ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಹಳೆಯಂಗಡಿ ಗ್ರಾಮದ ಶ್ರೀಮತಿ ಎಚ್. ಶಕುಂತಳಾ ಭಟ್ರು ಕನ್ನಡ ಬೊಕ್ಕ ತುಳು ಭಾಷೆದ ಸಾಹಿತ್ಯ ಪ್ರಕಾರಡ್ ಎಲ್ಪತೊಂಜಿ ಗ್ರಂಥೋಲೆನ್ ಬರೆತಿನ ಆರ್ ತುಳುನಾಡ ತುಡರಾದುಲ್ಲೆರ್. ಅರೆನ ಎಲ್ಯ ಪ್ರಾಯಡ್ ಧಾರ್ಮಿಕ, ಸಾಹಿತ್ಯಿಕ, ಸಾಂಸ್ಕೃತಿಕ, ಶೈಕ್ಷಣಿಕ ಬೊಕ್ಕ ಸಾಮಾಜಿಕ ಈ ಕ್ಷೇತ್ರಲೆಡ್ ನಿರಂತರವಾದ್ ಯೆಡ್ಡೆ ಚಾಕ್ರಿ ಮಲ್ತಿನಾರ್. ಪಂಚ ದ್ರಾವಿಡ ಭಾಷೆಲೆಡ್ ಪ್ರಸಿದ್ಧವಾಯಿನ ತುಳುಭಾಷೆಡ್ ಜಿಂಜ ನಾಟಕ ಬರೆದ್ ಬೊಕ್ಕ ನಿರ್ದೆಶನ ಮಲ್ತ್ದ್ ತುಳು ಭಾಷೆದ ಬುಳೆಚ್ಚಿಲ್ಗ್ ಯೆಡ್ಡೆ ಬೆಂದಿನಾರ್.
ರಾಷ್ಟ್ರ ಬೊಕ್ಕ ರಾಜ್ಯ ಮಟ್ಟಡ್ ಸಾಂಸ್ಕೃತಿಕ ಸಾಮಾಜಿಕ, ಬೊಕ್ಕ ಸಾಹಿತ್ಯ ಕ್ಷೇತ್ರಡ್ ಜಿಂಜ ಪ್ರಶಸ್ತಿಲೆನ್ ಪಡೆಯಿನ ಮೇರ್ “ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ” ಈ ಸಂಶೋಧನೆದ ಕಜ್ಜಡ್ ತುಳುನಾಡ್ದ ನಾನಾ ಮರ್ಗಿಲೆಡ್ ತಿರ್ಗ್ದ್, ತೆರಿದ್ ಪೊರ್ಲುಡು ಮುಡೆತಿನ ಈ ಗ್ರಂಥಡ್ ವಿಶ್ವ ವಿದ್ಯಾಲಯಡ್ ಒಂಜಿ ಡಾಕ್ಟರೇಟ್ ಪಡೆಯೆರೆಗ್ ಬೊಡಿತ್ತಿನ ಸಂಗ್ರಹಲುಂಡು.
ಅತ್ತಂದೆ ಉಡುಪಿ ಅಷ್ಟಮಠದ ಪೂಜ್ಯ ಪುತ್ತಿಗೆ ಸ್ವಾಮೀಜಿ ಮೇರೆಡ್ದ್ ದಾಸ ಧೀಕ್ಷೆ ಪಡೆದ್ ಸುಗುಣ ವಿಠಲ ಪ್ರಿಯ ಈ ಅಂಕಿತನಾಮಡ್ “ನವನೀತ” ಪನ್ಪುನ ಪದಕೆಲೆನ ಕೃತಿಟ್ ಬದ್ಕರೆ ಬೊಡಾಯಿನ ಬೊಲ್ಪುದ ತುಡರ್ನ್ ಅರ್ಲಾದೆರ್.
ಮಸ್ತ್ ಸಂಘ ಸಂಸ್ಥೆಲೆಡ್ ಸಂಚಾಲಕಿಯಾದ್, ಸಂಘಟಕಿಯಾದ್ ಬೆನ್ನೊಂದಿಪುನ ಮೇರೆಡ್ದ್ ತುಳು ಬೊಕ್ಕ ಕನ್ನಡ ಈ ರಡ್ ಭಾಷೆಲೆಡ್ ಎಡ್ಡೆಪುದ ಸಾಹಿತ್ಯ ಕೃತಿಕುಲು ಮೂಡ್ದು ಬರಡಂದ್ ಎಡ್ಡೆಪುದ ಮದಿಪು ಪಂಡೊಂದುಲ್ಲೆ. doles
ಕಯ್ಯಾರ ಕಿಞ್ಞಣ್ಣ ರೈ
7
