ತುಳು ಜಾನಪದ ಸಂಸ್ಕ್ರುತಿಡ್ ಪುರುಬಾಲೆ
ಜೋಯಿಪದ ಪನ್ಪಿ ಪೊಸ ಶಬ್ದೊನು ಮೂಲು ಬಳಕೆ ಮಲ್ತ್ ದೆರ್. ತುಳುಕು ಅವು ಒಪ್ಪುನಂಚಿನ ಪದ. ದುಂಬು ಮಾತೆರ್ಲಾ ಆ ಪದೊನೇ ಬಳಕೆ ಮಲ್ಪುನೆಗ್ ಅಡ್ಡಿ ಇಜ್ಜಿ. ತುಳುಟು ಜೋಯಿಪದ ಬಾರೀ ಕಮ್ಮಿಂದ್ ಜನೊಕುಲೆನ ನಂಬಿಕೆ. ಆಂಡ ಅವು ಸರಿ ಅತ್ತ್. ಆನೆ ಬತ್ತ್ಂಡ್ ಆನೆ. ವಾ ಊರುದ ಆನೆ. ಇಟ್ಟೇಲ್ದ ಪುಟ್ಟಾ ಇಂಚಿನ ಮಾತಾ ದಿಂಜ ಪದೊಕುಲು ದುಂಬು ಇತ್ತ. ಕನ್ನಡದ ಬಳಕೆ ಎಚ್ಚ ಆಯಿನೆಡ್ಡ ಬೊಕ್ಕ ಅಪ್ಪೆಡಿಕುಲು ತುಳುಪದೊಕುಲೆನ್ ಮದತೆರ್. ಸಿನೆಮದ ಪದೊಕುಲೆನ್ ಪನಿಯೆರೆ ಸುರು ಮಲ್ತೆರ್. ತೊಟ್ಟಿಲ್ದ ತಕ್ಕನೊಡು ಜೆತ್ತಿನ ಪುರುಬಾಲೆಗ್ ಭಾಷೆಡೇ ಮಾನಾವರ್. ಆಂಡ ನಮ್ಮಲ್ಪ ಮಾತ್ರ ಜೋಕುಲೆನ್ ಮಾನಾನಗ ಟ್ವಿಂಕಲ್ ಟ್ವಿಂಕಲ್ ಲಿಟ್ಲ ಸ್ಟಾರ್ಂದ್ ಪನ್ಪೆರ್.
ಈ ಬೂಕುಡು ಪೊಣ್ಣು ಬಂಜಿನಾಲಾದ್ ಪೆದ್ದ್ ಬಾಲೆನ್ ತಾಂಕುನಾಡೆ ಮುಟ್ಟದ ಮಾತಾ ವಿವರೊರೆಲೆನ್ ಕೊರ್ತೆರ್. ಬೇತೆ ಬೇತೆ ದೇಶದ ಜೋಕುಲೆನ ತಾಂಕನ ಬೇತೆ ಬೇತೆ ರೀತಿಡುಂಡು ಮೂಲು ತುಳುನಾಡ್ಡೆ ಪ್ರಾಕ್ಡಿದ್ಂಚಿ ನಡತೊಂದು ಬತ್ತಿನ ಸಂಪ್ರದಾಯೊದ ವಿವರಣೆ ಉಂಡು. ಇಡೆಇಡೆಟ್ ನಂಬಿಕೆ, ನಡವಳಿಕೆ ಗಾದೆ, ಮರ್ದ್, ಮಂತ್ರ ಆಹಾರೊ, ಗೊಬ್ಬು ಇಂಚಿನ ಮಾತಾ ಸಂಗತಿಲೆನ್ ಸಂದರ್ಬೊಗು ಒಪ್ಪುಲೆಕ ಸೇರಿಸಾವೊಂದೆರ್. ಅಂಚಾದ್ ಬೂಕುದ ಮೌಲ್ಯ ಎಚ್ಚಾತ್ಂಡ್.
