ಜೋಕುಲು ಮಾತಾ
ಒಟ್ಟಿಗೆ ಸೇರ್ದ್
ಲಗೋರಿ ಗೊಬ್ಬು ಗೊಬ್ಬುಗನಾ|
ಬಚೆನ್ ಮಾತಾ
ಪೆಜ್ಜಿದ್ ಕನತ್
ಅಂತರೊದಟ್ಟಿ ಒಯಿಪುಗನಾ|
ಕಾಕಜಿ ಮುದ್ದೆಗ್
ಬಲ್ಲ್ನ್ ಸುಂದುದು
ಚೆಂಡ್ದ ಲೆಕೊನೆ ಮನ್ಪುಗನಾ|
ಚೆಂಡ್ದ ಪೆಟ್ಟ್ಗ್
ಬೂರಿನ ಬಚ್ಚೆನ್
ಪೆಟ್ಟ್ನ್ ತಪ್ಪದ್ ಮುಟ್ಟುಗನಾ|
ಅಟ್ಟಿನೆ ಉಂತಾದ್
ಕೊಸೀಟ್ ಒರಾನೆ
ಲಗೋರಿ ಪಂಡ್ದ್ ಕಲ್ಕ್ಗನಾ|
ಕಾರ್ಡ್ ಚಿಲ್ಲಂದೆ
ತರೇಟ್ ಕುಟ್ಟಂದೆ
ಗೆಲ್ಮೆದ ಗೊಬ್ಬು ಗೊಬ್ಬುಗನಾ|
ಚೆಂಡ್ನ್ ಪತೊಂದು
ಗಿಡತೊಂದು ಬತ್ತ್ಂಡ
ಬಿತ್ತ್ಲ್ ಬಿತ್ತ್ಲ್ ಬಲಿಪುಗನಾ|
ಬಲ್ತ್ದ್ ಬಚ್ಚಿದ್
ಗೊಬ್ಬುಡು ಗೆಲ್ತ್ದ್
ಮೀಯೆರೆ ಕೆದುಕು ಲಾಗಿಗನಾ|
ನೀರ್ಡ್ ಗೊಬ್ಬುದ್
ಪೊರ್ತುನು ದೆಪ್ಪಂದೆ
ಇಲ್ಲಡೆ ಬೇಗ ಎತ್ತ್ಗನಾ|
ರಜೇತ ದಿನೊಟು
ಒಟ್ಟುಗು ಸೇರೊಂದು
ಲಗೋರಿ ಗೊಬ್ಬುನು ಒರಿಪುಗನ |
