(ತೆಯ್ಯಂಲೆಗ್) ಪನ್ಪಿನ ಪಾಡ್ದನದಂಚಿನ ಪದೊಕ್ಕುಲೆಗ್ 'ತೋಟ್ರಮ್' ಪನ್ಪೆರ್. ಉಂದು 'ಸ್ತೋತ್ರಂ' ಪನ್ಪಿನೆತ್ತ ತದ್ಭವ, ಅಂಚೆನೇ ಕೇರಳದ ಭಗವತೀ ಆರಾಧನೆದ ಪೊರ್ತುಡು ಪನ್ಪಿನ ಭಗವತೀ ಚರಿತ್ರೆಗ್ 'ಚುದಿಪ್ಪು' ಪನ್ಪೆರ್. ಉಂದು 'ಸ್ತುತಿ' ಪನ್ಪಿನೆಡ್ದ್ ಪುಟುದಿನ ಶಬ್ದ ಅಂಚಾದ್ ಸ್ತುತಿ, ಪ್ರಾರ್ಥನೆ ಪನ್ಪಿನ ಶಬ್ದೊಲು ಪಾಡ್ದನ ಪನ್ಪನೆಕ್ಕ್ ಅನ್ವಯ ಆಪುಂಡು. ಪಾಡ್ಡನ ಪಂಡ ದೈವದೇವೆರೆನ್ ಸುಗಿಪುನು, ಸ್ತುತಿಪುನು, ಪ್ರಾರ್ಥನೆ ಮಲ್ಪುನು. ಉಂದೆನೇ ಆರಾಧನೆದ ಪೊರ್ತುಡು ಬೀರ ಪಂಡೆರ್, ಸಂಧಿ ಪಂಡೆರ್. ಆಯಾ ದೈವೊಲೆನ ಚರಿತ್ರೆದ ಒಂಜೊಂಜಿ ಅಧ್ಯಾಯ ಭಾಗೊಲೆನ್ ಅಲ್ಪಲ್ಪ ಆಯಾ ಪೊರ್ತುಡು ಪನ್ಪಿನವೇ ಸಂಧಿ ಆಂಡ್. ಅಂಚ ಪಾಡ್ಡನದ ತಿರ್ಲ್ ಸಂಧಿ ಆದ್ ಸಂದ್ ಸಂದ್ಡ್ ತೋಜಿಂಡ್. ದೈವ ಬತ್ತಿ ಕತೆನ್ ಪರಾಕ್ರಮೊನು ಪನ್ಪಿನಲ್ಪ ಬೀರ ಆಂಡ್. ದೈವೊನು ಉಂಡು ಮಲ್ಪರೆ ಪಂಡೊನ್ನಲ್ಪ ಮದಿಪು ಆಂಡ್. ಪಾರಿ ಆಂಡ್. ಪ್ರಾರ್ಥನೆ ಸ್ತುತಿ ಪನ್ಪಿ ಅರ್ಥೋಡು ಬಳಕೆ ಆಂಡ್, ಪ್ರತಿಯೊಂಜಿ ಪ್ರಾರ್ಥನೆಲಾ ಭಾವುಕವಾಯಿನ, ಬ್ರಾಮಕವಾಯಿನ ಅಲೌಕಿಕವಾಯಿನ ಮಾಯಾಲೋಕದ ಪ್ರಜ್ಞೆನ್ ನಮ್ಮ ದುಂಬು ಕನಪುಂಡು, ತುಳುವೆರ 'ಪೆರತ್ತನ' ಪದೊಕ್ಕು ಎಚ್ಚ ಕೈತಲ್ ಆಪುಂಡು. ಹಿರಿಯಕ್ಲಗ್ ಸಂದಿನ ಬೇತೆ ಲೋಕೊಗು ಸಂದಿನ ಪಂಡ್ದ್ಲಾ ಪನೊಲಿ. ಭೂತಾರಾಧನೆದ ವಿಷಯೊಡು ಸಮಗ್ರ ಅಧ್ಯಯನ ಮಲ್ದಿನ ಡಾ. ಕೆ. ಚಿನ್ನಪ್ಪ ಗೌಡೆರ್ ತನ್ನ ಸಂಶೋಧನಾ ಗ್ರಂಥೊಡು 'ಪಾಡ್ಡನ ಪನ್ಪಿನೆಟ್ಟಾತ್ರ ಭೂತಾರಾಧನೆದ ರಂಗ ಕ್ರಿಯೆಗ್ ಬೋಡಾಪಿನ ವಾತಾವರಣ ನಿರ್ಮಾಣ ಆಪುಂಡು ಪನ್ಪೆರ್, ಪಂಡ ಉಂದೊಂಜಿ ದೈವಾರಾಧನೆದ ಮುಖ್ಯ ವಿಧಿ ಸುರುತ್ತ ಮುರ್ತುದ ಪಾತೆರೊಡು ಪಂಡಿಲೆಕ ಆರಾಧನೆದ ವಿಧಿತ್ತ ಪೊರ್ತು ಮಾತ್ರ ಪಾಡ್ಡನ ಪನ್ಪಿನಿ ಅತ್ತ್ ಬೇಲೆದ ಬೆಸರ್ ಕರಿಪರೆಲಾ ಪನೊಂದಿತ್ತೆರ್. ತುಳುನಾಡ್ದ ಶ್ರಮ ಸಂಸ್ಕೃತಿ, ಕೃಷಿ ಸಂಸ್ಕೃತಿ ಮಣ್ಣ್ದ ಶ್ರೀಮಂತ ಸಂಸ್ಕೃತಿ ಪಂಡ ತಪ್ಪತ್ತ್. ಉಂದು ಜನಪದತ್ತ ಮೂಲಲಾ ಅಂಡ್. ಏಣೆಲ್ ಬುಲೆತ್ತ ನೇಜಿ ದೆಪ್ಪುನ ಪೊರ್ತುಗು ಪಿಜಿನದಾರೆದಂಚ ನಿರೆ ಪತ್ದ್ ಬೇಲೆದ ಬೆಸರ್ ಕರಿಪರೆ ಪಾಡ್ಡನ ಪನ್ಪೆರ್. ಅಕುಲು ಉಂದೆಕ್ಕ್ ಸಂಧಿಂದೇ ಲೆಪ್ಪುವೆರ್. ದಾಯೆಪಂಡ ಪಾಡ್ಡನದ
17
