ಆಲೀಖಾನ್ ಅಬ್ಬಕ್ಕ ಪ್ರಧಾನಿ ಅಬ್ಬಕ್ಕ ಪ್ರಧಾನಿ ಅಬ್ಬಕ್ಕ ಪ್ರಧಾನಿ ಕರಣಿಕೆ ಅಬ್ಬಕ್ಕ ಪ್ರಧಾನಿ ದಳವಾಯಿ ಅಬ್ಬಕ್ಕ ಇನಿಸ್ಟ್ ಮಿತ್ತ್ ಆರೆಗ್ ಸೈನ್ಸ್‌ಡು ಮಿತ್ತದ ಸ್ಥಾನ ಕೊರ್ಪೆ.
- ಮಲ್ಲ ಅನುಗ್ರಹ ಅಮ್ಮಾಜಿ, ಎನ್ನ ಉಸುಲು ಉಪ್ಪುನೇಟ ನಾಡ್‌
ಅಭಿಮಾನೊಗಾತ್ರ ಹೋರಾಟ ಮಲ್ಲುವೆ.
- ಭಾರೀ ಎಡ್ಡೆ ಆಂಡ್.
ಮಾರಾಣಿಯೆರೆನ ಪರಾಂಬರಿಕೆಗ್ ರಡ್ ಓಲು ಉಂಡು ಅಮ್ಮಾಜಿ.
- ಏರೆನ ಪ್ರಧಾನಿಳೆ?
- ಒಂಜಿ ಇಕ್ಕೇರಿದ ಅರಸು ವೆಂಕಟಪ್ಪ ನಾಯಕರೆನ, ಬುಕ್ಕೊಂಜಿ
ಕುಡ್ಲದ ಬಂಗರಸರವು.
- ಆವಡ್, ಓದುಲೆ
- ಕರಣಿಕೆರೆ, ಓಲೆ ಓದುದು ಪತ್ತೆ.
- ಉಳ್ಳಾಲ ಸೀಮೆದ ಚೌಟ ಮಾರಾಣಿಯೆರಾಯಿನ ಅಬ್ಬಕ್ಕ
ದೇವಿಯೆರೆನ ಪರಾಂಬರಿಕೆಗ್ ಇಕ್ಕೇರಿ ಸಂಸ್ಥಾನೊದ ಮಹಾಪ್ರಭು ವೆಂಕಟಪ್ಪ ನಾಯಕ ಬರೆಪಾಯಿನ ನಿರೂಪ... ದಾನೆಂದೊಂಡ ತನ್ನುಳನ ಓಲೆ ಕೈ ಸೇರ್‌ದ್ ವಿಷಯೊಲು ತೆರಿಂಡ್. ತನ್ನುಳನ ಓಲೆಡ್ ಸೂಚನೆ ಮಲ್ತಿಲೆಕ್ಕೊ ಇಕ್ಕೇರಿ ಸಂಸ್ಥಾನೊದ ಅಂಚನೆ ಉಳ್ಳಾಲ ಸೀಮೆದ ವಿಶ್ವಾಸ ಸಂಬಂಧೋಲು ಈ ದುಂಬುದ ಲೆಕ್ಕನೇ ನಡಪ್ಯರೆ ವಾ ಅಡ್ಡಿಲಾ ಇಜ್ಜಿ. ತುಳುನಾಡ್‌ ಪರಕೀಯೆರಾಯಿನ ಪೋರ್ಚುಗೀಸ ನಡಪಾವುನ ಅನ್ಯಾಯ ಅಕ್ರಮೊಲು ಎಂಕ್ಲನ ಗಮನೊಗುಲಾ ಬೈದ್‌ಂಡ್. ತಕ್ಕ ಕಾಲೊಡು ಯೋಗ್ಯ ವ್ಯವಸ್ಥೆ ಕೈಕೊಣುನ ಇರಾದೆ ಉಂಡು, ಪೋರ್ಚುಗೀಸೆರೆಗ್ ಏರ್‌ಾ ಕಪ್ಪ ಕೊರ್ಪಿನ ಪ್ರಮೇಯ ಇಜ್ಜಿ. ಅಗತ್ಯ ಸಂದರ್ಭೋಡು ತಕ್ಕುಳೆಗೆ ಸಹಕಾರ ಕೊರೆರೆ ತಯಾರಾದುಳ್ಳ ಇಂಚ ವಿಶ್ವಾಸದೊಟ್ಟುದ ನಮಸ್ಕಾರ ಮಹಾಪ್ರಭು ವೆಂಕಟಪ್ಪ ನಾಯಕ
- ಓಲೆದ ಒಕ್ಕಣೆ ಕೇಂಡ್‌ದ್ ಮಸ್ತ್ ಸಮಾಧಾನ ಆಂಡ್. ಇಕ್ಕೇರಿ
ಸಂಸ್ಥಾನದಂಚಿತ್ತಿ ಪ್ರಬಲ ರಾಜ್ಯದ ವಿಶ್ವಾಸ ಇತ್ತಂಡ ನಮ್ಮ ನೈತಿಕ ಬಲ ಹೆಚ್ಚಾಂಡ್ಂದೇ ಪಣೋಳಿ.
- ಕಲ್ಲಿಕೋಟೆದ ಸಾಮುದ್ರಿ ಅರಸುಳೆನ ಓಲೆ ಬೇಗನೇ ಬರುಂದು
ಎಣ್ಣುವೆ.
- ಅಂಚನೆ ನಮ್ಮ ತುಳುನಾಡ್‌ದ ಭೈರವ, ಅಜಿಲ, ಸಾವಂತ,
ಅರಸುಲುಲಾ, ಮಂಜೇಶ್ವರ ಕುಂಬಳೆ ಅರಸುಲುಲಾ ನಂಕ್ ಎಂಚಲಾ ಅನುಕೂಲವಾದೇ ಉಳ್ಳೆರ್.
- ಈ ಒಕ್ಕಟ್ಟೆ, ಸ್ನೇಹೊಳೆನ್ ಅಭಿವೃದ್ಧಿ ಮಲ್ಪುನವು ಅಗತ್ಯ.
ವೀರರಾಣಿ ಅಬ್ಬಕ್ಕದೇವಿ / 35
