ಭಾಷೆದ, ಸಾಹಿತ್ಯದ ಪರಿಚಯೊನ್ ನಂಕ್ ಮಲ್ತ್ ಕೊರ್ಪುಂಡು. ನೆಟ್ 24 ಗಾದೆಳನ್ ಸಬ್ದೊ ಬೊಕ್ಕ ಅರ್ಥೊದ ದೃಷ್ಟಿಡ್ ಇಂಗ್ಲಿಶ್‌ಗ್ ತರ್ಜುಮೆ ಮಳ್ತ್ ಕೊರ್ತೇರ್. ಅಂಚನೆ ಜರ್ಮನ್ ಬಾಸೆಡ್ ಸಮಾನವಾಯಿನ ಅರ್ಥ ಕೊರ್ತೆರ್ ಅತ್ತಂದೆ 26 ಗಾದೆಳೆ ಇಂಗ್ಲೀಷ್ ಅರ್ಥೊಳೆನ್‍ಲಾ ಕೊರ್ತೆರ್.
ಅಂಡೆದ ಬಾಯಿ ಕಟ್ಟೋಲಿ, ದೊಂಡೆದ ಬಾಯಿ ಕಟ್ಟೋಲ್ಯಾ ?
Literal Translation: Of a vessel the mouth may be tied up, of the throat, the mouth can it be tied up?
Meaning: The mouth of vessel may be tied up, but can a man's tongue be kept quite?
- ಬ್ರಿಗೆಲ್ ರೆನ ಕಡೆತ್ತ ದಿನೊಕ್ಕುಲು
1875 ಮೇ ತಿಂಗೊಳುಡು ಹವೆ ಬದಲ್ ಬೊಕ್ಕ ವಿಶ್ರಾಂತಿ ಪಂಡ್ದ್ ತನ ಊರುಗು ಪೋಯಿ ಬ್ರಿಗೆಲ್‌ರ್ ಸುಮಾರ್ ಮೂಜಿ ವರ್ಷ ಇಲ್ಲಡೇ ಇತ್ತೆರ್. ಆಂಡಲಾ ಕುಡ ಭಾರತೊಗು ಬತ್ತ್ಂಡ ಹವೆ ಬದಲಾದ್ ಸೀಖ್‌ಡ್ ಬೂರೊಡಾವು ಅತ್ತಂದೆ ಬುಡೆದಿಗ್‌ಲಾ ಅಸೌಖ್ಯ, ಎಲ್ಲೆಲ್ಯ ಜೋಕುಲು ಇಂಚ ಆರ್ ಊರುಡೇ ಕುಲ್ಲಿಯೆರ್. ಆರೆನ ಕುಟುಂಬದ ಸ್ಥಿತಿನ್ ತೆರಿಯೊಂಡಿ ಮಿಶನ್ ಸಂಸ್ಥೆದಕುಲೆಗ್ ಮನಸ್ಸಿಜ್ಜಿಡಲಾ ಆರೆಗ್ ಸಂಸ್ಥೆಡ್ದ್ ಬುಡುಗಡೆ ಮಳ್ತ್ಂಡ್.
ಮಿಶನ್ ಸಂಸ್ಥೆಡ್ದ್ ಬುಡುಗಡೆಡ್ದ್ ಬೊಕ್ಕ ಬ್ರಿಗೆಲ್ ಮನಿಪಂದೆ ಇತ್ತೀಜೆರ್. ತಾನ್ ಸೇವೆಗ್ ಜತ್ತ್‌ದಿ ಉದ್ದೇಶೊನು ನೆನೆತ್‌‌ದ್ ತಾನ್ ಜೀವ ಉಪ್ಪುನೆಟ್ಟ ದೇವರೆ ಸೇವೆ ಮಳ್ಪೊಡು ಪನ್ಪಿ ನಿರ್ದಾರೊನು ಮಲ್ತೊಂದು ಅಲ್ಪನೇ ಸಭಾ ಸೇವೆ ಮಳ್ಪೆರೆ ಜತ್ತೆರ್. ನವೆಂಬರ್ 1878ಡ್ದ್ 1880 ಮುಟ್ಟ ವುಟೆನ್‌ಬರ್ಗ್‌ದ ಗೆಲಾರ್ಡ್ ಜಿಲ್ಲೆದ ರುಪರ್ಟ್‌ಶೋಷನ್ ಪನ್ಪಿ ಊರುದ ಒಂಜಿ ದೇವಾಲಯದ ಬೋಧಕರಾದ್ ಸೇವೆ ಮಲ್ಪ್ಯರೆ ಸೇರಿಯೆ‌ರ್. ಆಯಿಬೊಕ್ಕ ದೈವಜ್ಞಾನೊಡು ರಡ್ಡ್ ವರ್ಷ ಶಿಕ್ಷಣ ಪಡೆದ್ ಎಂಗ್ಸೆಲಾಟ್ ಪನ್ಪಿ ಊರುದ ಒಂಜಿ ಸಭೆತ್ತ ಬೋಧಕೆರಾದ್ ಸೇರ್ದ್ ಒಂತೆ ಸಮಯೊಡು ಬೊಕ್ಕ ಅಲ್ತ ಸಭೆಕ್ಕುಲೆ ಮುಖ್ಯಸ್ಥೆರಾದ್ ನೇಮಕ ಆದ್ ತನ್ನ ಸೇವೆನ್ ಮಳ್ತೊಂದಿತ್ತೆರ್.
1887 ಎಪ್ರಿಲ್ 13 ತಾರೀಕ್‌ದಾನಿ ಬಯ್ಯಗ್ ಬ್ರಿಗೆಲ್‌ರ್ ದೃಢ ಶರೀರೊನು ಈ ಲೊಕೊಡು ಬುಡ್ಡು ಪರಲೋಕ ಸೇರಿಯೆ‌ರ್. ಮರಣದ ಸಮಯೊಡು ಅರೆ ಬುಡೆದಿ ಬೊಕ್ಕ ಐನ್ ಜೋಕುಲು ಕೈತಲಿತ್ತೆರ್. 55 ವರ್ಷ ಪ್ರಾಯೊಡು ತನ್ನ ಬುಡೆದಿ
