡರ್, ಬಲಿ ಈ ಗಳಿಗೆಗ್ ಜಪುಡೆಂದೆ ಸಂಬು ಕ್ಲ್ಕುಡೆ. ಈ ಗಳಿಗೆಗ್ ಮಳ್ಪುನಾಯೆ ಈಯೋಂದ್ ದ್ ಮೋಣೆಗುಬ್ಬಿವೆರ್, ಆಕುಳು ಪೋಪೆರ್, ದೇವಸ್ಥಾನೊ ಕಟ್ಟಯೆನೋ ಗೋಪುರ ಹಿರ್ದ್ಯೆನೋ ಕಲ್ಲ್ ಪಂಚಾಂಗ ಪಾಗಾರ ಅಂಗಣ ಸುತ್ತ ಮಳ್ತೆನೊ, ಜಲಕೂಗು ಕರೆ ಮಳ್ತ, ವೈಪೆರ್ ತೇರ್ ಮಳ್ತೆ, ಮಿತ್ತ ದೇವಸ್ಥಾನೊ ಕಟ್ಟಯೆನೋ ಕಟ್ಟ್ ದೆ, ಹಿರ್ತ ದೇವ ಸ್ಥಾನೊಗು ಬತ್ತೆನಾ, ಬುನಾದಿ ಪಾಡಿಯೆನಾಯೆ, ದೇವಸ್ಥಾನ ರ್ಡ್ಡ್ ಲಾ ಪುಲ್ಯಾವಂದಿನುಳಾಯಿ ಕಟ್ಟೆಯೆನೊ, ಪುಲ್ಲೆದ ಬಲಿನಾಯೆ ಪಿದಾಡಾಯನೊ, ಹಿರ್ತ ಅಡ್ಯಂದಾರ್ ಮಿತ್ತ ಅಡ್ಯಂದಾರ್ ಕೇಂಡ್ ದ್ ಪಾರ್ ಬನ್ನಗ ದೇವರೆ ಅಪ್ಪಣೆ ಆಂಡ್ ಅಂಗಣ ಜಪ್ಪಂದೆ ಮದೆಲ್ ಮುಟ್ಟಂದೆಂದ್ ವೊಂಜಿ ತಾರಾಯಿದ ನೀರ್ ವೊಡೆ ಮುಟ್ಟಿ ಬರ್ಪುಂಡೊ ಅಡೆ ಮುಟ್ಟ ಜಾಗ್ ದೇವೆರೆಗ್ ಕೊಳ್ಪುಂಡ ದೇವಸ್ಥಾ ನೊಗು ಬರೊಲಿ ಅಂದ್ ದ್ ಪ್ಂಡೆರ್. ವೊಂಜೆ ತಾರಾಯಿದ ನೀರ ನೂತು (೧೨೮) ಮುಡಿ ಕಂಡೊಡು ಸುತ್ತು ಬತ್ತ್ಂಡ್. ದೇವೆರೆಗ್ ಸೂವತ್ತಿ ಕೊರಿಯೆರ್ (ದಾರೆ ಏರದೆರ್), ಗ೦ದ ಪುರುಸದೊ ದೆತ್ತೊಂಡೆರ್, ಯೇನ್ ಪೋಪೆ (ಸಂಬು ಕುಲ್ಕುಡೆ), ತೆನಕಾಯಿ ಗಂಗೆ ಮೀಯೆರೆ ಉಬಾರ್ ಜ್ ಉಟಾರ ತೀರ್ತೊ ಮೀಯೆನಾಯ, ಬಡಕಾಯಿ ಬಾಳುಸೇನೆರ್ ಪೋತಿ ರಾಜ್ಯೋಗು ಗಂಗೆ ಮೀಯೆರೆ ಪೋಪೆಂದೆಯೇ, ಅಡೆಗ್ ಪೋಯೆ ಗಂಗೆ ಮೀಯೆನೋ.
