ರಂಗ್ ಕಳೆಯೋಂದಿ ರಂಗಭೂಮಿ!
ಪಿ.ಎಸ್. ರಾವ್
ಈ ಭೂಮಿಡ್ ನರಮಾನಿಯಾದ್ ಪುಟ್ಟಿ ಬೊಕ್ಕ ತನ್ನ ಬದ್ಕ್ ಎಂಚ ರೂಪು ಪಡೆಯೊಡೂಂದ್ ವಿದ್ಯೆ-ಬುದ್ದಿನ್ ಪಡೆಯೊಂದ್, ಬುಲೆದ್ ಬನ್ನಗನೇ ಚಿಂತನೆ ಮೂಡಾದ್, ತಾನ್ ಮಲ್ಲೆಯಾಯಿ ಬೊಕ್ಕ ಇಂಚ ಆಪೇಂದ್ ನಿರ್ದಾರೊಡ್ ಪನ್ಪಿನ ಕೇಂಡ್ದ. ಮಲ್ಲೆಯಾದ್, ತನ್ನ ಕಾರ್ದಮಿತ್ತ್ ಉಂತುದು, ಸಂಸಾರಿಯಾಯಿಬೊಕ್ಕ, ತನ್ನ ಇಲ್ಲ್, ಸಮಾಜಗಾದ್ ದಾನಾಂಡಲ ಸೇವೆ ಮಲ್ಪೊಡ್, ನಾಟಕ, ಸಿನೇಮ ತೂನಗ ತಾನಾಲ್ಪ ಕಲಾವಿದ ಆವೊಡ್, ತಿಕ್ಕಂದಿ ಅವಕಾಶಗಾದ್ ಪ್ರಯತ್ನ ಮಲ್ಪುನ ಸ್ವಾಭಾವಿಕ. ತಿಕ್ಕಿ ಅವಕಾಶೆಡ್ ನಾಲ್ ಜನ ಗುರುತಿಸ್ದ್, ಅಭಿನಯದ ಬಗ್ಗೆ ಪುಗಾರ್ಂಡ, ತನಡ್ ದೆಂಗ್ದ್ ಇತ್ತಿನ ಪ್ರತಿಭೆ, ಬೊಲ್ಪುಗ್ ಬತ್ತ್ಂಡ್ಂದ್ ವಮೆ ತನ್ನಾತಿಗೆ ಮೂಡ್ದ್ ಬರ್ಪುಂಡ್.
ಹೆಚ್ಚಿನಾಕ್ಲು, ತನ್ನ ಬದ್ಕುಗಾದ್, ಸೇರೋಂದಿನ ಕೋಡಿಡ್ ಪಂಡಿ ಬೇಲೆ ಮುಗಿಪಾದ್ ಇಲ್ಲ್ ಸೇರ್ದ್, ಸಂಸಾರ ದೊಟ್ಗ್, ಊರುಡು ನಡತಿನ ಸಂಗತಿ, ಸಂಬಂಧದಾಕುಲು ಮಲ್ತಿ ಎಡ್ಡೆ-ಹಾಳ್ನ್ ಚರ್ಚೆ ಮಲ್ತ್ ದ್, ದಿನತ ಅವಧಿನ್ ಪರಡಿ- ಪಟ್ಟಾಂಗಡೆ ಮುಗಿದಾತ್ ಆರಾಮೊಡ್ ನಿದ್ರೆ ಮಲ್ತ್ದ್, ತನ್ನ ಇಲ್ಲದ ಬಗ್ಗೆ ಚಿಂತನೆದ್ ದಿನದೆಪ್ಪುವೆರ್. ತನ್ನ ಸಂಸಾರದನೇ ಎಡ್ಡೆವುಗಾದ್ ಚಿಂತನೆ ಮಲ್ತದ್, ಎಂಚಿನ, ಓಲು, ಎಂಚಾವೊಡ್ಂದ್ ಬದ್ಕ್ ನ್ ರೂಪಿಸುವೆರ್. ಅಂಚನೆ ಕೆಲವೆರ್, ತಾನ್ ಎನ್ನಿಲೆಕ್ಕ ಆವೊಡ್ಂದ್, ತನ್ನ ಬೇಲೆ ಮುಗಿಬೊಕ್ಕ, ಇಲ್ಲ್ ಸೇರಂದೆ ದೋಸ್ತಿನಾಕ್ಲೆ ಒಟ್ಟುಗ್ ಸೇರ್ದ್, ಬೋಡ್ಚಂದಿನ ಅಭ್ಯಾಸಲೆಡ್ ಬೂರ್ದ್, ಇಲ್ಲದಾಕ್ಲೆನ್ ಬೊಡಿದೆತ್ತ್ದ್, ಕುಶಿ ಬತ್ತಿಲೆಕ್ಕ ನಡತ್ದ್, ಮಾತೆನ್ಲಾ ನರಕ ಮಲ್ಪಾದ್, ಇಲ್ಲದಾಕ್ಲೆನ್ ಸೋಪಾವರ್, ಉಂದು ಬದ್ಕ್ ದ ಒಂಜಿ ರೂಪು.
ಇಡೀ ದಿನ ಬೆಂದಿ ಜೀವನ್ ಮನರಂಜನೆ ಬೋಡು. ಉಂದೆನ್ ಪಡೆಯೆರ ಸಿನೇಮಾ, ನಾಟಕ, ಭಜನೆ, ಕ್ರೀಡೆ ಇಂಚಿನ ಮಾತ ಜಾಗಗ್ ಪೋದು, ಬೈಯದ ಪೊರ್ತು ಕಳೆವುನ ಕೆಲವೆರೆನ ಅಭ್ಯಾಸ. ಅಯಿಟ್ ಮುಖ್ಯ ನಾಟಕ! ಕೆಲವು ವರ್ಷದ ಪಿರಾವ್ಡ್,
66
