ಪನೊಂದಿತ್ತೆರ್. ಪುರಾಲ್‌ದ ರಾಜರಾಜೇಶ್ವರಿ ಆರ ಕುಟುಮದ ದೇವತೆ, ಹೆಗ್ಗಡ್ ಬತ್ತಿನಲ್ಲಿ ಪೋಯಿನಲ್ಪ ಪುರಾಲ್ ಪೆರ್ಮನ್‌ ಬೇತೆಕ್‌ಲೆಗ್ ತೆರಿಪಾಯಿನಾರ್, ೧೯೧೫ನೇ ಇಸವಿಡ್ ಬರೆಯಿನ ದ. ಕ. ಜಿಲ್ಲೆಯ ಚರಿತ್ರೆ (ಕನ್ನಡ) ಅಯಿಡ್ಸ್ ಇದ್ದ ವರ್ಸೊಡ್ಡು ಬೊಕ್ಕ ೧೯೩೫ಟ್ಸ್ ಬರೆಯಿನ ಮಿತ್ಯನಾರಾಯಣ ಕತೆ (ತುಳು) ಈ ರಡ್ ಬೂಕುಲೆಡ್‌ ಪುರಾಲ್ ದೇವಸ್ತಾನದ ವರ್ಣನೆ ಕೊರೆ, ಈ ದೇವಸ್ತಾನದ ಪುದರ್‌ ನಾಲೂರು ತೆರಿಯೊಡುಂದು ಆರ ಇಷ್ಟೆಲ್ಲಕ್‌ ಜತೆ ಸೇರ್‌ದ್ ಬಂದರ್, ಪುರಾಲ್ ಮಲ್ಲ ಕಾರ್ನಿಕದ ತಲ ಆದಿತ್ತ್ಂಡಲಾ ಅಲ್ಪ ಸ್ಥಳ ಪುರಾಣದ ಮಾಹಿತಿ ಜನೊಕ್ಲಗ್ ತೆರಿಪಾವುನಕುಲು ಇತ್ತ್ಜೆರ್, ಸಂಸ್ಕೃತ ಬಾಸೆಡ್ ಇತ್ತಿ ಸಂಗತಿಲು ಬಜೀ ಕೆಲವರ ಸೊತ್ತಾದ್ ಬೀಗದ ಕೈದಾಂತಿ ಪೆಟ್ಟಿಗೆಡ್ ಇತ್ತಿಲೆಕ ಬಾರಿ ಬಂದೊಬಸ್ತ್ಡ್ ಇತ್ತ್ಂಡ್ ಹೆಗ್ಗಡ್ಡೆ, ನಾಲೂರು ತಿರ್‌, ತೆರಿನಾಕ್ಷೆಡ ಪಾತೆರ್‌, ಪದಗ್ರಂಥೊಲೆನ್ ಶಾಸನೊಲೆನ್ ಓದುದು ಓದಾದ್ ಸಂಗತಿಲೆನ್ ಒಟ್ಟು ಮಲ್ಲೆರ್, ಪುರಾಣ, ಕಾರ್ನಿಕದ ಸಂಗತಿಲು ಬೊಕ್ಕ ಚರಿತ್ರೆಡ್ ಬತ್ತಿ ವಿಷಯೊಲೆನ್ ಒಟ್ಟು ಮಲ್ತ್ದ್ ಪುಳಿನಾಪುರ ಮಹಾತ್ಮ ಪ ಗಂಡೊನು ಬರದ್ ತಾನೇ ಅಚ್ಚಿ ಮಲ್ಪಾಯರ್‌, ಆಬೂಕು ಅಚ್ಚಿ ಆಯಿಬೊಕ್ಕ ಪುರಾಲ್‌ದ ಪುದ ನಾಲೂರುಗು ಪರಡ್‌ಂಡ್. ಅವ್ವತ್ತಂದೆ ಪುರಾಲ್‌ದಪ್ಪನ ಮಹಾತ್ಮನ್ ತೆರಿಪಾಯೆರಗಾದ್ ಹರಿದಾಸ ಶೇಣಿ ಗೋಪಾಲಕೃಷ್ಣ ಭಟ್ ಬೊಕ್ಕ ಕೂಡೇಲ್ ಶಂಕರನಾರಾಣ ಶ್ಯಾನುಭಾಗ ಹರಿದಾಸೆರ್‌ಡ್ ಮೂಜಿ ನಾಲ್ ಊರುಲೆಡ್ ಹರಿಕತೆ ಮಲ್ಪಾಯೆರ್. ಹೆಗ್ಗಡ್ ಸಂಪಲಿತ್‌ದ್ ಬರದ್‌ರಿನ ಸ್ಥಳಪುರಾಣದ ಕೈ ಬರವುದ ಬೂಕು ಓದುದು ಮೈಸೂರು ಮಹಾರಾಜೆ ೧೯೪೪ನೇ ಇಸಿವಿಡ್ ಕುಟುಮ ಸಮೇತ ಪುರಾಲ್‌ಗ್ ಬತ್‌ದ್ ಉಳ್ಳಾಲ್ಲಿನ ದರ್ಶನ ಮಲ್ತ್ದ್ ಪರಕೆ ಒಪ್ಪಿಸಾಯರ್, ಈ ಬೂಕು ಅಚ್ಚಾಯಿ ಬೊಕ್ಕ ಮೆರೆನ್ ದೇವಸ್ಥಾನದ ಮುಕ್ತಸರೆ ಆದ್ ಸರಕಾರ ನೇಮಕ ಮಲ್ತ್‌ಂಡ್. ಪುರಾಲ್‌ಡ್ ಒಂಜಿ ಅಗಲದ ಮಾರ್ಗ ಅವೊಡು, ಸುದೆಕಡಪರ ಸಂಕ ಬೋಡು, ಬತ್ತಿನಕ್‌ಲೆಗ್ ಒಣಸ್‌, ಉಂತಿಯರ ಜಾಗ್ ಬೋಡುಂದು ಕೆಲವು ನಮುನದ ಯೋಜನೆಲೆನ್ ತಯಾರ್ ಮಲ್ಲೆರ್. ಊರುದಕ್‌ಲೆನ್ ಕೂಡಾದ್ ತಾನ್ ಸೊತಾ ಕೊಟ್ಟು ಪತ್‌ದ್ ಅಪಗದ ಕಡಪುಡ್ಡು ಪದ್ಮಾವುಗು ಅಗಲದ ರಸ್ತೆ ಮಲೆರ್. ಪುರಾಲ್ ಅಮ್ಮೂರನ ಚಿತ್ರ ದೆಪ್ಪೆರೆ ಬಲ್ಲಿಂದ್ ದೇವಸ್ತಾನದ ಆಡಳೆದಕುಲು ತಾಕೀತ್ ಮಲ್ಸ್‌ದಿತ್ತೆರ್, ಚಿತ್ರದೆತ್ತ್ಂಡ ಬಿಂಬೊದ ಸರಿ ಪೋಪುಂಡುಂದು ಪಣ್ಣಿನ ನಂಬಿಕೆ ನೆಕ್ ಕಾರಣ, ಇಂಚಿನೆನ್ ಮಾತ ಹೆಗ್ಗಡ್ ನಂಬೊಂದಿತ್ತ್ಜೆರ್, ಆರ್ ಓ ಕಲಾವಿದನ್ ಲೆತೊಂದು ಪೋದು, ಆಕಲಾವಿದೆ ಕೈಟ್‌ಮಲ್ಲಿನ ಚಿತ್ರನು ತನ್ನ ಬೂಕುಡು ಪಾಡಿಯರ್, ಆರ್ ಮೊಕ್ತಸರೆ ಆದುಪ್ಪುನಗ ತಾನೇ ದೈರ ಕೊರುದು ದೇವರ ಚಿತ್ರ ದೆಪ್ಪಾಯರ್, ಅವನ್ ಅಚ್ಚಿ ಮಲ್ಪಾದ್ ರಡ್ಡಾಣೆ ಕಿರಯೊಗು ತಿಕ್ಕುನ ವ್ಯವಸ್ಥೆ ಮಲ್ಲೆರ್, ಇತ್ತೆ ಏತೋ ವೊರೊಡ್ಡು ಬೊಕ್ಕ ದೇವಸ್ತಾನದಕುಲೇ ಚಿತ್ರ ದೆಪ್ಪಾದರ್! ಹೆಗ್ಗಡ್ ಉಳ್ಳಾಲ್ಲಿನ ಮಲ್ಲ ಬಗ್ಗೆ. ಆರ್ ಪುರಾಲ್ ಸ್ಥಳ ಪುರಾಣ ಬರೆಯೆರೆ ಸುರುಮ .12
