ರಾಜಕೀಯೊಡ್ತಾ ಆಳ್ ಮೂಂಕು ಪೊಗ್ಗಾವಾಳ್. ಆಳೆಗ್ ದಾದ
ಉಂಡು. ಅಂಚಿತ್ತಿ ಅಧಿಕಾರ?
ಚಂದಯ್ಯ ಸೆಟ್ಟಿ : ನಿಜವಾದ್ ಅಧಿಕಾರ ತೋಜಾವೊಡಾಯಿನಾರ್ ಈರ್, ಆಂಡ
ಈರ್ ಆರೆನ ಕಾರಕಜವುಡ್ಡುಲಾ ಕಡೆ! ಈರೆನ್ ಏತ್ ಸರ್ತಿ
ಕೋಪ ಬರ್ಪಾದ್ ಭಂಗಿಸಾದ ಆರ್.
ಕಾಮರಾಯ: ಕಾಲ ಬರಡ್! ಎನ್ನ ಸಾಮರ್ತಿಗೆ ದಾದ ಪಂಡ್ದ್ ತೂಪಾವೆ.
ಆಳ್ ಕಂದೊಡಿ ಆಂಡ ಅಂಚಿತ್ತಿ ಏಳ್ ಕಂದೊಡಿಳೆನ್ ನಿಂಗುನ
ಕುತ್ತೊಡಿ ಯಾನ್!
ಚಂದಯ್ಯ ಸೆಟ್ಟಿ : ಒಂಜಿ ವೇಳ್ಯ ಅಬ್ಬಕ್ಕ ಉಳ್ಳಾಲ ಮಾಗಣೆದ ಮಾರಾಣಿ ಆಂಡಲಾ
ಬಹುಕಾಲ ಪಟ್ಟದ ಮಣೆಟ್ ಒರಿಯುವೆರೆಂದ್ ಪನ್ದ್ರರಾ?
ಕಾಮರಾಯ: ಆಳೆಗ್ ಮರ್ದ್ ಅರೆಪುನ ವೈದ್ಯ ಎಂಕ್ ಎಡ್ಡೆನ ಗೊತ್ತು ಮಾಮಾಜಿ
ಎನ್ನ ಪಾತೆರೊನು ಸರಿಯಾದ್ ಕೇಂಡೆರ್ಡ ಪೂರಾ ಸರಿ ಆಪುಂಡು.
ಚಂದಯ್ಯ ಸೆಟ್ಟಿ : ನಿಜವಾದ್ ಪನ್ನೆ ಯುವರಾಜೆರೆ, ಕುಡ್ಲಗ್ ಮಾರಾಜೆರಾಯಿನ
ಅರಸುಲೆಗ್ ಆ ಯೋಗ್ಯತೆ ಇಜ್ಜಿ. ಆರ್ ವಿಲಾಸೊದ ಪೊಣ್ಣುಳೆನ್
ಆರೆ ಅವರತ್ತಾಂದ ಮಣ್ಣಿನ್ ಆಳ್ವುನ ಯೋಗ್ಯತೆ ಆರೆಗಿಜ್ಜಿ!
ಕಾಮರಾಯ: ಬುಡೆದಿನ್ ಆಳಿಯೆರೆ ಆ ಸೆಡವುದ ಪೊಣ್ಣನ ಕಡಮ್ಮೆದ
ಕೊಂಬುನು ಎಂಚಲಾ ಪೊಳಿಪೊಡು ಸೈತ್ ಪೋಯಿನ
ಇಂಬಳೆನ ಅಷ್ಟೆಲಾ ಆತೆ! ಭಾರೀ ಅಮ್ಯಾಂಡಿ ಪೊಂಜೊವು!
ಚಂದಯ್ಯ ಸೆಟ್ಟಿ: ಮಗಳನ ಸೆಡವು ಬುಕ್ಕೊಲಾ ಒಂಜಿ ತೂಕೊ ಎಚ್ಚ
ಕಾಮರಾಯ: ಆಳೆನ ಸೆಡವುಗು ತೆಡಿಲಾದ್ ಹಾಕುವೆ, ತೂವೊಂದುಪ್ಪುಲ
ಚಂದಯ್ಯ ಸೆಟ್ಟಿ: ಎನಡ್ ದಾನೆ ಆವೊಡು, ಅಪ್ಪಣೆ ಆವಡ್!
ಕಾಮರಾಯ :ಅವು ಪೂರಾ ಪ
ಚಂದಯ್ಯ ಸೆಟ್ಟಿ : ಅತ್ತೆ ಯುವರಾಜೆರೆ, ಈ ಸಾಮರ್ತಿಕೆ ಇತ್ತಿನ ಈ ಉಪ್ಪುನಾಗ
ಕುಡ್ಲ ಬುಡಿ, ನಂದಾರ್ ಸೀಮೆ ಆವಡ್ ಬಂಗಾಡಿ ಸೀಮೆ ಆವಡ್
ಈರೆಗ್ ಬುಡ್ಡು ಕೊರುವೆರ್ಡ ದಾನೆ ಆತು?
ಕಾಮರಾಯ: ಕೊರುಂಡಲಾ ಆತೆ, ಬುಡುಂಡಲಾ ಆತೆ! ಎನ್ನ ಕೈಚಳಕ ಇಜ್ಜಂದ
ಬಂಗೆರ ಸೀಮೆಡ್ ಓಲ್ಲುಲಾ ಒವುಲಾ ನಡಪಂದ್!
ಚಂದಯ್ಯ ಶೆಟ್ಟಿ : ಅವು ಸರೀಂದ್ ಪಣ್ಣೆ! ಈರಂತೂ ಕುಡ್ಲದ ಮಾರಾಜೆರಾವೊಡು.
ಆಭಾಗ್ಯ ತುವೊಡು. ಇಂದು ಎನ್ನ ಆಸೆ!
ಕಾಮರಾಯ: ಯಾನ್ ಅರಸು ಆಂಡ ಈಯೇ ಪ್ರಧಾನಿ!
ಚಂದಯ್ಯ ಶೆಟ್ಟಿ : ಅಹಹಾ... ಕಾಮರಾಯರ್ ಅರಸು, ಚಂದಯ್ಯ ಶೆಟ್ಟಿ ಪ್ರಧಾನಿ!
ಕಾಮರಾಯ ಅರಸು, ಚಂದಯ್ಯ ಸೆಟ್ಟಿ ಪ್ರಧಾನಿ, ಪ್ರಧಾನಿ!
[ಇರ್ವೆ್ರಾ ಪಾನ ಸ್ವೀಕಾರ ಮಲ್ಲುವೆರ್
ವೀರರಾಣಿ ಅಬ್ಬಕ್ಕದೇವಿ / 15
