|
ಕಕ್ಕೆಲೆಗೊಂಜಿ ಪ್ರಶ್ನೆ
ವಿಶ್ವನಾಥ ಕುಲಾಲ್, ಮಿತ್ತೂರು
ಕಾಕಾ ಕಾಕಾ ಕಪ್ಪುದ ಕಕ್ಕೆಲೆ
ಪ್ರಶ್ನೆಗ್ ಉತ್ತರ ಕೊರ್ಲೆ.
ತೆಲಿಪುನ ಬಾಲೆದ ಸವಾಲ್ ದಾದ
ಒಂಜೊಂಜೆನೆ ಕೇನ್ಲೆ !
ಕಪ್ಪು ಕಪ್ಪು ಕರಿತ ಬಣ್ಣೊನು
ಕಕ್ಕೆಗ್ ಕೊರ್ನಕುಲೇರ್ ?
ಕಪ್ಪು ರಂಗ್ ಇತ್ತ್ಂಡ ದಾನೆ
ಮನಸ್ ಬೊಲ್ದುದ ಪೇರ್ !
ಬೊಲ್ಪುಗೆ ಬತ್ತ್ ದ್ ಕಾಕಾ ಪಂಡ್ದ್
ನಿದ್ರೆನ್ ಮಲ್ಪುವ ಹಾಳ್ !
ಪುಲ್ಯ ಆಂಡ್ ಪನ್ಪುನೆ ಎಂಕುಲು
ಅಪಗನೆ ಲಕ್ಕ್ಂಡ ಗೇಲ್ !
ತೆನಸ್ನ್ ತೂಂಡತಿನ್ಪುನ ಬುಡ್ದ್
ಕೂಟೊನು ಲೆಪ್ಪುನೆ ದಾಯೆ?
ಪಟ್ಟ್ದ್ ತಿನೊಡು ಪನ್ಪಿನ ಎಂಕುಲೆ
ಪುಟ್ಟುಡು ಬತ್ತಿನ ಗುಣಯೆ !
ಎಂಕ್ಲೆನ ಲೆಕ್ಕನೆ ನಿಕ್ಲೆನ ಇಲ್ಲ್ಲಾ
ಮಲ್ಲವೆ ಉಂಡಾ ಭಾರೀ?
ಕಜವು ಕಡ್ಡಿನ್ ಪೆಜ್ಜಿದ್ ಕನತ್ದ್
ಕಟ್ಟ್ವ ಎಲ್ಯೆಡ್ ಕಾರಿ !
ಕಕ್ಕೆಲೆ ಪುಂಡುನ್ ಲೊಕೊನೆ ಮೆಚ್ಚುಂಡು
ದಾದ ನಿಕ್ಲೆನ ಮೇಲ್ಮೆ?
ಪಸಂತ್ರೊದೊಟ್ಟುಗು ಎಡ್ಡೆಪ್ಪುದ ಜೂವನ
ನಿಷ್ಟೆಗ್ ಸಂದಿನ ಪೆರ್ಮೆ !
|}
കക്കെലെഗൊംജി പ്രശ്നെ
വിശ്വനാഥ കുലാല് , മിത്തൂരു
കാകാ കാകാ കപ്പുദ കക്കെലെ
പ്രശ്നെഗ് ഉത്തര കൊറലെ
തെലിപുന ബാലെദ സവാല് ദാദ
ഒംജൊംജെനെ കേന്ലെ !
കപ്പുകപ്പുകരിത ബണ്ണൊനു
കക്കെഗ് കൊര്നകുലേര് ?
കപ്പു രംഗ് ഇത്ത്ംഡ ദാനെ
മനസ് ബൊല്ദുദ പേര് !
ബൊല്പുഗെ ബത്ത്ദ്കാകാ പംഡ്ദ്
നിദ്രെന്മല്പുവ ഹാള്!
പുല്യ ആംഡ് പന്പുനെ എംകുലു
അപഗനെ ലക്ക്ംഡ ഗേല് !
തെനസ്ന് തൂംഡതിന്പുന ബുഡ്ദ്
കൂടൊനു ലെപ്പുനെ ദായെ ?
പട്ട്ദ് തിനൊഡു പന്പിന എംകുലെ
പുട്ടുഡു ബത്തിന ഗുണയെ !
എംക്ലെന ലെക്കനെ നിക്ലെന ഇല്ല്ലാ
മല്ലവെ ഉംഡാ ഭാരീ ?
കജവു കഡ്ഡിന് പെജ്ജിദ്കനത്ദ്
കട്ട്വ എല്യെഡ് കാരി !
കക്കെലെ പുംഡുന് ലൊകൊനെ മെച്ചുംഡു
ദാദ നിക്ലെന മേല്മെ ?
പസംത്രൊദൊട്ടുഗു എഡ്ഡെപ്പുദ ജൂവന
നിഷ്ടെഗ് സംദിന പെര്മെ !
|
