ಕುಂಞಾಲಿ ಆಲೀಖಾನ್ ಕುಂಞಾಲಿ ಆಲೀಖಾನ್ ಕುಂಞಾಲಿ
- ಆ ವಂಚಕೆರಾಯಿನ ಪರಂಗಿದಾಕು ಮಾತ್ರ ಎನನ್
ದರೋಡೆದಾಯೆಂದ್ ಪ್ರಚಾರ ಮದರ್, ಎಂಕ್‌ಲಾ ಸಾಬೀತ್‌ಡ್ ಬ್ಯಾರ ಮಲ್ಪೆರೆ ಬರ್ಪುಂಡು. ಆಂಡ, ಆ ಪರಂಗಿದಾಗ್ ಆಕ್ಷನ ವರಸೆಡೇ ಜವಾಬು ಕೊರೊಡಾಪುಂಡು!
- ಮುಳ್ಳುನು ಮುಳ್ಳುಡೇ ದೆಪ್ರೊಡತ್ತೆ?
- ಎನ್ನ ಕಣ್ಣ ದುಂಬು ಇತ್ತೆಲಾ ತೋಜಿಲೆಕ್ಕಾಪುಂಡು ದಳವಾಯಿಳೆ,
ದುಂಬು ಒರ ಕಲ್ಲಿಕೋಟೆದ ಪತ್ತೇಮಾರಿ ಅರಬೀಸ್ಥಾನೊಡ್ಡು ಪಿರ ಬತ್ತೊಂದಿತ್ತ್ಂಡ್. ಅಯಿಟ್ ಯಾಡ್ತಾ ಇತ್ತೆ. ಆ ಪರಂಗಿ ರಕ್ಕಸೆರ್ ಮೂಜಿನಾಲ್ ಪತ್ತೇಮಾರಿಲೆಡ್ ಬತ್ತದ್ ಒರಾನೆ ಮುತ್ತಿಗೆ ಪಾಡ್ಯ. ಎಂಕ್ಲು ಬೋಡಾಯಿನಾತ್ ಪ್ರತಿಭಟನೆ ಮಲ್ಲ. ಎಂಕ್ಲಡ್ ಕೆಲವೆರೆನ್ ಗುಂಡು ಹಾಕ್‌ದ್ ಕೆರೆರ್. ಎನ್ನ ಮೆಗ್ಯನಲಾ ಬುಕ್ಕೊರಿಯನಲಾ ಕೈಕಾರ್ ಕಡ್, ಪಾಡ್ಯ, ಎಂಕ್ಲಿನ ಪತ್ತೇಮಾರಿನ್ ಸಂಪೂರ್ಣ ಸುಲಿಗೆ ಮಲ್ತದ್ ಅಯಿಕ್ ಸೂ ಕೊರ್ಯೆರ್. ಎಂಕು ರ ಜನ ನೀರ್‌ಗ್ ಬೂರಿನಾಕು ಆಕೆನ ಕಣ್ ತಪ್ಪಾದ್ ಪತ್ತೇಮಾರಿದ ಬರಿಕ್ ಅಂಟಿಲೆಕ್ಕೊ ಪತ್ತೊಂದು ಎಂಚಲಾ ಜೂವ ಒರಿತೊಂದು ಬತ್ತ, ಆನಿಡ್ ಬೊಕ್ಕ ಆ ಪರಂಗಿದ್ದಾನ ಪುದರ್ ದೆತ್ತಿನಪಗನೆ ಎನ್ನ ನೆತ್ತೆರ್ ಕೊದಿಯುಂಡು.
- ಅವು ಸಾಜನೇ
- ಉಳ್ಳಾಲೊದ ಮಾರಾಣಿಯೆರ್ ಭಾರೀ ನಿಯತ್ತಾ‌ಂದ್
ಕೇಣ್‌ದೆ. ಆಲೀಖಾನೆಲ್ಲಾ ಬೋಡಾಯಿನಾತ್ ಪಂಡೆರ್. ಅಂಚಿನಾರೆಗ್ ಸಾಧ್ಯ ಆಯಿನಾತ್ ಸಕಾಯ ಮಲ್ಪುನವು ನಮ್ಮ ಕರ್ತವ್ಯ. ತಿಮ್ಮಣ ನಾಯಕೆ : ದುಂಬು ಮಲ್ಲಮ್ಮಾಜಿ ಕಾಲೊಡು ಕುಟ್ಟಿಪೋಕರೆ ಪಂಡ್‌ದ್ ಒರಿ ಮುಸ್ಲಿಮ್ ವೀರೆ ಮಲ್ಲ ಸಾಹಸ ಮದಿತ್ತೆ, ಆಯೆಲಾ ಕಲ್ಲಿಕೋಟೆದ ಸಾಮುದ್ರಿ ಅರಸುಳೆನ ಮುಖಾಂತ್ರನೇ ಒದಗಿನಾಯೆ. ಒರ ದಾನಾಂಡ್ ಗೊತ್ತೇ? ಇಗ್ಲೆಡ್ ಏರೆಗ್ಲಾ ತೆರಿಯಂದಿಲೆಕ್ಕೊ ಪೋರ್ಚುಗೀಸೆರೆ ಕೋಟೆಗ್ ಕುಟ್ಟಿಪೋಕರೆಲಾ ಒಟ್ಟುಗಿತ್ತನಾಕ್ಲುಲಾ ಲೆಂಚಿ ದೀದ್ ಬಡ್ತಿಯೆರ್, ಉಳಯಿ ಇತ್ತಿನಾಕೆಗೆ ಎಚ್ಚರಾದ್ ಕೈಕ್ ತಿಕ್ಕಿನ ಪೆಟ್ಟಿಗೆಳೆನ್ ಮೊಕ್ಲ ಮಿತ್‌ ದಕ್ಕೆರ್. ಮೊಕ್ಲು ಲೆಂಚಿಡ್ ತಿರ್ತ್ ಬೂರುಂಡಲಾ ಬೊಳ್ಳಿ ದಿಂಜಿದ್‌ನ ಪೆಟ್ಟಿಗೆಲೆನ್ ತುಂಬೊಂದು ಪಾರ್ ಬತ್ತೆರ್‌ಗೆ ಕುಟ್ಟಿ ಪೋಕರೆನ ವಿಚಾರ ಯಾನ್ಹಾ ಕೇಣ್ಣೆ. ಆ ಕಡಲ ಕಲ್ವೆರೆಗ್ ಬುದ್ದಿ ಕಲ್ಪಾಯೆರೆ ಎನಾಥ್ ತೀರಿನಾತ್ ಪ್ರಯತ್ನ ಮಲ್ಪುವೆ. ಕುಂಞಾಲಿ
ವೀರರಾಣಿ ಅಬ್ಬಕ್ಕದೇವಿ / 49
