ಪುಟ:ಜೋಕುಲೆ ಉಜ್ಜಾಲ್ - ಜೋಕುಲೆ ಪದಜೊಂಕುಲಿ.pdf/73

ಅಪ್ಪೆ-ಬಾಲೆ

ಯಶೋದ ಮೋಹನ್

ಬಾಲೆ:-
ಅಮ್ಮ ಅಮ್ಮ ಪಿಜಿನ್ ತೂಲೆ
ಸಾಲ್ ಸಾಲೆ ಪೋಪುಂಡು..
ಬಾಯಿದುಲಯಿ ಕಡ್ಲೆ ಚೋಲಿ
ದಾಯೆ ಪತೊಂದು ತಿರ್ಗುಂಡು...?

ಅಮ್ಮ:-
ಬೇಸ ಮುಗಿದ್ ಕಾರ್ತೆಲ್‌ಡ್
ಬರ್ಸ ದಾರೆ ಬರ್ಪುಂಡು...
ಮಾಟೆದುಲಯಿ ಕತ್ತಲೆಗ್
ತಿನೆರೆ ಒಟ್ಟು ಮಲ್ಲುಂಡು.

ಬಾಲೆ:-
ಕತ್ತಲಾಂಡ್ 'ಕೂರೆ' ದಾಯೆ
ಇಲ್ಲದುಲಯಿ ಬರ್ಪುಜೆ
ತಡಮೆದಲ್ಪ ಜೆಪ್ಪುನಾಯೆ
ಪೋಡಿಗೆಲ ಆಪುಜೆ...?

ಅಮ್ಮ:-
ಕತ್ತಲೆಡ್ ದೋಟೊಗಾಂಡ
ಪೊಗ್ಗುನಕ್ಷೆ ತಲೆಪುವೆ...
ಬೌ..ಬೌ.. ಕೊರೆಪೊಡಾಂಡ
ಕಲ್ವೆ ಪೋಡ್ದ್ ಬಲಿಪುವೆ

ಬಾಲೆ:-
ಅಮ್ಮ ಅಮ್ಮ 'ಬಿಲ್ಲಿ' ಕಡೆಕ್
ಅಟ್ಟೊ ಮುಟ್ಟು ಮಿತರುಂಡು
ಜೆತ್ತಿ ಬೊಕ್ಕ ದಡಕ್ ಬಡಕ್
ಸವುದ ದಾದೆ ಮಲ್ಲುಂಡು?

52 ಜೋಕುಲೆ ಉಜ್ಜಾಲ್