ಎಗೆ -2- ತುಳು ಮಹಾಕಾವ್ಯ ಪಾಡ್ಡನ ಒವೇ ಒಂಜಿ ಬಾಸೆ ಆ ಬಾಸೆನ್ ಪಾತೆರುನ ಜನಾಂಗದ ಸಂಸ್ಕೃತಿದ ಬಗ್ಗೆ ಬಾಸೆಡಿತ್ತಿನ ಸಾಂಸ್ಕೃತಿಕ ಅಂಶೋಲು ಆ ಜನಾಂಗದ ಸಂಸ್ಕೃತಿನ್ ಬುಲೆಪಾವರೆ ಕಾರಣ ಆಪುಂಡು, ಬಾಸೆನ್ ಬುಡ್ಡು ವಾ ಸಂಸ್ಕೃತಿಲಾ ಬುಲೆವರೆ ಸಾಧ್ಯ ಇಜ್ಜಿ. ವಾ ಬಾಸೆಡ್ ಸತ್ವ ಉಂಡಾ ಆ ಬಾಸೆನ್ ಪಾತೆರುನ ಜನಾಂಗೊಡು ಸತ್ವ ಉಪ್ಪುಂಡು, ನಂಬೊಲಿಗೆ ಧರ್ಮ, ದೇವ, ಆಚಾರ ವಿಚಾರ, ಆಚರಣೆ ಸಂಪ್ರದಾಯೆ ತುತ್ತೈತ ಒಣಸ್ ತಿನಸ್ ಇಂಚಿತ್ತಿ ಅಂಶಲು ಬಾಸೆದುಲಯ ಇತ್ತಿನೆಟ್ಟಾತ್ರ ಬದ್‌ದ ನಿರ್ದೇಶನ ಬಾಸೆಡಾಪುಂಡು. ಈ ದೃಷ್ಟಿಡ್ ತುಳು ಬಾಸೆ ನಂಕ್ ಮಲ್ಲ ಉದರ್ಮ ಆದುಂಡು. B ತುಳುನಾಡ್‌ದ ಜನಪದ ಸಾಹಿತ್ಯಲೆ ಪಂತೆಡ್ ನಂಕ್ ಸುರುಕ್ಕು ತೋಜುನವು, ಪಾಡ್ಡನ. ಉಂದೆನ್ ವಿದ್ವಾಂಸ ಜನಪದ ಮಹಾಕಾವ್ಯ ಪಂಡ್‌ದೇ ಲೆತ್ತೆರ್. ತುಳುವೆರ ಬದ್‌ ಈ ಪಾಡ್ಡನೊಲು ಯೇನಿ ಕಾಲೊಡ್ಡಿಂಚಿಲಾ ನಿರ್ದೆಶನ ಮಲ್ಲೊಂದು ಬಯ್ಲೆಂಡ್, ತುಳುವೆರ ಮಲ್ಲ ಧಾರ್ಮಿಕ ವಿಧಿಯಾಯಿನ ಭೂತಾರಾಧನೆದ ಸಂದರಪ್ಪುಡು ಆಚರಣೆದ ಒಂಜಿ ವಿಧಿಯಾದ್ ತೋಜುನ ಪಾಡ್ಡನ ಬೇತೆ ಪೊರ್ತುಡು ಬೆಸರ್ ಆಜಾವರೆ, ರಂಗ್ ಪುಟ್ಟಾವರೆ ಪೊರ್ತು ಕರಿಪರೆಗಾದ್‌ಾ ತೋಜೊಂದುಂಡು. ಸುಮಾರ್ ರಡ್ ಸಾರ ವರ್ಸದ ಇತಿಹಾಸ ಇತ್ತಿನ ತುಳು ಬಾಸೆದ ಚರಿತ್ರೆಡ್ ಪಾಡ್ಡನ ಸಾಹಿತ್ಯಗು ಸುಮಾರ್ 600-700 ವರ್ಸದ ಇತಿಹಾಸ ಉಂಡುಂದು ಪನೊಲಿ. ತುಳುನಾಡ್‌ಡ್‌ ದೈವೊಲೆನ ಉದಿಪುನು ಸಂಶೋಧಕರ ಪ್ರಕಾರ ಅಂದಾಜಿ ಒಂಜಿ ಸಾವಿರ ವರ್ಸದ ಉಲಯಿದ ಚರಿತ್ರೆಲು ಪನೊಲಿ. ಒಂಜಿ ಪಾಡ್ಡನ ಪುಟ್ಟುನು ಘಟನೆ ನಡತಿ ಬೊಕ್ಕ ಆಯಿನೆಟ್ಟಾತ್ರ ಕೋಟಿಚೆನ್ನೆಯೆರ, ಸತ್ಯನಾಪುರದ ಸಿರಿನ ಘಟನೆ ಪಿರವುಡು ಪಾಡ್ಡನ ಪುಟುಂಡು. ಪಾಡ್ಡನದ ಕಾಲೊಗು ನಮ ಒಂಜಿ ನಿರ್ದಿಷ್ಟತೆನ್ ಕೊಟ್ರೆ ಆವೊಂದಿಜ್ಜಿ. ದಾಯೆ ಪಂಡ ಉಂದು ಮೌಖಿಕ ಸಾಹಿತ್ಯದ ಒಂಜಿ ಲಕ್ಷ್ಮಣಲಾ ಅಂದ್ ಕೊರತೆಲ್ಲಾ ಅಂದ್. 14
