ಈ ಪುಟೊದ ಪರಿಶೀಲನೆ ಆತ್ಂಡ್
ಮುರಾನಿದ ಪತ್ತೆ ಮಾರಿದ ಆಕ್ರಮಣೊದ ಪ್ರಕರಣೊಡು ಹೋರಾಟ ಮಲ್ತಿನಾ ನಾಕ್ಸೆಡ್
ಇಂಬೆರೆನ ಮಗೆ ಸೀದಿಯಬೈಲಾ ಇತ್ತೆ ಅಮ್ಮಾಜಿ. ಇಂಬ್ಯನ್ ಆ ಪರಂಗಿದಾಕ್ಲು ಚಿತ್ರ ಹಿಂಸೆ
ಮಲ್ ಕೆರಿಯೆರ್ಗೆ, ಆಯನ ಇಲ್ಲದಕ್ಲಗ್ ಪರಿಹಾರಧನಲಾ ಕೊರ್ತುಂಡು. ಆಂಡ ಪೋಯಿ
ಜೀವ ಬರಾಂದತ್ತೆ? ಇಂಬೆರಂತೂ ಪಾಪ, ದುಕ್ಕೊಡು ಮರ್ಲೆದಿಯಾದ್ ತಿನ್ನೊಂದುಳ್ಳೆ.
ಪಾತುಮ್ಮ: [ಅಬ್ಬಕ್ಕಾ ರಾಣಿನ್ ತೂದು ಬಂದು ಬತ್ತದ್] ಎನ್ನ ಸೀದಿಯಬ್ಬನ್ ಕೊರೆ
ಅಮ್ಮಾಜಿ. ಎನ್ನ ಸೀದಿಯಬ್ಬನ್ ನಾಡಾದ್ ಕೊರ್ದು ಪುಣ್ಯ ಕಟ್ಟೂನೆ. ಎಂಕ್ ಬೇತೆ
ದಾಲಾ ಬೊಡ್ಡಿ, ಎನ್ನ ಒರಿಯೆನೆ ಮಗೆ ಸೀದಿಯಬ್ಬೇ ಎಂಕ್ ಬೋಡು. ಎನ್ನ ಸೀದಿಯಬ್ಬೆ
ಬೋಡು!
ಅಬ್ಬಕ್ಕ :ಪಾತುಮ್ಮನ ಮೆಯ್ ಮುಟ್ಟುದು ಸಮಾಧಾನ ಮಲ್ಲೊಂದು, “ಸಮಾಧಾನ
ಮಲ್ಲೊನೆ ಅಷ್ಟೆ. ಪೆದ್ದಿ ಅಪ್ಪೆನ ಉಡಲ್ದ ಸಂಕಡ ಎಂಕ್ಲಾ ಅರ್ಥ ಆಪುಂಡು. ಈರೆ
ಮಗೆ ಸೀಮೆದ ಅಭಿಮಾನೊಗಾತ್ರ ತನ್ನ ಜೂವೊನು ಅರ್ಪಣೆ ಮಲ್ತದೆ. ಆಯೆ ಪಣ್ಯಾದಿಗೆ”
ಈರೆಗ್ ಎಂಚ ಸಮಾಧಾನ ಮಲ್ಲೊಡುಂದು ಎಂಕ್ ತೆರಿಯಂದ್, ಆ ದೇವರೇ ಈರೆಗ್
ಸಬುರು ಕೊರೊಡಾತೆ.
ಪಾತುಮ್ಮ: ಎನ್ನ ಸೀದಿಯಬ್ಬೆ, ಎನ್ನ ಸೀದಿಯ..... [ಬುಳಿಪುವಳ್]
ಅಬ್ಬಕ್ಕ: ಈರೆನ ಮಗನ್ ಅಲ್ಲಾ ದೇವರ್ ತನ್ನ ಕೈತಡೆ ಲೆತ್ತೊಂಡೆ. ಈರೆಗ್ ಬೇತೆ ಆಧಾರ
ಏಲ್ಲಾ ಇಚ್ಛೆರ್ಂದ್ ತೆರಿಯೊಂಡೆ. ಎನನೇ ಈರೆ ಮಗಳೊಂದ್ ತೆರಿಯೊನ್ನೆ!
ಪಾತುಮ್ಮ: ಮಗಳತ್ತ್..... ಮಗಳತ್ತೆ..... ಎನ್ನಪ್ಪೆ .... ಎನ್ನಪ್ಪೆ [ಕಂಟೆಲ್ಕ
ಟ್ಟುಂಡು)
******
ನೋಟ - ಇರ್ವನ್
[ಎಲ್ಯಜವಂದಿ ತಿರುಮಲಾ ಬೊಕ್ಕ ಚೆಲುವರಾಯೆರ್ ಯುದ್ಧವಿದ್ಯೆದ ದಿನೊತ ಪಾಠನು
ಮುಗಿತ್, ಆತಾನಗ ಅಬ್ಬಕ್ಕದೇವಿ ಬರ್ಪಳ್]
ಗುರು: ನಮಸ್ಕಾರ ಅಮ್ಮಾಜಿ. ಈ ದಿನೊತ ಅಭ್ಯಾಸ ಇತ್ತೆ ಮುಗಿಂಡಾತೆ,
ಅಬ್ಬಕ್ಕ: ಆವಡ್; ಎಂಚ ಉಂಡು ಜೋಕ್ಲಿನ ವಿದ್ಯೆದ ಪ್ರಗತಿ? ಇಂಚೊಗು
ವೀರರಾಣಿ ಅಬ್ಬಕ್ಕದೇವಿ / 40
