ಬಾಸೆದಾಂತಿನ
ಕೌಡೂರು ನಾರಾಯಣ ಶೆಟ್ಟಿ
ನಮ್ಮ ತುಲುಟು 'ಬಾಸೆದಾಂತಿನ' ಪನ್ಪಿ ಸಬ್ಡೊಗು ರಡ್ಡ್ ಅರ್ತ ಉಂಡು, ಎನ್ನ ಲೆಕ್ಕೊಡು. ಒಂಜಿ, ತುಲು ಬಾಸೆದ ಮಿತ್ತ್ ಅಭಿಮಾನ ದಾಂತಿನ ಅತ್ತ್ ಡ ತುಲು ಬಾಸೆ ಸರಿ ಬರಂದಿನ ನರಮಾನಿ ಪಂದ್. ಬೊಕ್ಕೊಂಜಿ 'ಸಂಸ್ಕಾರ' ಅತ್ತ್ ಡ ಇಂಗ್ಲೀಷ್ದ "ಮ್ಯಾನರ್ಸ್" ದಾಂತಿನ ಜನ ಪಂದ್. ಈ ರಡ್ಡನೆ ಅರ್ತನೇ ಹೆಚ್ಚಾದ್ ಚಾಲ್ತಿಡ್ ಉಂಡು.
ಎಂಕಲ್ನ ಇಲ್ಲದ ಚಂದು ಎಲ್ಲಿ ಇಪ್ಪುನಗ ಎಂಕಲಲ್ಪದ ಅನುಕೂಲಸ್ತ ಇಲ್ಲದ ಪೊಂಜೆವೆನ ಪೊಸ ಸೀರೆ ತೂದು ಕೇಂಡೆಗೆ “ಏರ್ ಕೋರ್ತಿನಿಯೇ ಈ ಸೀರೆ?" ಪಂದ್. ಪೋಂಜೆವೆಗ್ ಕಂಡಾಪಟ್ಟೆ ಗರುವ ಬತ್ತ್oಡ್ , "ದಾನೆಂಬೆ, ನಿನ್ನಲೆಕ್ಕ ಏರೇರ್ ಕೊರಿನವೈನ್ ಪಾಡುನಾಲ ಯಾನ್? ಬಾಸೆದಾಂತಿನ" ಪಂದ್ ತಿರ್ತ್ ಮಿತ್ತ್ ಗದ್ದಾಯೆರ್ಗೆ. ಸತ್ಯೊಗಾಂಡ ಆ ಸೀರೆ ಅರೆಗ್ ಆರೆನ ಮಗೆ ಕೊರ್ತಿನಿ. ಚಂದು ಕೇನಿನ ಪ್ರಸ್ನೆನೇ ಈರ್ ಕೇಂದುವರ್ಡಾ ಆರ್ ಗರ್ವ (ಹೆಮ್ಮೆ)ಡ್ ಪಂತುವೆರ್ "ಎನ್ನ ಮಗೆ ಕೊರ್ತಿನಿ" ಪಂದ್. ನೆತ್ತ ಅರ್ತ ಪ್ರಶ್ನೆ ಕೇನುನ ಜನೊನು ಹೊಂದೊಂದು 'ಬಾಸೆ'ದ ಅರ್ತ ಬೇತೆ ಬೇತೆ ಆಪುಂಡು ತೂಲೆ. 'ಬಾಸೆದಾಂತಿ'ನಗಲೆ ಒಂಜಿ ಬಾಸೆ, 'ಬಾಸೆ
ಇತ್ತಿನ'ಗಲೆ ಬೊಕ್ಕೊಂಜಿ, ಬಾಸೆ ಇತ್ತಿನಗುಲು ಗಂಜಿ "ಉನ್ಪಿನಿ", ಪಾಪದಗುಲು (ಬಾಸೆದಾಂತಿನಕುಲು) ಗಂಜಿ ತಿನ್ಪಿನಿ, ನಾಯಿ ತಿನಿಲಕ್ಕ!
ಉನ್ಪಿನ ತಿನ್ಪಿನ ಪನ್ನಗ ನಿನೆಪು ಆಂಡ್, ಎನ್ನ ಮೆಗ್ಯೆ ಹರ್ಸನ. ನಿಗುಲು ನನ ಆಯನ್ ಬಂಜೆಲೆ ಅತ್ತಡ ಬಕಾಸುರೆ ಪಂದ್ ಗಿರಪಡೆ. ಬೊಂಬಾಯಿಗ್ ಪೊಯಿನ ಸುರುಟು ಆಯೆ ಎನ್ದಿನಿ ಇಂಚ, ಬೊಂಬಾಯಿಡ್ ತುಲು ಬರ್ಪಿನಗುಲು ಇಪ್ಪರ್ನೆ ಇಜ್ಜಿ ಪಂದ್. ಮುಕ್ಕಲ್ ವಾಸಿ ದಕ್ಷಿನ ಕನ್ನಡ ಮುಂಬಾಯಿಡೆ ಮುಕ್ಕಾಂ ಪಂದ್ ತೆರಿಯಂದಿನಾತ್ ಅಜ್ಞಾನಿ ಆದ್ ಇತ್ತೆ ಹರ್ಸೆ. ಅತ್ತ್ ಡ ಹರಿಶ್ಚಂದ್ರೆ. ಒರ ಒಂಜಿ ಜೀವೊಡು ಸಜ್ಜಿ ಇತ್ತಿನ ಪೊನ್ನು ಮಗಲೆನ್ ತೂದು ಕೇಂಡೆಗೆ ಒಟ್ಟುಡು ಇತ್ತಿನ ಗನೇಸಡ
93
