ಈ ಪುಟೊದ ಪರಿಶೀಲನೆ ಆತ್ಂಡ್
ನೋಟ - ಇರ್ವತ್ತ ಮೂಜಿ
[ಪುಲೈಕೊಲುದ ಸಮಯ ಮಯಮಯ ಬೊಲ್ಲು. ಕಡಲ್ದ ಕರೆಕ್ ಮೋಣೆ ಪಾಡ್ದ್ ಬರ್ಪಿನ ಇರ್ಲ್ ಬಲೆತ ಓಡವೊಂಜೆನ್ ಪೋರ್ಚುಗೀಸೆರೆ ಪತ್ತೆ ಮಾರಿ ಬೆರಿಪತ್ತೊಂದು ಬರ್ಪುಂಡು].
ಪೋರ್ಚುಗೀಸೆರೆ : ಏಯ್, ಓಡ ಉಂತಾಲೆ, ಉಂತಾಲೆ.
ಬಲೆತಾಕ್ಲು : ದಾಯೆ ಉಂತಾವೊಡು?
ಪೋರ್ಚುಗೀಸೆ : ದಾಯೆಂದ್ ಪನೊಡಾ ಬದ್ಮಾಷ್! ಓಲು, ನಿಕುಲು ಪತ್ತಿನ ಮೀನ್?
ಪೂರಾ ಇಂಚಿ ಕೊರುಲೆ ಹುಂ ಬೇಗ, ಬೇಗ
ಬಲೆತಾಕ್ಲು : ಅಯ್ಯಾ, ಬಂಜಿದ ಗುಜರ್ಮೆಗಾತ್ರ ಕಡಲ್ಡ್ ಬೆನ್ಯೆರೆ ಬೈದ.ಇಂದು
ಎಂಕ್ಲ್ ಬಂಜ಼ ಬತ್ತ್ ದ್ ಪತ್ತಿನ ಮೀನ್.ಬೋಡಾಂಡ ನಾಲ್ ಎಡ್ಡೆ
ಮೀನ್ ಕೊರ್ಪ. ಎಂಕ್ಲಗ್ ತೊಂದರೆ ಮಲ್ಪಡೆ.
ಪೋರ್ಚುಗೀಸೆ : ನಾಲ್ ಮೀನ್! ಆತೆನ? ಒಂಜಿ ಒರಿಯಂದೆ ಪೂರಾ ಕೊರೊಡು
ಬಲೆತಾಕ್ಲು : ಒಂಜಿ ವೇಳ್ಯ ಕೊರುಜಿಂಡ?
ಪೋರ್ಚುಗೀಸೆ : ಇಂದಾ, ಕಯಿಟ್ ದಾದ ತೂಯನಾ? (ಬಂದೂಕು ತೋಜಾವೆ)
ಬಲೆತಾಕ್ಲು : ಎಂಚಿನಾಂಡ್ಲಾ ಉಪ್ಪಡ್, ಕಡಲ್ದ ಜೋಕುಲು ಎಂಕುಲು
ಪೋಡಿಪುನಕುಳತ್ತ್!
ಪೋರ್ಚುಗೀಸೆ : ಏಯ್ ಬದ್ಮಾಷ್ ಮುಲ್ಪ ಮೀನ್ ಪತ್ತ್ಯೆರೆ ನಿಕುಲೆಗ್ ಒಪ್ಪಿಗೆ ಕೊರುನೆ
ಏರ್? ನಿಕುಲೆನ ಅಮ್ಮನ ಕಡಲಾ ಇಂದು?
ಬಲೆತಾಕ್ಲು : ಬೊಕ್ಕ ನಿನ್ನ ಅಮ್ಮನವಾ? ಸುದೆ ನೀರ್ಗ್ ದೊಣ್ಣಪ್ಪ ನಾಯ್ಕನ
ಅಪ್ಪಣೆದ ಗಾದೆಯಾಂಡತ್ತ?
ಪೋರ್ಚುಗೀಸೆ : ಬಾಯಿ ಮುಚ್ಚಿದ್ ಮೀನ್ನಿಂಚಿ ಕೊರು.
ಬಲೆತಾಕ್ಲು : ಮೀನ್ ಮುಟ್ಟುಂಡ ಜಾಗ್ರತೆ!
ಪೋರ್ಚುಗೀಸೆ : ದಾದ ಬದ್ಮಾಷ್ [ಬಲೆತಾಕ್ಲೆನ್ ಬಲಾತ್ಕಾರೊಡು ದೆರ್ತ್ದ್ ನೀರ್ಗ್
ಪಾಡ್ದ್ ಓಡೊಡಿತ್ತಿ ಮೀನ್ನ್ ಮಾತ ದೆತ್ತದ್ ಪತ್ತೆಮಾರಿಗ್ ಪಾಡೊಂದು
ಪೋಪೆರ್. ಬಲೆತಾಕ್ಲು ನೀಂದೊಂದು ಓಡ ಬಡ್ತ್ ದ್ ಬಜಿ ಕೈಟ್ ಕರೆಕ್
ಬರ್ಪೆರ್.]
******
ವೀರರಾಣಿ ಅಬ್ಬಕ್ಕದೇವಿ / 37
