ಸೈತಿನ ಒರಿಯನ ಮಿತ್‌ ಒಂಜಿ ಸಾವಿರ ಗದಿಯನ ಪನವು ಕೊರೊಡು! ಹಹ್ಹ .. poor woman, dream ತೂಲ! ಈ ಲೆಟರ್‌ಗ್ ಎಲೆ ಸರಿಯಾದ್ ಉತರ ಕೊರುಕಾ ಮಿಸ್ಟರ್ ಕಾಮರೇ, This time ಈ ಉಲಾಲ ರಾಣಿನ್ ಕಲಾಸ್ ಮತ್‌ ಬುಡುಕಾ ಕಾಮರೇ, now let us have a party! [ಪಾನಗೋಷ್ಠಿ, ನಲಿಕೆಲು ನಡಪುಂಡು]
ನೋಟ - ಮುಪ್ಪತ್ತೈನ್ [ಅಬ್ಬಕ್ಕಾದೇವಿ ತುರ್ತಾದ್ ಪ್ರಜಾ ಪ್ರಮುಖರೆ ಸಭೆ ಲೆಯ್ದಾಳ್] ಅಬ್ಬಕ್ಕದೇವಿ
- ಹಿರಿಯರೆ, ಪ್ರಜಾ ಪ್ರಮುಖರೆ,
ನಮ್ಮ ಸೀಮೆಗ್ ಪರದೇಶೀಯೆರಾಯಿನ ಪೋರ್ಚುಗೀಸೆರೆಡ್ ಅಪಗಪಗ ಆವೊಂದುಪ್ಪಿನ ಅನ್ಯಾಯೊಳೆ ಬಗೆಟ್ ನಿಕುಲು ಮಾತಾ ತೆರಿದಾರ್, ಇತರ ದೇಶೂಳಡ ನಮ ನಡಪಾವುನ ವ್ಯಾಪಾರೊಗ್ಲಾ ಅಕುಳೆಡ್ ತೊಂದರೆ ಬರೊಂದುಂಡು. ವ್ಯಾಪಾರದ ಪತ್ತೇಮಾರಿಳೆನ್ ದರೋಡೆ ಮಲ್ಪುನವುಲಾ ಪತ್ತೇಮಾರಿದ ನಮ್ಮ ಕಡೆತಾನ್ ಚಿತ್ರ ಹಿಂಸೆ ಮಲ್ಪುನವುಲಾ ಆ ಕಡಲ ಕಳ್ಳ ಪರಂಗಿದಾನ ಹವ್ಯಾಸವಾದುಂಡು. ಇಂಚೊಗು ನಮ್ಮ ವ್ಯಾಪಾರೊದ ಪಡವುನು ವಶ ಮತ್ತೊಂದೆರ್. ಪರಿಹಾರ ಕೇಂಡಲಾ ಕೊರಾಂದೆ ಉಡಾಫೆ ಮಲ್ತ್ ತಿಗಲೆ ಒಡ್ಡುದು ಉಂತುದೆ. ಈ ಪರಕೀಯೆರೆನ್ ನಮ್ಮ ಸೀಮೆಡ್ ಗಿಡಪಂದ ನಂಕ್ ಬೇತೆ ಸಾದಿಯಿಜ್ಜಿ, ನಂಕ್ ಶಾಂತಿಲಾ ಇಜ್ಜಿ. ನಮ್ಮ ಊರುದ ಮಾನ ಅಭಿಮಾನೊಳೆನ್ ರಕ್ಷಣೆ ಮಲ್ಪುನ ಜವಾಬುದಾರಿ ನಮ್ಮ ಮಾತೆರೆ ನವು. ಈ ನಾಡ್‌ ವೀರಪುತ್ರೆರಾಯಿನ ನಿಕುಳೆನ ಸಹಕಾರ ಇಪ್ಪುನ ಎಂಕ್ ಆ ಕಡಲ ಕರೆನ ಭಯ ಇಜ್ಜಿ. ಇಕ್ಕೇರಿದ ಅರಸುಳಾಯಿನ ವೆಂಕಟಪ್ಪ ನಾಯಕೆರೆ ಅಂಚನೆ ಕಲ್ಲಿಕೋಟೆದ ಸಾಮುದ್ರಿ ಅರಸುಳೆನ ಸಹಕಾರ ನಂಕ್ ಒದಗುನ ನಂಬೋಳಿಗೆ ಉಂಡು. ಉಳ್ಳಾಲೊದ ಶೂರರೇ, ನಾಡ್‌ಗಾದ್ ಧೈರ್ಯವಾದ್ ಏಕ ಮನಸ್ಸಡ್ ಹೋರಾಟ ಮಲ್ಲುಲೆ. ಉಳ್ಳಾಲೊಗು ಜಯ ಆವಡ್! ಉಳ್ಳಾಲೊದ ಪವಿತ್ರ ವೃಷಭಾಂಕಿತ ಬಾವುಟ ಏಪಲಾ ಅಕ್ಕಾಸೊಡು ರಾವೊಂದು ಉಪ್ಪಡ್‌! ಜೈ ಸೋಮನಾಥ, ಜೈ ಸೋಮನಾಥ! ವೀರರಾಣಿ ಅಬ್ಬಕ್ಕದೇವಿ / 52
