'ಅಂಚೆನೆ' ಬಂಗಾರ ಸಿರಿಗೆಜ್ಜೆ ಸಿಂಗಾರ ಅಜೆ ಪಚ್ಚೆ ಪಿಂಗಾರ ಪುರ್ಪದಾ ಪುರು ತೆಗ್‌ ಮೈರ ನಲಿಕೆ ಪೊರ್ಲು ಮೇ‌ದಾ ಮೈ ಪೊರ್ಲು ಕೋರಿ ಕಲೆಪು ಮಣಿದನಿ ಪೊರ್ಲು ಮುತ್ತದಾ ಗುರಿ ಮುಲ್ಲು ಮುಂಡದೆಸಲ್ ಅರ್ಲು ಪೂವೊಲ್ಲ ಸುಲಿಕುರ್ಲು ಪೊರ್ಲು ದಾನೆ, ಕೆಲೆಸಿ ಐತನೆ ಅಲೆ ಪೊಡಿ ಬಜಿಲ ತಮ್ಮನ ನೈಗಂಜಿ ಬೆಲ್ಲ ಪೇರಾಂಡ್ ಕಲಸ ಓಕುಳಿ ಪೊಣ್ಣು ಸೇಡಿ ಬರವುದ ಮಣ್ ಮುಗಯಿದ ತಮ್ಮನ ದಿನತ್ತಾನಿ ಗರೊಡಿ ಪೊಗ್ಗುನು ದಾನೆ ಗುಂಡದ ಬಲಿದಾನೆ ಕುರಿ ನೀರ ಓಕುಳಿ ಮುಗಿನಾನಿ ಪೇರ ಮಂಜೊಲ ಬೊಂಬೆ ತೆಗ್‌ ರೋಮದ ಬಂಬೆ ಮೇಲ ಓಕುಳಿ ಪೊಣ್ಣು ಕರೆವುನಗ ಬಂಗಾ ಸಿರಿಗೆಜ್ಜೆ ಸಿಂಗಾರ ಅಜೆ ಪಚ್ಚೆ ಪಿಂಗಾರ ಪುರ್ಪದ ಪುರು ತೆಗ್‌ ಪಂಡ್‌ದ್ ಪೊಣ್ಣು ಮದಿಮಾಲ್ ಆಪಿ ಪೊರ್ತುಡು ಪಾಡ್ಡನ ಪನ್ನುಂಡು, “ಮುಡಿಮುಟ್ಟಿ ಮದಿಮಾಳ್ ಆತಳ್, ನಾಲೂರು ಪೊಣ್ಣುಲೆನ್ ಲೆತ್ತೆರ್, ನಡುಜಾಲ್‌ಡ್ ಮಂಡಲ ಪಾಡ್ವಾಯರ್, ನಾಲ್ ತೂರಿಡ್ ನೀರ್ ದೀಪಾಯೆರ್, ನಾಲ್ ಕಲಸ ಕಟಿಯ, ಕೆರ್ಚಿದ ತಾರಾಯಿ ದೀಪಾಯೆ, ಪಾಡಿ ಮಂಡಲೊಡು ಬಲ, ಕಾರ್ ದುಂಬು ದೀಪಾದ್ ಬಲಿ ಬರ್ಪಯೆರ್ ತರೆಕ್ ನೀರ್ ಪತ್ತೆರ್, ಗೆಂದ ತಾರೆದ ಬೊಂಡದ ನೀರ್ ಮೈತೆ, ಸೀಗೆ ಮಂಜೊಲು ಪಾಡ್ ಮತ್ತೊಲಿ ಮೀಪಾಯೊಲು” ಇಂಚ ತುಳುನಾಡ್‌ದ ಸತ್ಯದಪ್ಪೆ ಸಿರಿ ಮದ್ಮಾಲ್ ಆನಗ ಪಂತಿ ಸಿರಿ ಸಂಧಿಡ್ ತುಳುತ್ತ ಸಿರಿ ತುಪ್ಪದ ಸಿರಿ ತೋಜುಂಡು. ಅಂಚನೆ ಪೊಣ್ಣು ಮೈದಿಂಜಿದ್ ಪೊಸ ಜೂವೊಗು ಬೊಲ್ಪು ಕೊಬ್ಬಿನ ಪೊರ್ತು ಏಳ್ ತಿಂಗೊಲು ದಿಂಜೊಂದು ಬನ್ನಗ ಅಲೆನ ಅಂಗ್ ಅಂಗಮೆ ಕರಿಪರೆ ಬಾಯಿಕೆ ಪಾಡ್ನಗ ಪನ್ವೆರ್ “ಬಂಜಿನಾಲೆನ್ ತುತ್ತು ಬಲ್ಮನ ಮಲ್ಲೆರ್. ಪರಕೊಡಿ ಮಾಪಾಯೆರ್ ಪೊಸ ಪಟ್ಟೆ ಸೀರೆ ತುತ್ತಾಯೆ, ಬಂಗಾರ್‌ಡ್ ಸಿಂಗಾರ ಮಲ್ಲೆರ್. ಬೊಳ್ಳಿಡ್ ಬೊಳ್ಳೆನ ಮಲೆರ್, ಮುತ್ತು ದೇಸೆ ಪಾಡೊಂಡೆರ್ ಪಕಳೊಡು ಆರತಿ ಮಲ್ಗೊಂಡರ್, ದೇಸೆದ ಮಣೆಡ್ ಲಕ್ಕಯೆರ್ ಕೊಟ್ಟು ಮಣೆ ದೀದ್ ಉನರೆ ಕುಲ್ಲಯೆರ್. ಬಂಗ ಬಾರೆದ ಕೊಡಿಯಿ ಪಾಡ್ಸ್ ಬಲಸಿಯೆರ್. ಮಲ್ಪುನ ತಮ್ಮನ ಮಲೆರ್. ಮೇಲ್ ಮೆಂಚಿಡ್ 3 10
