ಸೊಲ್ಮೆದ ನುಡಿ
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪುಸ್ತಕ ಪ್ರಕಟಣೆ ಯೋಜನೆಡ್ 'ತುಳು ಪಾಡ್ದನೊಲು' ಪನ್ಪಿನ ಬೂಕುನು ಎನಡ ಬರೆದ್ ಕೊರ್ರೆ ಪಂಡ್ದ್ ಅಚ್ಚಿ ಮಲ್ತೊಂದುಪ್ಪುನ ಅಕಾಡೆಮಿಗ್ ಎನ್ನ ಸೊಲ್ಮೆಲು, ಪಾಡ್ದನ, ಪನ್ಪಿನ ಕಡಲ್ನ್ ತುಲಿಪೆರೆ ದಿಂಜ ದಿನ ಬೋಡು. ಅವುಲಾ ಎಲ್ಯ ಬೂಕುದ ಒರುಟ್ಟು ಅವೆನ್ ಬರೆಪಿನಲಾ ಕಷ್ಟದ ಕೆಲಸ, ಈ ಬೂಕು ಕೇವಲ ಪರಿಚಯ ಮಾತ್ರ. ಪಾಡ್ದನ ಪಂಡ ದಾದ? ವಾ ರೀತಿದ ಪಾಡ್ದನ ಸಾಹಿತ್ಯ ಉಂಡು ? ಪಾಡ್ದನೊಡು ಪೊಣ್ಣನ ಪಾತ್ರ ದಾದ ? ಪನ್ಪಿನಾತ್ ಮಾತ್ರ ಎಂಕ್ ಪನೆರೆ ಸಾದ್ಯ ಆತ್ಂಡ್. ಯಾನ್ ಈ ಎಲ್ಯ ಬೇಲೆಗ್ ಹಿರಿಯಾಯಿನ ಪ್ರೊ. ಅಮೃತ ಸೋಮೇಶ್ವರರ್ ಸಂಪಲ್ತಿನ ಹಂಪೆ ಕನ್ನಡ ವಿಶ್ವವಿದ್ಯಾನಿಲಯದಕುಲು ಅಚ್ಚಿ ಮಲ್ತಿನ 'ತುಳು ಪಾಡ್ದನೊಲು' ಕೃತಿನ್ ಮೂಲ ಆಧಾರವಾದ್ ದೀವೊಂದೆ. ಶಾಲೆದ ಜೋಕುಲೆಗ್ ಪಾಡ್ದನದ ವಿಷಯೊಡು ಅಧ್ಯಯನ ಮಲ್ಪುನಕಲೆಗ್ ಸಾದಿ ತೋಜಾವೆರೆ ಮಾತ್ರ ಈ ಬೂಕು ಬೆರಿಸಾಯ ಕೊರುಂಡು, ಪಾಡ್ದನ ಸಾಹಿತ್ಯೋಡು ಬೋಡಿತ್ತಿನಾತ್ ಬೆನ್ನಿ ಆತಿನೆಟ್ಟಾತ್ರ ಪಾಡ್ದನದ ಪಠ್ಯೊಲೆನ್ ಉಂದೆಟ್ಟ್ ಕೊರ್ಪಿನ ಅಗತ್ಯ ಇಜ್ಜಿ. ಸಾಧ್ಯಲಾ ಇಜ್ಜಿ. ಈ ಎಡ್ಡೆ ಬೇಲೆಗ್ ಕಾರಣಕರ್ತೆರಾಯಿನ ಅಕಾಡೆಮಿದ
