ತಾನೇ ಅಪ್ಪ, ತಾನೇ ಅಮ್ಮ ಆಯೆರ್. ಆ ಉಡಲ್‌ಡ್ ಗತಿದಾಂತಿನಕುಲು ಪಿ ಕಯಿಪ ಪುಟ್ಟಂದಿಲೆಕ ತೂವೊಂಡೆರ್, ಪ್ರಾಯೊಗು ಬತ್ತಿ ಬೊಕ್ಕ ಅಮ್ಮುಂಜ ಗುತ್ತುದ್ದು ಪಾಲ್ ದೆತೊಂಡೆರ್, ಗುತ್ತುಡ್ಡು ಒಂಜಿ ಪರ್ಲಾಂಗ್ ದೂರೊಡ್ ಸುದತ್ತ ಬರಿಟ್ಸ್ ಪೊಸ ಇಲ್ಡ್ ಕಟ್ಟಾಯರ್, ಅಯಿಕ್ `ಆನಂದ ಭವನ ಪಂಡ್ದ್ ಪುದರ್ ದಿಯರ್ ಅಲ್ಲಹಾಬಾದ್‌ಡ್ ಮೋತೀಲಾಲ ನೆಹರೂ ಕಟ್ಟಾದಿನ ಇಲ್ಲಾಗ್ ದೀತಿನ ಪುದರೇ ನೆಕ್ ಸ್ಫೂರ್ತಿ. 0 ಹೆಗ್ಗಡ್ ಪೊರುದ ಜವಣ್ಯ. ಆಜಿ ಅಡಿ ಎತ್ತರ, ಸರ್ವಾಂಗ ಪೊರು, ಉಂಗಿಲ ಪಾಡ್‌ದ್ ದಪ್ಪೋಲಿ ಪಣಿ ಗಾದದಲೆಕ ತೂಯಿನಕುಲು ಕುಡೂರ ನರ ತೂಪಿಲೆಕಂತಿ ಪೊರು, ಮಲ್ಲ ಗುತ್ತು, ಬಾವ, ಬರೆ, ಚಾವಡಿದ ಪೊದುಕ್ಕುಲು ಬತ್ತ. ಪುರಾಲ್ ಸೀಮೆಗೆ ಸೇರ್‌ದಿನ ಮಣೇಲ್ ಮಾಗಣೆದ ಪಾಕೊಟ್ಟು ಆ ಕಾಲೊಡು ಒಂಜಿ ಗತ್ತದ ಮನೆತನ, ಗಿಡ್ಡೆರೆನ್ ಕಟ್‌ದಿನಯಿಲ್ಡ್ ಅವಗ ರಾಜಕೀಯೊಡು ಮಲ್ಲ ಪುದರ್ ಆದಿತ್ತಿನ ಅತ್ತಾವರ ಬಾಲಕೃಷ್ಣ ಸೆಟ್, ಆ ಕುಟುಮದ ಹರಿಯಾಯಿನಾರ್. ಆರ್ ಕುಟುಂಬೊಡು, ಸಮ್ಮಂದೊಡು ತಂಗಡಿಯಾಪಿನ ಶ್ರೀಮತಿ ಸೀತಮ್ಮ ಹೆಗ್ಗಡಿ, ಅಪ್ಪಮ್ಮೆ ದಾಂತಿ ಪೊಣ್ಣು, ಎ. ಬಿ. ಶೆಟ್ ದುಂಬುಂತುದು ಪಣವುದ ಸಹಾಯಮಲ್ತ್‌ದ್ ಆ ಮದಿಮೆನ್ ನಡಪಾದ್ ಕೊರಿಯರ್. ತಿಮ್ಮಪ್ಪ. ಮರೆಗ್ ಮೂಜಿ ಜನ ಜೋಕುಲು, ಕಡೀರ ಮಗಳ್ ನಾಗಿ, ರಡ್ಡನೇ ಮಗಳ್ ಪುಷ್ಪ, ಮಗ ತಂಗಡಿ ಸೀತಮ್ಮ ಬಾರೆದ ಕುರೆದಾತ್ ಪೊರಕೆಂಟ್ ಪೊಣ್ಣು, ಬಜಪೆದ ಕಯಿತಲ್ಲ ಕೊಳಂಬೆ ಬೈಲ್‌ ಉಣಿಲೆ ಸುಬ್ಬಯ್ಯ ಶೆಟ್ರೆಗ್ ಮದಿಮೆ ಮಲ್ತ್‌ದ್ ಕೊರಿಯರ್, ನರಿ ತಂಗಡಿ ರುಕ್ಷ್ಮಿಣಿ ಯ ಪ್ರಾಯೊಡೇ ಆ ಲೋಕೊಗು ಸಂದಿಯರ್, ಮಧ್ಯೆ ಕೃಷ್ಣಯ್ಯ ಹೆಗ್ಗಡ್, ಗಿಡ್ಡೆರು ಗಿಡಪುನಟ್ಸ್ ನಾಲೂರು ಪುದರ್ ಪೋಯಿ ಜವ, ಪೊಯ್ಕೆಮಾರ್‌ಡ್ ಮದಿಮೆ ಆಯೆರ್. ತಂಗಡಿ ಸೀತಮ್ಮಗ್ ಅಚ್ಚಣ್ಣ, ನೇತ್ರ, ಸಿಂಧು ಬೊಕ್ಕ ರಾಜು ಪಂಡ್ದ್ ನಾಲ್ ಜೋಕುಲು ಸುರುತ್ತ ಮಗಳ್ ನಾಗಿನ್ ಅರುವತ್ತೆ ಅಚ್ಚಣ್ಣಗ್ ಕೊರು ಮದಿಮೆ ಮಲ್ಲೆರ್, ರಡ್ಡನೇ ಮಗಳನ್‌ುತ್ತೂರು ತಾಲೂಕು ಪುಣಚ ಕೋಡಂದೂರು ಸೋಮಪ್ಪ ರೈಕ್ಸೆಗ್ ಕೊರಿಯೆರ್, ಮಗೆ ಎಲ್ಯ ಪ್ರಾಯೊಡೇ ಮಿಲಿಟಿ ಸೇರ್‌ದ್ ಬೊಕ್ಕ ದಾನೆ ಆಯೆರ್‌ಂದ್ ತೆರಿಯಿಜಿ. ಆನಂದ ಭವನೊಡು ಏಪತ್ತೂಂಡಲಾ ಇಲ್ಲಿ ನಿಲಿಕೆ ಜನ, ನಲಿಕೆ, ತೆಲಿಕೆ, ಭಜನೆ-ತಾಳ ಮದ್ದೂಳಿದ ಕೂಟ. ಅಳಿಯ ಸಂತಾನ ಕಟ್ಟೆ ಕಟ್ಟೆಗ್ ತಿಕ್‌ದ್ ಬೂರುದು ತಂಗಡಿ, ತಂಗಡಿನ ಜೋಕ್ಕು ಮೂಲೇ ಬುಳೆಯ, ಮೆರೆನ ಬೊಡೆದಿ ಪಾಕೊಟ್ಟುರೇ ಪೋಯರ್, ಜೋಕುಲಾ ಬುಳೆಯಿನಿ 4