ದುಂಬುದ ಕಾಲೊಡು ಪುಳ್ಳಿಯಡಿಕುಲೆಗ್ ಅಜ್ಜಿ ಕತೆ ಪನ್ಪುನ ಪದ್ಧತಿ ಇತ್ತಂಡ್. ಶಿವಾಜಿಗ್ ಅಯನ ಅಪ್ಪೆ ಜೀಜಾಬಾಯಿ ಬೀರೆರೆನ ಕತೆ ಪಂಡ್ನೆಡ್ಡಾದ್ ಆಯೆ ಚಕ್ರವರ್ತಿ ಆಯೆರೆ ಸಾಧ್ಯ ಆಂಡ್. ಗಾಂಧರೆಗ್ ಅರೆನ ಅಪ್ಪೆ ಸತ್ಯ ಹರಿಶ್ಚಂದ್ರನ, ಶ್ರವಣನ ಕತೆ ಪೆನ್ಪೆದೆರ್ಗೆ. ಅಂಚಾದ್ ಆರ್ ಜೀವನ ಪರ್ಯಂತ ಸತ್ಯವಂತೆರಾದೇ ಒರಿಯೆರ್.
ಇಂಚ ಬಾಲ್ಯೊಡು ಜೋಕುಲೆಗ್ ಅಪ್ಪೆಡಿಕುಲು ಪಂಡ್ದ್ ಕೊರಿನ ಓವೇ ವಿಚಾರ ಆವಡ್, ಅವು ಶಾಶ್ವತವಾದ್ ಒರಿಪುಂಡು. ವ್ಯಕ್ತಿತ್ವ ನಿರ್ಮಾಣಗು ಊಂದುವೇ ತಳಪಾಯ. ಅವು ಮಾತ್ರ ಇತ್ತೆದ ಅಪ್ಪೆಡಿಕುಲು ಮದತ್ ಬುಡ್ತೆರ್. ಸಂಸ್ಕೃತಿನ್ ಜೋಕುಲೆಡ ಉಂಡು ಮಲ್ತ್ ದ್ ಕೊರ್ಪಿ ಕೆಲಸ ಅಪ್ಪೆ ಅಜ್ಜಿಯಡಿಕುಲೆನವು. ಆಂಡ ಇತ್ತೆ ಬಾಲೆಗ್ ತುಳು ಬರ್ಪುಜಿ. ಅಜ್ಜಿಗ್ ಇಂಗ್ಲೀಷ್ ಬರ್ಪುಜಿ. ಸಂಸ್ಕೃತಿದ ಕೊಂಡಿ ತುಂಡಾವೊಂದು ಪೋವೊಂದುಂಡು.
ದುಂಬುದ ಕಾಲೊಡು ಪೆದ್ದುನೇಂದ್ ಪಂಡ ಅವು ಪೊಣ್ಣಗ್ ಮರುಜನ್ಮ ಬತ್ತಿಲೆಕ. ಆಂಡಲ ಆ ಕಷ್ಟೊನು ಪೊಂಜೋವು ಸಹಿಸಾವೊಂದಿತ್ತೆರ್. ಇತ್ತೆ ಆಧುನಿಕ ಮರ್ದ್, ಆರೈಕೆಲು ಇತ್ತ್ದ್ಲಾ ಸಿಜೇರಿಯನ್ದ ಸುಲಭದ ಸಾದಿ ಪತ್ತುವೆರ್. ವೈದ್ಯೆರ್ನಕುಲುಲಾ ಅಯಿಕೇ ಒತ್ತು ಕೊರ್ಪೆರ್. ಪುರುಬಾಲೆಗ್, ಎಂಚಿನ ಮಾತಾ ಪುಲಮರ್ದ್ ಕೊರೊಡೂಂದು ದುಂಬುದ ಅಪ್ಪೆಡಿಕುಲೆಗ್ ಗೊತ್ತಿತ್ಂಡ್. ಎಲ್ಯ ಪ್ರಾಯೊಡ್ ಕೊರ್ನ ಆ ಪುಲಮರ್ದ್ ಮಲ್ಲೆ ಆಯಿನೆಡ್ ಬೊಕ್ಕಲಾ ಅಕುಲೆಗ್ ಕಫ, ವಾತ, ಪಿತ್ತ ತಟ್ಟಂದಿಲೆಕ
5
