ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ
ಬಟ್ಟಾಲ್ ನಿಲ್ಕೆ ಗಂಜಿನ್ | ಉಪ್ಪುನೆಂಚ ಮಂಗಣ್ಣ?
ಕೊಡಪಾನಡ್ ನೀರ್ ಒಯ್ತ್ | ಕೊನಪಿನೆಂಚ ಮಂಗಣ್ಣ?
ಬಂಜಾರ ಉಂಡ್ದ್ | ಗರ್ಕ ತೇಗ್ ಒಯ್ಪುನೆಂಚ ಮಂಗಣ್ಣ?
ಇಂಚ ಅಜ್ಜೆನಾ ಅಷ್ಟೆನಾ ಮಂಗೆ ಆದ್.. ಪದ ಪನೊಂದು ಅಭಿನಯ ಮಲ್ಪುನಗ ಬಾಲೆಲಾ ಅಂಚನೆ ಮಲ್ಪೆರೆಗ್ ಪ್ರಯತ್ನ ಮಲ್ಪುಂಡು.
ಪುರುಬಾಲೆ ಬಂಜಿಡ್ ಪುಟ್ಟುನಾಗನೆ ಮಂಡೆಡ್ ಪೇನ್ ಉಪ್ಪುಂಡ ದಾನ್ನ! ಪತ್ತಿನ್ದಿತುಲಾಯಿ ಐತ ತೆಲ್ಪು ಕೂಜಲ್ಡ್ ಒಂಜೊಂಜಿ ಪೇನ್ ದ ತಿದ್ಪೆ-ಅತ್ತಡ ಕುಡು ಕುಡು ಪೇನ್ ಉಪ್ಪುಂಡು.
ಗಿಡ್ಪು ಕುರ್ಮಿಲ್ ಕೂಜಲ್ಡ್ ಪೇನ್ ಉಪ್ಪುನಗ ಬಾಲೆಗ್ ಕಿರಿಕಿರಿಯಾದ್ ರೆಡ್ಡ್ ಕೈಟ್ ಕಿರುಂಬುವ. ಅತ್ತಡ ತರೆಟ್ ಎಲ್ಯ ಎಲ್ಯ ಕಜ್ಜಿಲಾ ಮೂಡುಂಡು, ವರ್ಷದುಲಾಯಿ ನೆತ್ತಿದ ಚರ್ಮಲಾ ಅಪಗಪಗ ಪೋವೊಂದಿಪ್ಪುಂಡು, ಅಪಗ ಬಾಲೆದ ಮಂಡೆಡ್ ಪೇನ್.. ನಾಡುನು ಬಾರಿ ಭಂಞದ ಕೆಲಸ, ಅಂಚಿಂಚಿ ಆಡಾವುನ ಮಂಡೆನ್ ಪತ್ತೇದ್ ಬಾಲೆನ್ ಮಂಗಟಾವರೆಗಾದ್ರೆ..
“ಜಪ್ಪು ಪೇನ್ ಜಪ್ಪು | ಜಪ್ಪು ಪೇನ್ ಜಪ್ಪು
ಮಿತ್ತ ಇಲ್ಲಡ್ದ್ ತಿರ್ತ ಇಲ್ಲಡೆ
ಜಪ್ಪು ಪೇನ್ ಜಪ್ಪು | ಜಪ್ಪು ಪೇನ್ ಜಪ್ಪು
ಮಿತ್ತ ಇಲ್ಲಲ್ ಮೀನ್ದ ಕಜಿಪ್ಪು | ತಿರ್ತ ಇಲ್ಲಲ್ ಕೋರ್ದ ಕಜಿಪು !
ಜಪ್ಪು ಪೇನ್ ಜಪ್ಪು | ಜಪ್ಪು ಪೇನ್ ಜಪ್ಪು
ಇಂಚ ಪೇನ್ ಗ್ ಪಂಡೊಂದು ಬಾಲೆ ಪೇನ್ ತೊಟ್ಟರೆ ತರೆ ಒಡ್ಡುದು ಕೊರೊಡುಂದು ಮಾನಾವೆರ್.
ಪುರುಬಾಲೆಲೆಗ್ ಎಲ್ಲಿಡೇ ಅಪ್ಪೆಡಿಕ್ಲು ದೈವ ದೇವೆರೆಗ್, ಹೆರಿಯರೆಗ್ ಭಕ್ತಿಡ್ ಸುಗಿಪುನಂಚಿನ ಸಂಸ್ಕೃತಿನ್ ಪಂದ್ ಕೊರ್ಪೆರ್. ಮುಟ್ಟೆಲ್ಡ್ ಕುಲ್ಲಾದೀದ್ ಐತ ರೆಡ್ಡ್ ಕೈನ್ ಮುಕ್ಕೆ ಮಲ್ತದ್
ಜೈ ಜೈ ವಿಠಲಾ ಪಾಂಡುರಂಗಾ | ಜಯ ಹರಿ ವಿಠಲಾ ಪಾಂಡುರಂಗಾ
ಹರೇ ರಾಮಾ ಹರೇ ರಾಮಾ | ರಾಮ ರಾಮ ಹರೇ ಹರೇ 1
ಹರೇ ಕೃಷ್ಣಾ ಹರೇ ಕೃಷ್ಣಾ | ಕೃಷ್ಣ ಕೃಷ್ಣ ಹರೇ ಹರೇಂದ್
166
