ನೋಟ-ಪದಿಮೂಜಿ
[ಕುಡ್ಲದ ಎರಮನೆ ಲಕ್ಷ್ಮಪ್ಪ ಬಂಗರಸು ಕಾಮರಾಯನೊಟ್ಟುಗು ಪಾತೆರೊಂದುಲ್ಲೆ].
ಕಾಮರಾಯೆ:ಛೇ! ಇಂಚಾಯೆರೆ ಬಲ್ಲಿತ್ತ್ಂಡ್. ಕುಡ್ಲದ
ಮಾರಾಜೆರಾಯಿನ
ಲಕ್ಷ್ಮಪ್ಪ ಬಂಗರಸುಲೆನ ಮೋಕೆದ ಅರುವತ್ತೆ ಕಾಮರಾಯೆ
ಏಪಲಾ ತರೆ ದೆರ್ತ್ದ್ ನಡಪಂದಿಲೆಕ್ಕೊ ಮಲ್ತ್ಬುಡಿಯರತ್ತೆ
ಮಾಮಾಜಿ?
ಬಂಗರಸು: ಕಾಮರಾಯ, ದಾನೆ ಆತ್ಂಡ್ಯ ನಿಕ್ಕ್?
ಕಾಮರಾಯೆ: ಎಂಕ್ ದಾಲಾ ಆತ್ಜಿ, ಆಯಿನವು ಈರೆಗ್ !
ಬಂಗರಸು: ಎಂಕಾ? ಎಂಕ್ ದಾಲಾ ಆತ್ಜತ್ತ?
ಕಾಮರಾಯೆ: ನನ ಆವೊಡಾಯಿನವು ದಾದ? ಈರೆನ್ ಲೆಪ್ಪಂದೆ ಈರೆ ಬುಡೆದಿ
ಉಳ್ಳಾಲೊದ ಪಟ್ಟದ ಗದ್ದಿಗೆಡ್ ಕುಳ್ಯರತ್ತಾ? ಈ ಮಲ್ಲ ರಾಜ್ಯದ
ಅರಸುಳೆಗ್ ತನ್ನ ಬುಡೆದಿನ್ - ಒರ್ತಿ ಪೊಣ್ಣು ಪೊಂಜೊವುನು
ಅಳಿಯೆರೆ ಆಪುಜಿ ಪನ್ಪುನೆನ್ ಸಾಬೀತ್ ಮಲ್ತೆರ್! ಈರೆನ್ ಜೂವೊಪ್ಪ
ಕೆರ್ಯರತ್ತೆ ಆರ್? ಮೋನೆಡ್ ಚೋಲಿ ಇಜ್ಜಂದಿನ ಕೆಲಸ ಆಂಡತ್ತ?
ಬಂಗರಸು : ನಿಕ್ಕ ತೆರಿಯಂದ್, ಆಳ್ ಸಾಮಾನ್ಯ ಪೊಣ್ಣ ಕಾಮರಾಯ!
ಕಾಮರಾಯೆ: ಬುಕ್ಕೊ ದಾನೆ, ಚಂಡಿ ಚಾಮುಂಡಿಯ? ಈರ್ ಇಂಚ
ಮುಂಗುಲಿದ ಎದ್ರ್ ಜಿಡೆ ಸಿರ್ಂಟಾವುನ ಮರಿತಲೆಕ್ಕೊ
ಆಪರ್ಂದ್ ಎಂಕ್ ಗೊತ್ತಿಜ್ಜಾಂಡ್, ಯಾನ್ ಮಿನಿ ಆತುಂಡ
ಆಳೆನ ಜುಟ್ಟು ಪತ್ತ್ ದ್ ಕೆಪ್ಪೆಗ್ ದರ್ತುದ್ವ ಮೋಣೆಗ್ ಮೆತ್ತದಿನ
ಮಜಿನ್ ವಾ ಸುದೆಟ್ ದೆಕ್ಕುವರ್?
ಬಂಗರಸು: ನಿಕ್ಕ ಗೊತ್ತಿಜ್ಜಿ ಕಾಮರಾಯ. ಆಳೆಡ ಒಂಜಿ ವಿಶೇಷ ವರ್ಚಸ್ಸ್
ಉಂಡು. ಅಯಿತ ದುಂಬು ಯಾನ್ ನಿರ್ಬಲೆ ಆಸೆ ಪನ್ಪಿ ಅನುಭವ
ಆಪುನೆ ಸುಳ್ಳತ್ತ.
ಕಾಮರಾಯೆ: ಈರೆಗೊಂಜಿ ಭ್ರಾಂತ್! ಎಂಕ್ ಆಳೆಡ ಅಂಚಿತ್ತಿ ವರ್ಚಸ್ಸೆ
ತೋಜುಜತ್ತ? ಅವುಪ್ಪಡ್ ಕರಿನ ಸಂಗತಿ ಪೋವಡ್, ನನ
ದುಂಬಾಂಡಲಾ ಉಳ್ಳಾಲ ರಾಣಿನ ಕಡಮ್ಮೆನ್ ಪೊಳಿಪುನ ಕೆಲಸ
ಮಲ್ಲುವರಾ, ಅತ್ ಮನಿಪ್ಪಂದೆ ಕುಳ್ಳುವರ? ಉಳ್ಳಾಲದ ಸುದ್ದಿ
ಪೂರಾ ಕೇಂಡ್ ತೆರಿದಾರತ್ತ?
ಬಂಗರಸು: ಪೂರಾ ಕೇಂಡೆ ಆಳೆನ ಸೋರ್ಕುನು ಸಿರ್ಕಾವೊಡುಂದು ಎಂಕ್ಲಾ
ತೋಜುಂಡು, ಆಂಡ ಎಂಚಾಂದ್ ತೋಜುಜಿ, ನಿನಡ ಮಿನಿ
ಉಪಾಯ ಇತ್ತಂಡ ಪಣ್ಗೆ!
ಕಾಮರಾಯೆ: ಉಪಾಯೊಲು ಬೋಡಾಯಿನಾತ್ ಉಂಡು ಈರ್ ಸೈ ಪಂಡ್ಂಡ
ವೀರರಾಣಿ ಅಬ್ಬಕ್ಕದೇವಿ / 19
